ஊர் (கண்டம்)

கட்டற்ற கலைக்களஞ்சியமான விக்கிப்பீடியாவில் இருந்து.

ஊர் (Ur) பழம்பாறை பேரூழிக் காலத்தில் 3000 மில்லியன் ஆண்டுகளுக்கு முன்னர் உருவான மீப்பெரும் கண்டம் ஆகும்;[1] இதுவே புவியின் மிகப்பழமையான கண்டமாகக் கருதப்படுகின்றது. ஆர்க்டிக்காவைவிட அரை பில்லியன் ஆண்டுகள் முன்னதாகத் தோன்றியுள்ளது. ஆனால் மற்றொரு மீப்பெரும் கண்டமான வால்பரா இதற்கு முன்னதாக, 3600/3100 மில்லியன் ஆண்டுகளுக்கு முன்னதாக, உருவாகியிருக்கலாம் என சிலர் கருதுகின்றனர்.[2]

1000 பில்லியன் ஆண்டுகளுக்கு முன்னால் இது நெனாவுடனும் அட்லாண்டிக்காவுடனும் இணைந்து ரோடீனியா மீப்பெரும் கண்டமாக உருவானது. ஓர் பிரிபடாத நிலப்பகுதியாக இருந்து வந்த ஊர் பாஞ்சியா லோரேசியாவாகவும் கோண்டுவானாவாகவும் உடைந்தபோது இதுவும் பிரிபட்டது.[3]

உருவாக்கமும் பிளவுபடலும்[தொகு]

ஊர் கண்டத்து பாறைகள் தற்கால ஆப்பிரிக்கா, ஆத்திரேலியா, இந்தியத் துணைக் கண்டங்களின் நிலப்பகுதிகளாக உள்ளன.[3]

ஊர் உருவான காலத்தில் புவிப்பரப்பில் இருந்த ஒரே கண்டமாக அது இருந்திருக்கலாம்; தற்கால ஆத்திரேலியாவை விட சிறியதாக இருந்திருக்கலாம் என்றாலும் இது ஒரு மீப்பெருங்கண்டமாக கருதப்படுகின்றது. புவிப்பரப்பில் ஊர் ஒரே கண்டமாக இருந்தபோது மற்ற நிலப்பகுதிகள் சிறுசிறு பாறைத் தீவுகளாக இருந்திருக்கலாம். எனவே இவை கண்டங்களாகக் கருதப்படவில்லை.

காலக்கோடு[தொகு]

  • ~3.1 பில்லியன் ஆண்டுகளுக்கு முன்னர், புவியின் மீதான ஒரே கண்டமாக ஊர் உருவானது.
  • ~2.8 பில்லியன் ஆண்டுகளுக்கு முன்னர், கேனோர்லாந்து மீப்பெருங்கண்டத்தின் அங்கமாக ஊர் இருந்தது.
  • ~2 பில்லியன் ஆண்டுகளுக்கு முன்னர், கொலம்பியாவின் அங்கமாக ஊர் இருந்தது.
  • ~1 பில்லியன் ஆண்டுகளுக்கு முன்னர், ரோடீனியா மீப்பெருங்கண்டத்தின் அங்கமாக ஊர் இருந்தது.
  • ~550 மில்லியன் ஆண்டுகளுக்கு முன்னர், பனோசியா மீப்பெருங்கண்டத்தின் அங்கமாக ஊர் இருந்தது..
  • ~300 மில்லியன் ஆண்டுகளுக்கு முன்னர் பாஞ்சியா மீப்பெருங்கண்டத்தின் அங்கமாக ஊர் இருந்தது..
  • ~208 மில்லியன் ஆண்டுகளுக்கு முன்னர் ஊர் லோரேசியா, கோண்டுவானா அங்கங்களாக பிரிந்தது.
  • ~65 மில்லியன் ஆண்டுகளுக்கு முன்னர் ஊரின் ஆப்பிரிக்கப் பகுதி இந்தியாவின் அங்கமாக பிரிந்தது.
  • ~இன்று, ஊர் ஆத்திரேலியா, மடகாசுக்கரின் அங்கமாகும்.

மேற்சான்றுகள்[தொகு]

  1. Zubritsky, Elizabeth. "In the beginning, there was Ur". Endeavors. University of North Carolina at Chapel Hill. பார்க்கப்பட்ட நாள் 28 June 2015.
  2. Lerner & Lerner 2003
  3. 3.0 3.1 Zubritsky 1997

உசாத்துணைகள்[தொகு]

வெளி இணைப்புகள்[தொகு]

"https://ta.wikipedia.org/w/index.php?title=ஊர்_(கண்டம்)&oldid=2016692" இலிருந்து மீள்விக்கப்பட்டது