ஒட்டர்

ஒட்டர்

குறிப்பிடத்தக்க மக்கள்தொகை கொண்ட பகுதிகள்
தமிழ்நாடு, ஆந்திரப் பிரதேசம் மற்றும் தெலுங்கானா
மொழி(கள்)
தமிழ், தெலுங்கு
சமயங்கள்
இந்து
தொடர்புள்ள இனக்குழுக்கள்
போயர், பண்டி, கொட்டா.

எட்கர் தர்ஸ்டனின் தென்னிந்தியாவின் குலங்களும் குடிகளும் நூலுக்காக 1909-இல் எடுக்கப்பட்ட கட்டுமான உபகரணங்களுடன் கூடிய ஒட்டர்களின் குழு படம்

ஒட்டர் (Oddar, Vodra, Odde, Bhovi, or Waddar) எனப்படுவோர் இந்திய மாநிலங்களான தமிழ்நாடு, ஆந்திரப் பிரதேசம் மற்றும் தெலுங்கானா பகுதிகளில் வாழுகின்ற தெலுங்கு பேசும் இனக்குழுவினர் ஆவார்.

இச்சமூகத்தினர் போயர், பண்டி, கொட்டா இனத்தவர்களை ஒத்திருக்கின்றனர். இவர்கள் விஜயநகர ஆட்சியின் காலத்தில் ஒடிசாவில் இருந்து தமிழகம் வந்தனர். அந்த காரணத்தால், இச்சமூகத்தினர் ஒட்டர் என அழைக்கப்படுகின்றனர். இச்சமூகத்தினர் தெலுங்கு மொழியை தாய்மொழியாகக் கொண்டோராவர். இவர்கள் தமிழ்நாடு அரசின் இட ஒதுக்கீடு பட்டியலில், மிகவும் பிற்படுத்தப்பட்ட வகுப்பில் உள்ளனர். ஒட்டர், போயர் சமூக மக்களுக்கு பண்டி, கொட்டா என்ற சாதிச்சான்று வழங்கி தாழ்த்தப்பட்டோர் பட்டியலில் சேர்க்க வேண்டும் என பண்டி, கொட்டா சமுதாய மக்கள் நலச் சங்கத்தினர் கோரிக்கை வைக்கின்றனர்.

பெயர்கள்

ஒட்டர் சமூகம் பல பெயர்களால் அழைக்கப்படுகிறது. அவை கல் ஒட்டர், மண் ஒட்டர், மரம் ஒட்டர், உப்புர ஒட்டர், சூரா மாரி ஒட்டர்கள், பெத்த போயர், ஒட்ராஜ்புத், சூரிய குல சத்திரியர், சந்திர குல சத்திரியர்,போயர்.

தொழில்

இவர்கள் கல் உடைத்தல், கட்டிட வேலைகள், செங்கல் தயாரித்தல், சுண்ணாம்பு தயாரிக்கும் மூலங்கள் வெட்டுதல், அணைகள் கட்டுதல், போன்ற பணிகளை முக்கிய வாழ்வாதாரமாகக் கொண்டுள்ளனர்.