எலானசு

எலானசு
எலானசு ஆக்சில்லாரிசு
உயிரியல் வகைப்பாடு
உலகம்:	மெய்க்கருவுயிரி
திணை:	விலங்கு
பிரிவு:	முதுகுநாணி
வகுப்பு:	பறவை
வரிசை:	அசிபித்ரிபார்மசு
குடும்பம்:	அசிபித்திரிடே
பேரினம்:	எலானசு சாவிக்னி, 1809
மாதிரி இனம்
எலானசு கேரூலியசு = பால்கோ கேரூலியசு தேசுபாண்டெயினசு, 1789

எலானசு (Elanus) என்பது அசிப்பிட்ரிடே குடும்பத்தின் எலனைன் பருந்து துணைக்குடும்பத்தில் உள்ள கொன்றுண்ணி பறவைகளின் பேரினமாகும். இந்த பேரினத்தில் உள்ள நான்கு சிற்றினங்கள் பரவலாகக் காணப்படுகின்றன.

வகைப்பாட்டியல்

எலானசு பேரினம் 1809ஆம் ஆண்டில் பிரான்சு விலங்கியல் நிபுணர் ஜூல்சு-சீசர் சாவிக்னியால் அறிமுகப்படுத்தப்பட்டது. இது 1789ஆம் ஆண்டில் ரெனே லூயிச் டெசுபோன்டைன்சு விவரித்த பால்கோ கேரூலியசு என்ற கருந்தோள் பருந்து சிற்றினத்திற்கு இடமளித்தது. இது இப்போது இந்த பேரினத்தின் மாதிரி இனமாகவும் ஒற்றைச் சிற்றினமாகவும் உள்ளது. இந்த பெயர் "காத்தாடி" என்பதற்கான பண்டைய கிரேக்க எலானோசு என்பதிலிருந்து வந்தது.

விளக்கம்

எலானசு சிற்றினங்கள் கருப்பு இறக்கை அடையாளங்களுடன் ஒரு குறுகிய சதுர வாலுடன் பறக்கும் போது வெள்ளை மற்றும் சாம்பல் நிறத்துடன் தோன்றும் இரைவாரிச் செல்லும் பறவைகள் ஆகும். இவை கொறித்துண்ணிகள் மற்றும் பிற சிறிய பாலூட்டிகள், பறவைகள் மற்றும் பூச்சிகளுக்கான முக்கியமாக சவன்னா வாழ்விடப் பகுதிகளில் இவற்றை வேட்டையாடுகின்றன. சில நேரங்களில் ஒரு கெசுட்ரல் போல வட்டமிடுகின்றன. முதன்மை மற்றும் இரண்டாம் நிலை இறக்கைத் துய்மயிர் மேல் மேற்பரப்பில் ஆந்தைகளைப் போல மென்மையானவை. இவை ஆந்தை போன்ற அமைதியான பறப்பதற்கும் உதவுகின்றன. எலனசு பேரினம் பாதத்தில் உள்ளடங்கிய மிகச் சிறிய செதில்களைக் கொண்டிருப்பதில் தனித்துவமானது. நகத்தின் அடிப்பகுதியில் பள்ளம் இல்லை. இவை மங்கலான வெளிச்சத்தில் கொறித்துண்ணிகளை வேட்டையாடுவதற்கு பொருத்தமான கண்பார்வை கொண்டுள்ளன. இந்த பேரினத்தில் நான்கு சிற்றினங்கள் உள்ளன. இவை அனைத்தும் சிறிய பாலூட்டிகளை, குறிப்பாக கொறித்துண்ணிகளை, திறந்த சவன்னா வாழ்விடங்களில் தேடும் போது காற்றில் வட்டமிடுகின்றன. சில காலமாக, இந்த சிற்றினங்கள் அனைத்தும் எலனசு கேரூலியசு சிற்றினத்தின் துணையினங்களாக சேர்க்கப்பட்டன. இது கருந்தோள்-பருந்து என்று அழைக்கப்படுகிறது.

எழுத்துச் சிறகு பருந்து காலனித்துவ ரீதியாக இனப்பெருக்கம் செய்கிறது. இவை இரவாடி வகையினைச் சேர்ந்தது. மற்றச் சிற்றினங்கள் பகல் நேர விலங்காக மங்கலான நேரங்களில் உலாவுகின்றன.

படம்	பொதுவான பெயர்	விலங்கியல் பெயர்	பரவல்
	கருந்தோள் பருந்து	எலானசு கேரூலியசு (டெசுபோன்டைன்சு, 1789)
	சிறிய கரும்பருந்து	எலானசு ஆக்சில்லாரிசு (இலாதம், 1801)
	வெள்ளை வால் பருந்து	எலானசு லியூக்குரசு (வியெல்லட், 1818)
	எழுத்துச் சிறகு பருந்து	எலானசு இசுகிரிப்டசு கோல்ட், 1842

பிற மூலங்கள்

விக்கிமீடியா பொதுவகத்தில்,
Elanus
என்பதில் ஊடகங்கள் உள்ளன.

• Ferguson-Lees, Christie, Franklin, Mead and Burton Raptors of the World பன்னாட்டுத் தரப்புத்தக எண் 0-7136-8026-1