ஓமந்தூர்

ஓமந்தூர், தமிழ்நாட்டின் விழுப்புரம் மாவட்டம், மரக்காணம் வட்டம், மரக்காணம் ஊராட்சி ஒன்றியம், ஓமந்தூர் ஊராட்சியில் அமைந்த சிற்றூர் ஆகும். இதன் அஞ்சல் சுட்டு எண் 604102 ஆகும். 1947-இல் சென்னை மாகாணத்தின் முதலமைச்சராக இருந்த ஓமந்தூர் இராமசாமி ரெட்டியார் இக்கிராமத்தில் பிறந்தவர் ஆவார். ஒமந்தூர் கிராமம் திண்டிவனம் சட்டமன்றத் தொகுதிக்கும், விழுப்புரம் மக்களவைத் தொகுதிக்கும் உட்பட்டது. 2011-ஆம் ஆண்டின் மக்கள் தொகை கணக்கெடுப்பின் படி, ஓமந்தூர் கிராமத்தின் மக்கள்தொகை 2,264 ஆகும்.

அமைவிடம்

திண்டிவனம்-புதுச்சேரி செல்லும் நெடுஞ்சாலையில் அமைந்த ஓமந்தூர் கிராமம், திண்டிவனத்திலிருந்து 7 கிமீ தொலைவிலும், மரக்காணத்திலிருந்து 33 கிமீ தொலைவிலும், பாண்டிச்சேரியிலிருந்து 30 கிமீ தொலைவிலும், விழுப்புரத்திலிருந்து 57 கிமீ தொலைவிலும் உள்ளது.

அருகமைந்த ஊர்கள்

ஓமந்தூர் கிராமத்திற்கு அருகமைந்த ஊர்கள் ஓலக்கூர், வானூர், மயிலம் மற்றும் கண்டமங்கலம் ஆகும்.

கல்வி

1. ஊராட்சி ஒன்றியத் துவக்கப் பள்ளி, ஓமந்தூர்
2. ஒ பி இராமசாமி ரெட்டியார் அரசு மேனிலைப் பள்ளி, ஓமந்தூர்
3. விகேஎம் சிபிஎஸ்சி உயர்நிலைப் பள்ளி

கோயில்கள்

1. பீமேஷ்வரர் கோயில்
2. வைகுந்த நாராயணப் பெருமாள் கோயில்
3. தேவி கருமாரி அம்மன் கோயில்
4. சுந்தர விநாயகர் கோயில்
5. கெங்கை அம்மன் கோயில்
6. ஓசியம்மன் கோயில்
7. அங்காளம்மன் கோயில்

முத்து மாரியம்மன் கோவில்