ஒரு குப்பை கதை

ஒரு குப்பை கதை
இயக்கம்	காளி ரங்கசாமி
தயாரிப்பு	அரவிந்தன், ராமதாஸ்,முகமது அஸ்லாம்
கதை	காளி ரங்கசாமி
இசை	Songs: ஜோஷ்வா ஸ்ரீதர்
நடிப்பு	தினேஷ் (நடன இயக்குநர்) மனிஷா யாதவ் யோகி பாபு
ஒளிப்பதிவு	மகேஷ் முத்துசாமி
படத்தொகுப்பு	கோபி கிருஷ்ணா
கலையகம்	Film Box
விநியோகம்	ரெட் ஜெயன்ட் மூவீசு
வெளியீடு	25 மே 2018
நாடு	இந்தியா
மொழி	தமிழ்

ஓரு குப்பை கதை (ஆங்கிலம்: A Garbage Story ) என்பது 2018 ஆம் ஆண்டு இந்திய தமிழ் நாடகத் திரைப்படமாகும், இது அரவிந்தன், ராமதாஸ், அஸ்லம் ஆகியோரால் தயாரிக்கப்பட்டது. இதை அறிமுக இயக்குநர் காளி ரங்கசாமி எழுதி இயக்கியுள்ளார். இப்படத்தில் நடன இயக்குநர் தினேஷ் திரைப்படத்தின் கதாநாயகனாக அறிமுகமானார், மணீஷா யாதவ் மற்றும் யோகி பாபு ஆகியோருடன் முக்கிய வேடங்களில் நடித்துள்ளனர். படத்திற்கு ஜோஷ்வா ஸ்ரீதர் இசையமைத்துள்ளார். இந்த படம் 25 மே 2018 இல் வெளியிடப்பட்டது. விமர்சகர்கள் நேர்மறையான கருத்துகளை வழங்கினார்கள்

"இயக்குநர் காளி ரங்கசாமி தனது கைகளில் ஒரு நல்ல திரைக்கதைக்குக்கு சொந்தக்காரர் என டைம்ஸ் ஆப் இந்தியா எழுதியது, மேலும் ஒரு உண்மையான வாழ்க்கைக் கதையை விவரிப்பதில் கிட்டத்தட்ட வெற்றி பெற்றுள்ளார்." "ஓரு குப்பை கதை திரைக்கதை என்பது இது சிறப்பாகச் செய்யக்கூடிய பொருளைக் கொண்டுள்ளது என பிஹைண்ட்வுட்ஸ் என எழுதியுள்ளது படத்தின் மரணமுடிவு சராசரி முடிவை விட அதிகமாக உள்ளது." குப்பை கதை ஒரு படத்தை விட சிறந்த புத்தகத்தை உருவாக்கியிருப்பார்.இந்து எழுதியது "இயக்குநர் காளி ரங்கசாமியின் ஓரு கதைக்களம் திரைபடத்தை பார்க்கும் ஆர்வத்தை தூண்ட போதுமானது என. " நியூஸ் மினிட் எழுதியது, "படத்தின் தலைப்பு ஓரு குப்பை கதை அதன் குறைபாடுள்ள கதாபாத்திரங்களைக் குறிக்கலாம், ஆனால் தாக்கத்தை ஏற்படுத்துவதில் குறைவு." சிஃபி எழுதியுள்ளார் "ஒட்டுமொத்தமாக, ஓரு குப்பை கதை என்பது திருமணத்திற்கு புறம்பான விவகாரம் மற்றும் அதன் ஆபத்துக்களைக் கையாளும் ஒரு தலைப்பு சார்ந்த பொருள். முதல் பாதி குற்றமில்லை, இரண்டாவது பாதி, இது ஒருபோதும் முடிவடையாத தொடர் போல மாறுகிறது. "ஒரு மனைவியைப் பற்றிய ஒரு முரண்பாடான கதை அதன் இரக்கத்தால் மீட்கப்படுகிறது"." பரத்வாஜ் ரங்கன் எழுதியுள்ளார்,

கதை

சென்னை குடிசைப் பகுதியில் வசிக்கும் குமார் ஒரு குப்பை சேகரிப்பவர். அவர் தனக்கு ஒரு பெண் தேடுகிறார், ஆனால் அவர் செய்யும் வேலையினால் பல பெண்கள் அவரை நிராகரிக்கின்றனர். இதற்கிடையில், வால்பாறையைச் சேர்ந்த நடுத்தர வர்க்கத்துப் பெண்ணான பூங்கொடியை அவர் சந்திக்கிறார். குமார் ஒரு எழுத்தர் (Clerk) என்று பூங்கொடியின் தந்தை பொய் சொல்லி அவர்களுக்கு திருமணம் செய்து வைக்கிறார். திருமணத்திற்குப் பிறகு சென்னை வந்த பூங்கொடிக்கு குமார் ஒரு குப்பை சேகரிப்பவர் என்று தெரியவர, அவள் அவர் மீது வெறுப்பு கொள்கிறாள். தன் மனைவியின் அன்பைப் பெற, குமார் குடிசைப் பகுதியிலிருந்து ஒரு அடுக்குமாடி குடியிருப்புக்கு மாறுகிறார். அங்கு அவர்களுக்கு ஒரு பெண் குழந்தையும் பிறக்கிறது.

புதிய வீட்டில் அவர்களுக்கு அர்ஜுன் என்ற மென்பொருள் பொறியாளர் அறிமுகமாகிறான். நாளடைவில் பூங்கொடிக்கும் அர்ஜுனுக்கும் இடையே தவறான உறவு ஏற்படுகிறது. பூங்கொடிக்காகத் தன் வேலையை விட முடிவெடுக்கும் குமார், ஒருநாள் வீட்டிற்கு வந்து பார்க்கும்போது பூங்கொடியும் குழந்தையும் அங்கு இல்லை. அவள் அர்ஜுனுடன் ஓடிப்போய்விட்டதாக வாட்ச்மேன் கூற, குமார் அதிர்ச்சியடைகிறான். பூங்கொடி தன் ஊருக்குச் சென்றிருப்பாள் என்று தேடிச் செல்லும் குமாருக்கு அங்கும் ஏமாற்றமே மிஞ்சுகிறது. மனைவியின் துரோகம் மற்றும் தாயின் இறப்பால் குமார் நிலைகுலைந்து போகிறான்.

மறுபுறம், அர்ஜுனுடன் சென்ற பூங்கொடிக்கு அவனது நிஜ முகம் தெரியவருகிறது. அவன் அவளைத் திருமணம் செய்ய விரும்பவில்லை. அர்ஜுனின் தந்தை அவனைக் கண்டிக்க, அர்ஜுன் பூங்கொடியைத் தன் நண்பன் ஒருவனிடம் விட்டுச் செல்கிறான். அந்த நண்பன் பூங்கொடியிடம் தவறாக நடக்க முயல, தற்காப்புக்காகப் பூங்கொடி அவனைப் கத்தியால் குத்திக் கொன்றுவிடுகிறாள். அந்த நேரத்தில் அங்கு வரும் குமார், நடந்ததை அறிந்து அதிர்ச்சியடைகிறான். பூங்கொடியையும் தன் குழந்தையையும் காப்பாற்ற எண்ணும் குமார், அந்தப் பழியைத் தான் ஏற்றுக்கொண்டு காவல்துறை முன் சரணடைகிறான்.

குமார் சிறைக்குச் செல்ல, பூங்கொடி தன் குழந்தையுடன் மீண்டும் பழைய குடிசைப் பகுதிக்கே வருகிறாள். செய்த தவற்றுக்காக வருந்தும் பூங்கொடி, இறுதியில் குமாரின் சீருடையை அணிந்து கொண்டு, சென்னையின் தெருக்களைச் சுத்தம் செய்யும் துப்புரவுப் பணியாளராகத் தன் வாழ்க்கையைத் தொடர்கிறாள்.