ஓ. பன்னீர்செல்வம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஓ. பன்னீர்செல்வம்
O. Panneerselvam.jpg
தமிழக சட்டப்பேரவையின் துணை எதிர்க்கட்சித் தலைவர்
பதவியில்
14 ஜூன் 2021 – 23 ஜூன் 2022
தலைவர் எடப்பாடி க. பழனிசாமி
முதல்வர் மு. க. ஸ்டாலின்
முன்னவர் துரைமுருகன்
தொகுதி போடிநாயக்கனூர்
பதவியில்
29 மே 2006 – 14 மே 2011
தலைவர் ஜெ. ஜெயலலிதா
முதல்வர் மு. கருணாநிதி
முன்னவர் கே. ஏ. செங்கோட்டையன்
பின்வந்தவர் துரைமுருகன்
தொகுதி பெரியகுளம்
02ஆவது தமிழக துணை முதலமைச்சர்
பதவியில்
21 ஆகத்து 2017 – 6 மே 2021
ஆளுநர் சி. வித்தியாசாகர் ராவ் (கூடுதல் பொறுப்பு)
பன்வாரிலால் புரோகித்
முதலமைச்சர் எடப்பாடி க. பழனிசாமி
முன்னவர் மு. க. ஸ்டாலின்
07-வது தமிழக முதலமைச்சர்
பதவியில்
06 திசம்பர் 2016 – 15 பிப்ரவரி 2017
ஆளுநர் சி. வித்தியாசாகர் ராவ் (கூடுதல் பொறுப்பு)
முன்னவர் ஜெ. ஜெயலலிதா
பின்வந்தவர் எடப்பாடி க. பழனிசாமி
பதவியில்
28 செப்டம்பர் 2014 – 23 மே 2015
ஆளுநர் கொனியேட்டி ரோசையா
முன்னவர் ஜெ. ஜெயலலிதா
பின்வந்தவர் ஜெ. ஜெயலலிதா
பதவியில்
21 செப்டம்பர் 2001 – 2 மார்ச் 2002
ஆளுநர் சக்ரவர்த்தி ரங்கராஜன் (கூடுதல் பொறுப்பு),
பி.எஸ். ராம்மோகன் ராவ்
முன்னவர் ஜெ. ஜெயலலிதா
பின்வந்தவர் ஜெ. ஜெயலலிதா
தமிழ்நாடு சட்டப்பேரவை எதிர்க்கட்சித் தலைவர்
பதவியில்
19 மே 2006 – 28 மே 2006
முன்னவர் க. அன்பழகன்
பின்வந்தவர் ஜெ. ஜெயலலிதா
சட்டமன்ற உறுப்பினர்
பதவியில்
14 மே 2001 – 15 மே 2011
முன்னவர் எல். மூக்கையா
பின்வந்தவர் ஏ. லாசர்
தொகுதி பெரியகுளம்
அண்ணா திராவிட முன்னேற்றக் கழகத்தின் ஒருங்கிணைப்பாளர்
பதவியில்
21 ஆகத்து 2017 – 23 ஜூன் 2022
துணை கா. பூ. முனுசாமி
ஆர். வைத்திலிங்கம்
இணை ஒருங்கிணைப்பாளர் எடப்பாடி க. பழனிசாமி
அண்ணா திராவிட முன்னேற்றக் கழகத்தின் பொருளாளர்
பதவியில்
21 ஆகத்து 2017 – 11 ஜூலை 2022
முன்னவர் திண்டுக்கல் சீனிவாசன்
பின்வந்தவர் திண்டுக்கல் சீனிவாசன்
பதவியில்
28 ஆகத்து 2007 – 14 பிப்ரவரி 2017
நியமித்தவர் ஜெ. ஜெயலலிதா
முன்னவர் டி. டி. வி. தினகரன்
பின்வந்தவர் திண்டுக்கல் சீனிவாசன்
தனிநபர் தகவல்
பிறப்பு 14 சனவரி 1951 (1951-01-14) (அகவை 71)[1]
பெரியகுளம், மதராசு மாநிலம், இந்தியா
(தற்போது தமிழ்நாடு)
அரசியல் கட்சி AIADMK Official Flag.png அதிமுக
வாழ்க்கை துணைவர்(கள்) ப. விஜயலட்சுமி (இ:2021)
பிள்ளைகள் 3 (இரவீந்திரநாத் குமார் உட்பட)
பெற்றோர் தந்தை: ஓட்டக்கார தேவர்
தாய்: பழனியம்மாள் நாச்சியார்
இருப்பிடம் 31, ராஜ அண்ணாமலைபுரம், சென்னை, தமிழ்நாடு, இந்தியா
கல்வி இளங்கலை
படித்த கல்வி நிறுவனங்கள் ஹாஜி கருத்த ராவுத்தர் ஹவுதியா கல்லூரி
விருதுகள் International Rising Star of the Year-Asia (2019)
பட்டப்பெயர்(கள்) ஓ. பி. எஸ், பெரியகுளத்தார்

ஓட்டக்கார தேவர் பன்னீர்செல்வம் (ஆங்கில மொழி: O.Panneer Selvam, பிறப்பு: ஜனவரி 14 1951) ஓர் இந்திய அரசியல்வாதியும், தமிழகத்தின் 6ஆவது முதலமைச்சராகவும்,2ஆவது துணை முதலமைச்சராகவும் பொறுப்பில் இருந்தவரும் ஆவார். இவர் ஓ.பி.எஸ் என்றும் அறியப்படுகிறார்.

அவர் 21 செப்டம்பர் 2001 - 02 மார்ச் 2002, 28 செப்டம்பர் 2014 - 23 மே 2015 மற்றும் 05 திசம்பர் 2016 - 15 பிப்ரவரி 2017 என மூன்று முறை தமிழக முதலமைச்சராகவும் 21 ஆகத்து 2017 - 6 மே 2021 வரை தமிழக துணை முதலமைச்சராகவும் பொறுப்பு வகித்தார்.இவர்தான் எதிர்க்கட்சித்தலைவராக பணியாற்றிய,ஒரே எதிர்க்கட்சி துணைத்தலைவரும் ஆவார்.

வாழ்க்கைக் குறிப்பு

இவர் தேனி மாவட்டம், பெரியகுளம் எனும் ஊரில் ஓட்டக்கார தேவர் மற்றும் பழனியம்மாள் நாச்சியார் ஆகியோருக்கு ஜனவரி 14, 1951 ஆம் ஆண்டு பிறந்தார். பின்னர் பெரியகுளத்தில் உள்ள விக்டோரியா நினைவு அரசு மேல்நிலைப்பள்ளியில் பள்ளியில் இறுதிவகுப்பில் தேறினார். பின்னர் உத்தமபாளையத்தில் உள்ள ஹாஜி கருத்த ராவுத்தர் ஹவுதியா கல்லூரியில் படித்து இளங்கலை (பி. ஏ) பட்டம் பெற்றார். இவருக்கு விஜயலட்சுமி என்னும் மனைவியும், இரவீந்திரநாத் குமார், ஜெயபிரதீப் என்னும் இரண்டு மகன்களும்[2] ஒரு மகளும் உள்ளனர். இவருக்கு ராஜா என்ற தம்பியும் உள்ளார்.[2] இவரது மூத்த மகன் இரவீந்திரநாத் குமார், 2019 ஆம் ஆண்டு நடந்த மக்களவைத் தேர்தலில், தேனி தொகுதியிலிருந்து, இந்திய நாடாளுமன்றத்திற்குத் தேர்ந்தெடுக்கப்பட்டார்.

அரசியல் வாழ்க்கை

உள்ளாட்சி மன்றப் பங்களிப்புகள்

1996 ஆம் ஆண்டு நடைபெற்ற தமிழ்நாடு உள்ளாட்சி மன்றத் தேர்தலில் பெரியகுளம் நகர்மன்றத் தலைவராகத் தேர்வு செய்யப் பெற்றார்.

சட்டமன்றப் பங்களிப்புகள்

இவர் 2001 ஆம் ஆண்டு முதல் தொடர்ந்து நான்காவது முறையாகத் தமிழ்நாடு சட்டமன்ற உறுப்பினராகத் தேர்வு செய்யப்பட்டு, பணியாற்றி வருகிறார்.

2001 ஆம் ஆண்டு தேர்தல்

2001 ஆம் ஆண்டு தமிழ்நாடு மாநில சட்டமன்றத் தேர்தலில், பெரியகுளம் தொகுதி சட்டமன்ற உறுப்பினராகத் தேர்ந்தெடுக்கப்பட்டார்.

2006 ஆம் ஆண்டு தேர்தல்

2006 ஆம் ஆண்டு தமிழ்நாடு மாநில சட்டமன்றத் தேர்தலில், தேனி மாவட்டம், பெரியகுளம் தொகுதி சட்டமன்ற உறுப்பினராக மீண்டும் தேர்ந்தெடுக்கப்பட்டார்.

  • 19 மே 2006 முதல் 28 மே 2006 வரை தமிழ்நாடு சட்டப்பேரவை எதிர்க்கட்சித் தலைவராகவும்,
  • 29 மே 2006 முதல் 14 மே 2011 வரை தமிழ்நாடு சட்டப்பேரவை எதிர்க்கட்சித் துணைத் தலைவராாகவும் பணியாற்றினார்.

2011 ஆம் ஆண்டு தேர்தல்

2011 இல் போடிநாயக்கனூர் சட்டமன்றத் தொகுதி சட்டமன்ற உறுப்பினராகத் தேர்ந்தெடுக்கப்பட்டார்.

  • நிதி அமைச்சர் மற்றும் அவை முன்னவர் - 16 மே 2011 முதல் பொறுப்பினை ஏற்றுப் பணியாற்றினார்.
  • தமிழ்நாடு முதலமைச்சர் (செப்டம்பர் 27, 2014மே 22, 2015)
  • நிதி அமைச்சர் (மே 23, 2015மே 22, 2016)

2016 ஆம் ஆண்டு தேர்தல்

2016 இல் போடிநாயக்கனூர் சட்டமன்றத் தொகுதி சட்டமன்ற உறுப்பினராகத் தேர்ந்தெடுக்கப்பட்டார்.

2021 சட்டமன்றத் தேர்தல்

2021 ஆம் ஆண்டில் நடைபெற்ற சட்டமன்றத் தேர்தலில் போடிநாயக்கனூர் தொகுதியில் இருந்து அதிமுக சார்பில் சட்டமன்ற உறுப்பினராகி,தமிழ்நாடு சட்டப்பேரவை எதிர்க்கட்சித் துணைத் தலைவரனார்.[3]

தமிழக முதல்வராக

முதல் முறை

டான்சி வழக்கினாலும்,பிளெசண்ட் ஸ்டே ஹோட்டல் வழக்கினாலும் அப்போதைய முதல்வராக இருந்த ஜெ. ஜெயலலிதா முதல்வர் பதவியில் தொடர முடியாத காரணத்தால், வி.கே.சசிகலாவின் பரிந்துரைப்படி இவர் 2001 செப்டம்பர் 21 முதல் 2002 மார்ச் 01-ஆம் தேதி வரை தமிழக முதல்வராகப் பணியாற்றினார்.

இரண்டாம் முறை

27 செப்டம்பர் 2014 அன்று அப்போதைய முதல்வர் ஜெ. ஜெயலலிதா சொத்து குவிப்பு வழக்கில் பெங்களூர் சிறப்பு நீதிமன்றத்தால் நான்கு ஆண்டுகள் சிறைத்தண்டனையும், நூறு கோடி ரூபாய் அபராதமும் விதிக்கப்பட்டதைத் தொடர்ந்து அவர் முதலமைச்சர் பதவியை இழந்தார். தமிழக சட்டசபையில் பெரும்பான்மை பலம் வாய்ந்த அ. தி. மு.க-வின் சட்டமன்ற உறுப்பினர்கள் கலந்து பேசி சட்டமன்றக் கட்சித் தலைவராக ஓ.பன்னீர்செல்வத்தைத் தேர்ந்தெடுத்தனர்.[4] சொத்துக் குவிப்பு வழக்கில் ஜெயலலிதா விடுதலை செய்யப்பட்டதை அடுத்து சட்டமன்ற உறுப்பினர்களின் கூட்டத்தில் அவர் சட்டமன்றத் தலைவராக தேர்ந்தெடுக்கப்பட்டார். அதனைத் தொடர்ந்து பன்னீர்செல்வம் முதல்வர் பதவியை ராஜினாமா செய்தார்.

மூன்றாவது முறை

05 டிசம்பர் 2016 அன்று முதல்வர் ஜெயலலிதா இறந்ததையடுத்து, பன்னீர் செல்வம் 06 திசம்பர் 2016 அன்று அதிகாலையில் முதல்வராக பதவியேற்றுக் கொண்டார்.[5]

அதிமுகவின் பொதுச்செயலாளர் வி. கே. சசிகலா, அக்கட்சியின் சட்டப்பேரவைத் தலைவராக 05 பிப்ரவரி 2017 அன்று தேர்வு செய்யப்பட்டார். இதனையடுத்து பன்னீர்செல்வம் முதல்வர் பதவியிலிருந்து விலகுவதற்கான கடிதத்தை ஆளுநருக்கு அனுப்பி வைத்தார்.[6] பின்னர் 07 பிப்ரவரி 2017 அன்று செய்தியாளர்களை சந்தித்த பன்னீர்செல்வம்,கட்டாயப்படுத்தியதால் பதவி விலகல் கடிதத்தை தான் அளித்ததாக தெரிவித்தார். இதனைத் தொடர்ந்து, அதிமுகவின் பொருளாளர் பதவியிலிருந்து அவர் நீக்கப்பட்டதாக அக்கட்சியின் பொதுச்செயலாளர் சசிகலா அறிவித்தார். இதன் பிறகு, பன்னீர்செல்வம், சசிகலா என இரு அணிகளாக அதிமுகவில் பிளவு ஏற்பட்டது. 12 பிப்ரவரி வரை பன்னீர்செல்வம், ஒரு அமைச்சர் உள்ளிட்ட 07 சட்டமன்ற உறுப்பினர்கள் பன்னீர்செல்வம் அணியில் இருந்தனர். 08 மக்களவை உறுப்பினர்கள், 02 மாநிலங்களவை உறுப்பினர்கள் என மொத்தமாக 10 பேர் பன்னீர்செல்வம் அணியில் இருந்தனர்.

துணை முதல்வராக

முதல் முறை

அதிமுகவின் இபிஎஸ் அணியும்,ஓபிஎஸ் அணியும் 2017 ஆகத்து 21 இல் இணைந்ததை அடுத்து ஏற்பட்ட ஒப்பந்தத்தின்படி அமைச்சரவையில் மாற்றம் செய்யப்பட்டது., அதன்படி ஓ பன்னீர்செல்வம் துணை முதல்வரானார்.[7]

படங்கள்

போட்டியிட்ட தேர்தல்கள்

தமிழ்நாடு சட்டமன்றத் தேர்தல்

தேர்தல் தொகுதி கட்சி முடிவு வாக்கு சதவீதம் % எதிர்க்கட்சி வேட்பாளர் எதிர்க்கட்சி எதிர்க்கட்சி வேட்பாளர் வாக்கு சதவீதம் %
தமிழ்நாடு சட்டமன்றத் தேர்தல், 2001 பெரியகுளம் அதிமுக வெற்றி 54.28% எம்.அபுதாஹிர் திமுக 38.62%
தமிழ்நாடு சட்டமன்றத் தேர்தல், 2006 பெரியகுளம் அதிமுக வெற்றி 49.81% எல். மூக்கையா திமுக 39.00%
தமிழ்நாடு சட்டமன்றத் தேர்தல், 2011 போடிநாயக்கனூர் அதிமுக வெற்றி 56.69% எஸ். லட்சுமணன் திமுக 38.89%
தமிழ்நாடு சட்டமன்றத் தேர்தல், 2016 போடிநாயக்கனூர் அதிமுக வெற்றி 49.38% எஸ். லட்சுமணன் திமுக 41.63%
தமிழ்நாடு சட்டமன்றத் தேர்தல், 2021 போடிநாயக்கனூர் அதிமுக வெற்றி 46.68% தங்க தமிழ்ச்செல்வன் திமுக 41.45%

மேற்கோள்கள்

  1. "Thiru O. Panneerselvam Hon'ble Deputy Chief Minister". Tamil Nadu Legislative Assembly. 4 செப்டம்பர் 2019 அன்று மூலம் பரணிடப்பட்டது. 12 January 2020 அன்று பார்க்கப்பட்டது. Cite uses deprecated parameter |dead-url= (உதவி); Unknown parameter |= ignored (உதவி); Invalid |dead-url=dead (உதவி)
  2. 2.0 2.1 ஆனந்தவிகடன் 8-8-2019
  3. "16th Assembly Members". Government of Tamil Nadu. 2021-05-07 அன்று பார்க்கப்பட்டது.
  4. தமிழக முதல்வராகிறார் ஓ.பன்னீர் செல்வம்
  5. "Panneerselvam sworn in as Tamil Nadu Chief Minister for third time". தி இந்து. 6 டிசம்பர் 2016. 6 டிசம்பர் 2016 அன்று பார்க்கப்பட்டது.
  6. "தமிழகத்தின் 21-வது முதல்வராகிறார் சசிகலா: ஆளுநர் மாளிகையில் 9-ம் தேதி பதவியேற்பு விழா". தி இந்து (தமிழ்). 6 பிப்ரவரி 2017. 6 பிப்ரவரி 2017 அன்று பார்க்கப்பட்டது.
  7. "அதிமுகவின் இரு அணிகள் இணைந்தன: ஓபிஎஸ் துணை முதல்வராகிறார்; சசிகலாவை நீக்க நடவடிக்கை". செய்தி. தி இந்து. 2017 ஆகத்து 22. 23 ஆகத்து 2017 அன்று பார்க்கப்பட்டது. Check date values in: |date= (உதவி)

வெளி இணைப்புகள்

அரசியல் பதவிகள்
முன்னர்
ஜெ. ஜெயலலிதா
தமிழ்நாட்டு முதலமைச்சர்
2001–2002
பின்னர்
ஜெ. ஜெயலலிதா
தமிழ்நாட்டு முதலமைச்சர்
2014–2015
தமிழ்நாட்டு முதலமைச்சர்
டிசம்பர் 6, 2016 - பெப்ரவரி 16, 2017
பின்னர்
எடப்பாடி க. பழனிசாமி
"https://ta.wikipedia.org/w/index.php?title=ஓ._பன்னீர்செல்வம்&oldid=3459649" இருந்து மீள்விக்கப்பட்டது