ஓவியத்தின் மூலக்கூறுகள்
கோடு, முப்பரிமாணத் தோற்றம், வெளி, படிக அமைப்பு, வடிவம், வண்ணம், மதிப்பு ஆகியவை ஓவியத்தின் மூலக்கூறுகள் (Elements of art) ஆகும்.
கோடு[தொகு]
வரைதிரையில் இரு புள்ளிகளை இணைக்கும் கீறல் கோடு எனப்படும். கோடுகள், செங்குத்துக் கோடுகள், படுக்கைக் கோடுகள், சாய்வுக் கோடுகள், வளைவுக்கோடுகள், என பல வகைப்படும். கோடானது நீளம், அகலம், திசை ஆகிய மூன்றும் கொண்டதாகும்.[1]
கன பரிமாணத் தோற்றம்[தொகு]
ஒரு பொருள் வரைதிரையில் கன அளவுடன் எடுத்துக்கொள்ளும் இடம் அல்லது எடுத்துக்கொள்வதுபோலத் தோன்றும் இடம் கன பரிமாணத்தோற்றம் எனப்படும். பொதுவாக முப்பரிமாண பொருட்களை விவரிக்கும் போது பயன்படுத்தப்படுகிறது. முப்பரிமாணப் ஓவியப் படைப்புகள் நீள, அகலத்துடன் ஆழமும் கொண்டிருக்கும்.[1] இருபரிமாண ஓவியங்களிலும் தோற்றம் மற்றும் நிழலிடல் உத்திகள் மூலம் கனபரிமாணத் தோற்றத்தைக் கொணர முடியும்.[2]
வெளி[தொகு]
வரைஞரால் குறிப்பிட்ட காரணத்திற்காக வரைதிரையில் அளிக்கப்படும் இடங்கள் வெளி எனப்படும் (Space).[1] வெளி என்பது முன்னமைவு, நடு அமைவு, பின்அமைவுப் பகுதிகளைக் கொண்டது. நேர் வெளி, எதிர் வெளி என இருவகையாக அமையும்[3] . வரையப்பட்ட பொருள் அமையும் இடம் நேர்வெளி; மீதமிருக்கும் இடம் எதிர் வெளி ஆகும்.
படிக அமைப்பு[தொகு]
வரை தளத்தின் அல்லது வரை பொருளின் தொட்டு உணரக்கூடிய வழவழப்பான அல்லது சொரசொரப்பான தன்மையை படிக அமைப்பு (Texture) எனலாம்.
வடிவம்[தொகு]
வரைதிரையில் கோடுகளுக்குள் அடைக்கப்பட்ட உருவத்தை வடிவம் எனலாம். வடிவங்கள் செயற்கை சார்ந்த வடிவங்களாகவோ (Geometric) இயற்கை சார்ந்த (Organic) வடிவங்களாகவோ இருக்கலாம்.
வண்ணம்[தொகு]
வண்ணங்கள் பலவகைப்படும். முதன்மை வண்ணங்கள் (Primary Colors) இரண்டாம்தர வண்ணங்கள் (Secondary Colors ) மூன்றாம்தர வண்ணங்கள் (Tertiary Colors ) மற்றும் பல[4].
மதிப்பு[தொகு]
வரைதிரையில் வரையப்படும் பொருளில் ஒளி மற்றும் இருளின் (Light & Shade) அளவு அல்லது வண்ணங்களின் ஒளிர்மை, இருண்மை தன்மையின் அளவு மதிப்பு (Value) ஆகும்[5] .
மேற்கோள்கள்[தொகு]
- ↑ 1.0 1.1 1.2 "Understanding Formal Analysis". Getty. http://www.getty.edu/education/teachers/building_lessons/formal_analysis.html. பார்த்த நாள்: 9 May 2014.
- ↑ "What Are the Elements of Art?". About.com. http://arthistory.about.com/cs/reference/f/elements.htm. பார்த்த நாள்: 9 May 2014.
- ↑ "Vocabulary: Elements of Art, Principles of Art". Oberlin. http://www.oberlin.edu/amam/asia/sculpture/documents/vocabulary.pdf. பார்த்த நாள்: 9 May 2014.
- ↑ "What is the Definition of Color in Art?". About.com. http://arthistory.about.com/cs/glossaries/g/c_color.htm. பார்த்த நாள்: 9 May 2014.
- ↑ "What is Value in Art?". http://arthistory.about.com/cs/glossaries/g/v_value.htm.