எம். ஆர். சீனிவாசன்
| மாலூர் ராமசாமி சீனிவாசன் | |
|---|---|
_and_Member_Planning_Commission_and_presently_Member,_AEC,_Dr._M.R._Srinivasan_addressing_at_the_India_Power_Awards_2011_ceremony,_in_New_Delhi_on_November_24,_2011.jpg) 2011 நவம்பர் 24 அன்று புதுதில்லியில் நடைபெற்ற இந்திய ஆற்றல் விருதுகள் 2011 நிகழ்வில் உரையாற்றும் எம். ஆர். சீனிவாசன் | |
| பிறப்பு | 5 சனவரி 1930 பெங்களூர், மைசூர் மாநிலம், பிரித்தானிய இந்தியா (தற்போதைய கருநாடகம், இந்தியா) |
| இறப்பு | 20 மே 2025 (அகவை 95) உதகமண்டலம், தமிழ்நாடு, இந்தியா |
| குடியுரிமை | இந்தியா |
| தேசியம் | ,இந்தியர் |
| துறை | இயந்திரப் பொறியியல் |
| பணியிடங்கள் | இந்திய அணுசக்திப் பேரவை அணு சக்தித்துறை (இந்தியா) பன்னாட்டு அணுசக்தி முகமையகம் திட்டக் குழு (இந்தியா) |
| கல்வி கற்ற இடங்கள் | விஸ்வேஸ்வரய்யா பல்கலைக்ககழகத்தின் பொறியியல் கல்லூரி மக்கில் பல்கலைக்கழகம் |
| அறியப்படுவது | இந்திய அணுசக்தி ஆயுதங்கள் வாயு சுழலி |
| விருதுகள் | பத்ம விபூசண் (2015) பத்மசிறீ (1984) |
| பிள்ளைகள் | சாரதா சீனிவாசன் |
மாலூர் ராமசாமி சீனிவாசன் (Malur Ramasamy Sriinavasan) (5 சனவரி 1930-20 மே 2025) ஓர் இந்திய அணு விஞ்ஞானியும் இயந்திரப் பொறியாளரும் ஆவார். இந்தியாவின் அணுசக்தித் திட்டத்தின் வளர்ச்சியிலும், அழுத்தப்பட்ட கன நீர் உலை (PHWR) வளர்ச்சியிலும் இவர் முக்கியப் பங்கு வகித்தார். இவர் இந்திய அரசின் இரண்டாவது மிக உயரிய குடியியல் விருதான பத்ம விபூஷண் விருது பெற்றுவர் ஆவார்.[1]
தொடக்க கால வாழ்க்கை மற்றும் கல்வி
[தொகு]எட்டு உடன்பிறப்புகளில் மூன்றாமவரான சீனிவாசன் 1930 ஆம் ஆண்டில் பெங்களூரில் பிறந்தார். மைசூரில் உள்ள இடைநிலைக் கல்லூரியில் அறிவியல் பாடப்பிரிவில் பள்ளிப்படிப்பை முடித்தார், அங்கு இவர் சமஸ்கிருதம் மற்றும் ஆங்கிலத்தை தனது படிப்புக்கான மொழியாகத் தேர்ந்தெடுத்தார். இயற்பியல் பாடத்தின் மீது இவர் மிகுந்த விருப்பம் கொண்டிருந்த போதிலும், இவர் எம். விஸ்வேஸ்வராயாவால் புதிதாகத் தொடங்கப்பட்ட பொறியியல் கல்லூரியில் சேர்ந்தார். அங்கு இவர் 1950 ஆம் ஆண்டில் இயந்திரப் பொறியியலில் இளங்கலைப் பட்டம் பெற்றார். பின்னர் 1952-ஆம் ஆண்டில முதுகலைப் பட்டம் முடித்து, 1954-ஆம் ஆண்டில் கனடாவின் மாண்ட்ரீலில் உள்ள மெக்கில் பல்கலைக்கழகத்தில் தத்துவவியலில் முனைவர் பட்டம் பெற்றார். எரிவாயு விசையாழி தொழில்நுட்பம் இவரது சிறப்புத் துறையாகும் .[2]
தொழில் வாழ்க்கை
[தொகு]சீனிவாசன் 1955 செப்டம்பரில் அணுசக்தித் துறையில் சேர்ந்தார். இந்தியாவின் முதல் அணு ஆராய்ச்சி அணு உலையான அப்சாராவை நிர்மாணிப்பதில் ஓமி பாபாவுடன் இணைந்து பணியாற்றினார். ஆகத்து 1959 இல், இந்தியாவின் முதல் அணு மின் நிலையத்தை நிர்மாணிப்பதில் முதன்மைத் திட்டப் பொறியாளராக சீனிவாசன் நியமிக்கப்பட்டார். இதைத் தொடர்ந்து, 1967 ஆம் ஆண்டில், சென்னை அணு மின் நிலையத்தில் தலைமைத் திட்டப் பொறியாளராக ஸ்ரீனிவாசன் நியமிக்கப்பட்டார். [சான்று தேவை][citation needed]
1974-ஆம் ஆண்டில், சீனிவாசன், இந்திய அணுசக்தித் துறையின் மின் திட்டப் பொறியியல் பிரிவின் இயக்குநராகவும், பின்னர் 1984-ஆம் ஆண்டில் அணுசக்தி வாரியத்தின் தலைவராகவும் நியமிக்கப்பட்டார். இந்தப் பதவிகளில், நாட்டில் உள்ள அனைத்து அணுசக்தி திட்டங்களின் திட்டமிடல், செயல்படுத்தல் மற்றும் செயல்பாட்டிற்கு இவர் பொறுப்பாக இருந்தார். 1987 ஆம் ஆண்டில், இவர் அணுசக்தி ஆணையத்தின் தலைவராகவும், அணுசக்தித் துறைச் செயலாளராகவும் நியமிக்கப்பட்டார், இந்திய அணுசக்தி திட்டசீனிவாசன் இருந்தார். மொத்தம் 18 அணு மின் நிலையங்களுக்கு இவர் பொறுப்பாக இருந்தார், அவற்றில் ஏழு செயல்பாட்டிலும் மேலும் ஏழு கட்டுமானத்திலும் இருந்தன. மேலும், நான்கு இன்னும் திட்டமிடல் கட்டங்களில் உள்ளன.
பிற பொறுப்புகள்
[தொகு]1990 முதல் 1992 வரை வியன்னாவில் உள்ள பன்னாட்டு அணுசக்தி நிறுவனத்தில் மூத்த ஆலோசகராக இருந்தார். 1996 முதல் 1998 வரை இந்திய அரசின் திட்டக் குழுவில் உறுப்பினராக இருந்த இவர், எரிசக்தி மற்றும் அறிவியல் மற்றும் தொழில்நுட்பத் துறைகளை கவனித்து வந்தார். 2002 முதல் 2004 வரையிலும், மீண்டும் 2006 முதல் 2008 வரையிலும் இந்தியாவின் தேசிய பாதுகாப்பு ஆலோசனைக் குழுவில் உறுப்பினராக இருந்தார். 2002 முதல் 2004 வரை கர்நாடகாவின் உயர்கல்வி பணிக்குழுவின் தலைவராகவும் இருந்தார். சீனிவாசன் உலக அணு இயக்கிகள் சங்கத்தின் (WANO) நிறுவனர் உறுப்பினராகவும், இந்திய தேசிய பொறியியல் அகாதெமி மற்றும் இன்ஸ்டிடியூஷன் ஆஃப் இன்ஜினியர்ஸ் (இந்தியா) ஆராய்ச்சி உறுப்பினராகவும் இந்திய அணுசக்தி சங்கத்தின் தகைசால் ஆராய்ச்சி உறுப்பினராகவும் இருந்தார்.[3]
இறப்பு
[தொகு]சீனிவாசன் 2025 மே 20 அன்று தனது 95 வது வயதில் காலமானார்.
விருதுகள் மற்றும் கௌரவங்கள்
[தொகு]- கன்னட ராஜ்யோத்சவ விருது, 2017 [4]
- ஆசிய விஞ்ஞானி 100, ஆசிய விஞ்ஞானி, 2016 [5]
- 2015இல் பத்ம விபூசண் [6]
- 1990இல் பத்ம பூசண் [6]
- 1984இல் பத்மசிறீ [6]
- மத்திய நீர்ப்பாசனம் மற்றும் மின்சார வாரியத்தின் வைர விழா விருது
- சிறந்த வடிவமைப்பாளர் விருது இன்ஸ்டிடியூட் ஆப் இன்ஜினியர்ஸ் (இந்தியா)
- அறிவியல் மற்றும் தொழில்நுட்பத்திற்கான சஞ்சய் காந்தி விருது
- அறிவியல் மற்றும் தொழில்நுட்பத்திற்கான ஓம் பிரகாஷ் பாசின் விருது
- இந்திய அறிவியல் பேராய சங்கத்தின் ஹோமி பாபா தங்கப் பதக்கம்
- பெங்களூரில் உள்ள விஸ்வேஸ்வரயா பொறியியல் கல்லூரியின் புகழ்பெற்ற முன்னாள் மாணவர் விருது
- இந்திய அணுசக்தி சங்கத்தின் ஹோமி பாபா வாழ்நாள் விருது
மேற்கோள்கள்
[தொகு]- ↑ "Advani, Amitabh Bachchan, Dilip Kumar get Padma Vibhushan". Bharti Jain. தி டைம்ஸ் ஆஃப் இந்தியா. 25 January 2015. Retrieved 26 January 2015.
- ↑ "Life Time Contribution Award In Engineering Fact sheet" (PDF). Association of Separation Scientists and Technologists. Archived from the original (PDF) on 3 மார்ச் 2016. Retrieved 25 Jan 2015.
- ↑ "Nuclear Experts, Nuclear Power Experts in India, Ask the Experts". Archived from the original on 2013-03-07. Retrieved 2013-03-03.
- ↑ "PM Modi didn't respond to my pleas on language policy: CM Siddaramaiah - Bengaluru News". The Times of India. 2 November 2017. Retrieved 10 July 2020.
- ↑ "The Asian Scientist 100". ஆசிய விஞ்ஞானி. Retrieved 13 March 2025.
- 1 2 3 "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.
வெளி இணைப்புகள்
[தொகு]- இந்திய அணுசக்தி திட்டத்தின் சிற்பிகள் பரணிடப்பட்டது 2016-03-03 at the வந்தவழி இயந்திரம்
- பொறுப்பை புரிந்து கொள்ளுங்கள்
- "M R Srinivasan: Why Kudankulam nuke plant is viable". Business Standard. 9 October 2011. Retrieved 24 September 2023.
- அணுசக்தி வல்லுநர்கள்
- "Gaurav's Blog". Gaurav's Blog. 16 March 2011. Retrieved 24 September 2023.
