எடமலைப்பட்டி புதூர்

இடமலைப்பட்டி புதூர் எடமலைப்பட்டி புதூர்
நகரப் பகுதி
அடைபெயர்(கள்): எ. புதூர்
இடமலைப்பட்டி புதூர் எடமலைப்பட்டி புதூர்
ஆள்கூறுகள்: 10°46′20″N 78°40′4″E
நாடு	இந்தியா
மாநிலம்	தமிழ்நாடு
மாவட்டம்	திருச்சிராப்பள்ளி
பரப்பளவு
• மொத்தம்	2 sq mi (5 km2)
ஏற்றம்	289 ft (88 m)
நேர வலயம்	ஒசநே+5:30 (இ. சீ. நே.)
அஞ்சல் குறியீட்டு எண்	620012
இடக் குறியீடு	+91431*******
வாகனப் பதிவு	TN 45, TN 48
இணையதளம்	www.trichycorporation.gov.in

எடமலைப்பட்டி புதூர் அல்லது எ. புதூர் என்பது இந்தியாவில் தமிழ்நாட்டின் திருச்சிராப்பள்ளியிலுள்ள ஒரு பெரிய குடியிருப்பு சுற்றுப்புறம் மற்றும் விரிவாக்கமாகும். கிழக்கே கே. கே. நகர், மேற்கே கருமண்டபம், வடக்கே கிராப்பட்டி மற்றும் தெற்கே பஞ்சப்பூர் ஆகியவற்றால் இந்நகர் சூழப்பட்டுள்ளது. இப்பகுதியில் பிரபலமான கோயில்கள், மருத்துவமனைகள், ஸ்மார்ட் மருத்துவம் சார்ந்த சேவைகள், பழமுதிர்சோலை, தையல்காரர்கள், மாவு ஆலைகள், பள்ளிகள் மற்றும் பெட்ரோல் நிலையங்கள் போன்ற வசதிகள் உள்ளன.

அமைவு

எடமலைப்பட்டி புதூர் நகரமானது, மதுரை பிரதான சாலையில் (என். எச். 45பி) திருச்சி மத்திய பேருந்து நிலையத்திலிருந்து 3.5 கி.மீ. தொலைவிலும், திருச்சி இரயில் நிலையத்திலிருந்து 3 கி.மீ. தொலைவிலும் அமைந்துள்ளது. திருச்சிராப்பள்ளி மாநகராட்சி வார்டு 39, 40 மற்றும் 41-ஆவது வார்டுகளில் சில, இந்தப் பகுதியை உள்ளடக்கியது மற்றும் திருச்சிராப்பள்ளி மேற்கு வட்டத்தின் கீழ் வருகிறது. இது பஞ்சப்பூர், பிராட்டியூர், கிராப்பட்டி ஆகிய பிரிவுகளுக்குள், முக்கியமான வரம்பைக் கொண்ட ஒரு காவல் நிலையத்தைக் கொண்டுள்ளது. எடமலைப்பட்டி புதூரின் முக்கிய குடியிருப்புப் பகுதிகளில் சோழிய வெள்ளாளர் தெரு (செல்வ விநாயகர் தெரு), ஆர். எம். எஸ். காலனி (வடக்கு, தெற்கு விரிவாக்கம்), ஸ்டேட் பாங்க் காலனி, பாப்பா காலனி, நல்லதண்ணி கேணி தெரு, சக்திவேல் காலனி, செல்லியம்மன் கோவில் தெரு, அன்பில் தர்மலிங்க நகர், அரசு காலனி, பிரான்சினா காலனி, பிள்ளையார் கோவில் தெரு, நேரு தெரு, அந்தோணியார் கோவில் தெரு, நியூ ஸ்ட்ரீட், நியூ காலனி, கே. ஆர். எஸ். நகர், கொல்லங்குளம், பாரதி நகர், பெட்ரோல் பங்க் சாலை ஆகியவை அடங்கும். இராமச்சந்திர நகர், நாதர் நகர், ஸ்ரீனிவாச நகர், ராஜீவ் காந்தி நகர், எம்.ஜி.ஆர். நகர், ஹெல்த் காலனி, அன்பிலார் நகர், அஞ்சலி நகர், ஸ்டாலின் நகர், தைலம் நகர், கங்கை நகர், முருகன் நகர், காதி கிராஃப்ட் காலனி, செட்டியாபட்டி, தோபி காலனி, படுகை, கிருஷ்ணபுரம், குட்டி மலை, ரெட்டை மலை ஆகியவை பிராட்டியூர் நகரை இணைக்கிறது.  

மக்கள்

குடியிருப்பாளர்களில் பெரும்பாலோர் வங்கியாளர்கள், வணிகர்கள், ஆசிரியர்கள் மற்றும் எழுத்தர் தொழிலாளர்கள் ஆவர். இப்பகுதியில் நடுத்தர வர்க்கம் மற்றும் உயர் நடுத்தர வர்க்கத்தின் சமமான கலவை உள்ளது. இப்பகுதியில் சோழிய வெள்ளாளர் சமூகத்தினர் பெரும்பான்மையாக உள்ளனர்.

திருவிழாக்கள்

காளியம்மன் கோவில் திருவிழா மற்றும் ரெட்டை மலை ஒண்டி கருப்பு கோயில் ஆடி திருவிழா மிகவும் பிரபலமாக உள்ளது. மேலும் திருச்சி நகரம் முதல் எ. புதூர் வரை உள்ள மக்கள் இந்த திருவிழா கொண்டாட்டத்தில் கலந்து கொள்கின்றனர்.