ஐஜென் மலை

ஐஜென் மலை
ஐஜென் மலை
	Mount Ijen; Gunung Ijen
	ஐஜென் எரிமலை
உயர்ந்த புள்ளி
உயரம்	2,769 m (9,085 அடி)
புடைப்பு
பட்டியல்கள்	ரீபு மலைகள்
ஆள்கூறு	8°03′29″S 114°14′31″E / 8.058°S 114.242°E
புவியியல்
	ஐஜென் மலை பன்யுவாங்கி பிராந்தியம், போண்டோவோசோ பிராந்தியம், கிழக்கு ஜாவா, இந்தோனேசியா
நிலவியல்
மலையின் வகை	சுழல் வடிவ எரிமலை
கடைசி வெடிப்பு	1999

ஐஜென் மலை (ஆங்கிலம்: Mount Ijen இந்தோனேசியம்: Gunung Ijen) என்பது இந்தோனேசியா, ஜாவா தீவு, கிழக்கு ஜாவா, பன்யுவாங்கி பிராந்தியம் (Banyuwangi Regency), போண்டோவோசோ பிராந்தியம், (Bondowoso Regency) பிராந்தியங்களில் அமைந்துள்ள சுழல் வடிவ எரிமலை ஆகும்.

நீலத் தீப்பிழம்பு, அமில ஏரி; மற்றும் கந்தகச் சுரங்கத்திற்கு இந்த மலை பெயர் பெற்றது. சுமார் 20 கிலோமீட்டர் (12 மைல்) அகலமுள்ள ஐஜென் எரிமலைத் தொடரின் ஒரு பகுதியாக ஐஜென் மலை உள்ளது.

ஐஜென் எரிமலை வளாகத்தில் மிக உயரமான இடம் குனோங் மெராப்பி சுழல் வடிவ எரிமலை ஆகும். "குனோங் மெராப்பி" என்ற பெயருக்கு இந்தோனேசிய மொழியில் 'நெருப்பு மலை' என்று பொருள்படும். மத்திய ஜாவாவில் உள்ள மெராபி எரிமலையும், சுமாத்திராவில் உள்ள மெராப்பி மலையும் ஒரே சொற்பிறப்பியல் அமைப்பைக் கொண்டுள்ளன.

ஐஜென் புவிப்பூங்கா, ஐஜென் மலைப்பகுதி, புலாவ் மேரா கடற்கரை மற்றும் ஆலாஸ் பூர்வோ தேசிய பூங்கா (Alas Purwo National Park) ஆகியவை பன்யுவாங்கி பிராந்தியம், போண்டோவோசோ பிராந்தியம் ஆகிய இரு பிராந்தியங்கள் முழுவதும் நீண்டுள்ளன.

ஆலாஸ் பூர்வோ தேசிய பூங்கா; பல்வேறு புவியியல், உயிரியல் மற்றும் பண்பாட்டுத் தளங்களைக் கொண்டுள்ளது. இந்தப் பூங்கா 2023-இல் யுனெஸ்கோ உலகளாவிய புவிசார் பூங்காக்களின் (UNESCO Global Geoparks) ஒரு பகுதியாக மாறியது.

ஐஜென் எரிமலை ஏரி

குனோங் மெராபியின் மேற்கே ஐஜென் எரிமலை உள்ளது. ஐஜென் எரிமலை ஒரு கிலோமீட்டர் அகலம் (0.62 மைல்) கொண்ட பசுநீல நிற அமில ஏரியைக் கொண்டுள்ளது. இந்த ஏரி ஒரு கந்தகச் சுரங்க நடவடிக்கைகளின் தளமாகும். கந்தகம் நிறைந்த கூடைகள் ஏரிப் பள்ளத்தின் அடித்தளத்தில் இருந்து கையால் கொண்டு மேலே வரப்படுகின்றன.^[2]^[3]

ஐஜென் எரிமலையின் மேலே உள்ள ஐஜென் கவா பள்ளம் 722 மீட்டர் (2,369 அடி) விட்டம்; மற்றும் 0.41 சதுர கிமீ (0.16 சதுர மைல்) பரப்பளவைக் கொண்டுள்ளது. இந்த ஏரி உலகின் மிகப்பெரிய அமிலத்தன்மை கொண்ட ஏரியாக அங்கீகரிக்கப்பட்டுள்ளது.^[4] ஐஜென் அமில ஏரி உலகின் மிகப்பெரிய அமில ஏரியாக அங்கீகரிக்கப்பட்டுள்ளது.^[1]