கடல்வழிப் போக்குவரத்து
கடல்வழிப் போக்குவரத்து (maritime transport, ocean transport), அல்லது நீர்வழிப் போக்குவரத்து என்பது, மக்கள் (பயணிகள்) அல்லது பொருட்களை நீர்வழிகள் வழியாகக் கொண்டு செல்வதாகும். பதிவுசெய்யப்பட்ட வரலாறு முழுவதும் நீரூர்திகள் மூலமான சரக்குப் போக்குவரத்து பரவலாகப் பயன்படுத்தப்பட்டு வருகிறது, ஏனெனில் இது பயணிகளுக்கும் சரக்குகளுக்கும் நிலப் போக்குவரத்தை விட அதிக திறன் கொண்ட போக்குவரத்து முறையை வழங்குகிறது, நிலப் போக்குவரத்து பொதுவாக நிலப்பரப்பு நிலைமைகள், சாலை/தொடருந்து உள்கட்டமைப்புகளால் பாதிக்கப்படுவதால் ஒரு அலகு சுமைக்கு அதிக விலை கொண்டது. 20-ஆம் நூற்றாண்டில் வானூர்திப் போக்குவரத்து வருகை பயணிகளுக்கு கடல் பயணத்தின் முக்கியத்துவத்தைக் குறைத்துள்ளது, இருப்பினும் இது குறுகிய பயணங்களுக்கும், இன்பக் கப்பல் பயணங்களுக்கும் இன்னும் பிரபலமாக உள்ளது. வானூர்தி அல்லது நில வாகனங்கள் மூலம் போக்குவரத்தை விட நீர்வழிப் போக்குவரத்து மிகவும் மலிவானது,[2] ஆனால் நீண்ட பயணங்களுக்கு இது கணிசமாக மெதுவானதாகும், அத்துடன் போதுமான துறைமுக வசதிகளைப் பெரிதும் சார்ந்துள்ளது. 2020-ஆம் ஆண்டின் ஐநா அறிக்கையின்படி, பன்னாட்டு வணிகத்தில் கடல்வழிப் போக்குவரத்து தோராயமாக 80% ஆகும்.
படகுகள், கப்பல்கள் அல்லது கடல்கள், ஏரிகள், ஆறுகள், கால்வாய்கள் போன்ற படகுகளுக்கு செல்லக்கூடிய இணைப்பு நீர்நிலைகள் இருக்கும் வரை, கடல்வழிப் போக்குவரத்தை எந்தத் தூரத்திலும் பயன்படுத்த முடியும். கப்பல் போக்குவரத்து பொதுவாக வணிகம், பொழுதுபோக்கு அல்லது இராணுவ நோக்கங்களுக்காக இருக்கலாம். தொடக்ககால கப்பல் கட்டுதல், ஆற்றுப் பொறியியல் உருவாக்கப்பட்டதிலிருந்து மனித சமூகங்களில் கப்பல் போக்குவரத்து ஒரு முக்கிய அம்சமாகும், இது பல்வேறு நாகரிகங்களில் கால்வாய் யுகங்களுக்கு வழிவகுத்தது. இன்று விரிவான உள்நாட்டுக் கப்பல் போக்குவரத்து குறைவாக இருந்தாலும், பல கால்வாய்கள் உட்பட உலகின் முக்கிய நீர்வழிகள் இன்னும் மிக முக்கியமானவையும், உலகளாவிய பொருளாதாரங்களின் ஒருங்கிணைந்த முக்கிய பகுதிகளாகும். குறிப்பாக, எந்தவொரு பொருளையும் நீர் மூலம் நகர்த்த முடியும்; இருப்பினும், பல்வேறு வகையான அழுகும் பொருட்கள் போன்ற பொருள் விநியோகம் நேர முக்கியத்துவம் வாய்ந்ததாக இருக்கும்போது நீர்ப் போக்குவரத்து சாத்தியமற்றதாகிறது. இருப்பினும், நுகர்வோர் பொருட்களின் கடல்கடந்த கப்பல் போக்குவரத்து போன்ற வழக்கமான திட்டமிடப்பட்ட சரக்குகளுக்கு - குறிப்பாக நிலக்கரி, கற்கரி, கனிமூலங்கள் அல்லது தானியங்கள் போன்ற கனரக சுமைகள் அல்லது மொத்த சரக்குகளுக்கு - நீர்ப் போக்குவரத்து மிகவும் செலவு குறைந்ததாகும். தொழிற்புரட்சி அதன் முதல் தாக்கங்களைக் கொண்டிருந்தது, கால்வாய் மூலம் மலிவான நீர்ப் போக்குவரத்து, இயற்கை நீர்வழிகள் உட்பட அனைத்து வகையான நீர்வழிகள் மூலம் கப்பல் போக்குவரத்து செலவு குறைந்த மொத்த போக்குவரத்தாக உள்ளது.
1970-களில் தொடங்கி கொள்கலன்மயமாக்கல் கடல் போக்குவரத்தில் புரட்சியை ஏற்படுத்தியது. "பொதுச் சரக்கு" என்பது பெட்டிகள், தட்டுகள், பீப்பாய்கள் போன்றவற்றில் தொகுக்கப்பட்ட பொருட்களை உள்ளடக்கியது.
மேற்கோள்கள்
[தொகு]- ↑ "Rank Order – Merchant marine". CIA.gov. Archived from the original on June 13, 2007. Retrieved 2007-05-21.
- ↑ Stopford, Martin (1997-01-01). Maritime Economics. Psychology Press. p. 10. ISBN 9780415153102.
வெளி இணைப்புகள்
[தொகு]
- MarineTraffic: Global Ship Tracking Intelligence
- Chua, Charmaine (4 May 2021). "The Monstrosity of Maritime Capitalism". Boston Review. Retrieved 18 Jan 2024.
Two books unmask the colossal shipping industry behind global trade.
- W. S. Lindsay (1874), History of merchant shipping and ancient commerce
