ஊரி: தி சர்ஜிகல் ஸ்டிரைக்

கட்டற்ற கலைக்களஞ்சியமான விக்கிப்பீடியாவில் இருந்து.

ஊரி: தி சர்ஜிகல் ஸ்ட்ரைக் என்பது 2019ல் இந்தியாவில் வெளிவந்த இராணுவ நடவடிக்கைத் திரைப்படம் ஆகும்.[1][2][3][4] இது இந்தி மொழிப் படம் ஆகும். இத்திரைப்படத்தை எழுதி இயக்கிய இயக்குநர் ஆதித்யா தரின் முதல் படம் இது. விக்கி கௌஷல், பரேஷ் ராவல், மொஹித் ரெய்னா மற்றும் யாமி கௌதம் ஆகியோர் முன்னணி பாத்திரங்களில் நடித்துள்ளனர்.

இந்தப் படத்தின் கதை 2016ல் தீவிரவாதத் தாக்குதலுக்கு உள்ளான ஊரியில் நடந்தவற்றை அடிப்பாடையகக் கொண்டே எடுக்கப்பட்டது. இப்படத்தின் முக்கிய கதாபாத்திரமாக இந்திய இராணுவத்தை சேர்ந்த மேஜர் விஹான் சிங் ஷெர்கிலைக் கொண்டுள்ளது.[5][6]

ஊரி படம் 11 ஜனவரி 2019 இல் வெளியிடப்பட்டது.[7] வெற்றிகரமாக ஓடிய இப்படம் உலகளவில் 336 கோடி ரூபாய் (55 மில்லியன் அமெரிக்க டாலர்கள்) வசூலித்தது.[8][9] அதிக வசூல் செய்த இந்தியத் திரைப்படங்களின் பட்டியலில் இப்படம் இடம்பெற்றுள்ளது.

கதை[தொகு]

படம் ஐந்து அத்தியாயங்களாக பிரிக்கப்பட்டுள்ளது.

ஏழு சகோதரி மாநிலங்கள்[தொகு]

முதல் அத்தியாயம் ஜூன் 2015 இல் மணிப்பூர் மாநிலத்தின், சந்தேல் மாவட்டத்தில், பாதுகாப்புப் படையினரின் மீது நாகாலாந்தின் தேசிய சோசலிச கவுன்சில் (கே) போராளிகள் பதுங்கியிருந்து தாக்குவதிலிலிருந்து துவங்குகிறது. இதற்கு இந்தியத் தரைப்படை பதிலடி கொடுக்கும் விதமாக, ஒரு எல்லை பாதுகாப்புப்படை அதிகாரி மேஜர் விஹான் சிங் ஷெர்கில் (விக்கி கௌசல்) மற்றும் அவரது மைத்துனர் மேஜர் கரண் காஷ்யப் (மோகித் ரைனா) ஆகியோர் அடங்கிய அவரது படைப்பிரிவு வடகிழக்கு போராளிக் குழுவுக்குள் ஊடுருவி தாக்குகிறது, மேலும் பதுங்கியிருந்த அதன் முக்கிய தலைவரையும் கொல்கிறது. இந்த வெற்றிகரமான தாக்குதலுக்குப் பின்னர் அவருக்கும் அவரது படைப்பிரிவிற்கும் ஒரு இரவு விருந்தில் இந்தியப் பிரதமர் (ரஜித் கபூர்) வாழ்த்துக்களைத் தெரிவிக்கிறார். ஆல்சைமர் நோயின் ஆறாம் நிலையில் பாதிக்கப்பட்டுள்ள தனது தாயுடன் நெருக்கமாக இருக்க விரும்புவதால் விஹான் முன்கூட்டியே ஓய்வு பெற விரும்புகிறார். ஆனால் பிரதமர் ஓய்வுபெறுவதற்குப் பதிலாக புது தில்லியில் உள்ள ராணுவத் தலைமையகத்தில் பணிபுரிந்து கொண்டு அவரது தாய்க்கு அருகில் இருக்குமாறு கூறுகிறார்.[10]

அமைதியற்ற அமைதி (புது தில்லி)[தொகு]

இரண்டாவது அத்தியாயத்தில் விஹான் புது தில்லி ஒருங்கிணைந்த பாதுகாப்புப் பணியாளர் தலைமையகத்தில் பணியில் சேர்வதையும், அவர் தனது குடும்பத்தினருடன் நேரத்தை செலவிடுவதையும் காட்டுகிறது. இந்த பிரிவு பதான்கோட் தாக்குதல் பற்றிய சுருக்கமான விளக்கத்தையும் காட்டுகிறது. விஹானின் தாயை கவனித்துக்கொள்வதற்காக ஜாஸ்மின் டி அல்மெய்டா (யாமி கௌதம்) என்ற செவிலி நியமிக்கப்படுகிறார். விஹான் இந்திய வான்படை லெப்டினன்ட் சீரத் கவுர் (கீர்த்தி குல்ஹாரி) என்பவரைச் சந்திக்கிறார். இராணுவ அதிகாரியாக இருந்து இறந்த அவரது கணவனின் தேசபக்தியை நிரூபிக்க முயற்சிக்கிறார். ஒரு நாள் விஹானின் தாய் காணாமல் போகிறார். விஹான் தனது தாயைத் தேடுகிறார், அவர் அறியாமையால் ஜாஸ்மினை குற்றம் சாட்டுகிறார். அவளுடைய பாதுகாப்பு தேவையில்லை என்று ஜாஸ்மினிடம் கூறுகிறார். விஹானின் தாயார் ஒரு பாலத்தின் கீழ் காணப்படுகிறார். ஜாஸ்மின் தன்னை ஒரு உளவுத்துறை முகவராக வெளிப்படுத்துகிறார். வடகிழக்குப் பகுதி பயங்கரவாதிகளின் அச்சுறுத்தல் காரணமாக சிறப்புப் படை வீரர்களின் குடும்பங்களுக்கு ஏன் பாதுகாப்பு வழங்கப்பட்டது என்பதற்கான குறிப்பை படம் வெளிப்படுத்துகிறது.

ஊரி[தொகு]

செப்டம்பர் 19, 2016 அன்று, சம்மு காசுமீர் மாநிலத்தின் ஊரி பகுதியின் படைப்பிரிவு தலைமையகத்தை ஆயுதமேந்திய நான்கு போராளிகள் அதிகாலையில் தாக்கி, 19 வீரர்களை தூக்கத்தில் கொன்று விடுகின்றனர். பயங்கரவாதிகளும் கொல்லப்படுகிறார்கள். ஆனால் பயங்கரவாதியின் வெடிகுண்டு தற்செயலாக வெடித்ததால் கரண் இறந்துவிடுகிறார். விஹான் உட்பட முழு குடும்பமும் ஆற்றவொண்ணாத துயரத்திற்கு ஆளாகிறது. தாக்குதலில் ஈடுபட்டவர்கள் மீது கடுமையான நடவடிக்கை எடுக்க அமைச்சகம் முடிவு செய்கிறது. தேசிய பாதுகாப்பு ஆலோசகர் கோவிந்த் பரத்வாஜ் (பரேஷ் ராவல்) ஒரு துல்லியத் தாக்குதல் யோசனையை தெரிவிக்கிறார். பிரதமர் அதற்கு அனுமதியளித்து தாக்குதலுக்கு பத்து நாட்கள் அவகாசம் அளிக்கிறார். விஹான் தனது வேலையை விட்டுவிட்டு உதம்பூர் தளத்திற்கு செல்கிறார். அவர் இந்திய இராணுவத் தளபதி அர்ஜுன் சிங் ராஜாவத் (ஷிஷிர் சர்மா) அவர்களைச் சந்தித்து தான் மேற்கொள்ளும் நடவடிக்கையை பற்றி அறிவிக்கிறார். தாக்குதலில் கொல்லப்பட்ட பெரும்பாலான வீரர்கள் இந்த ரெஜிமென்ட்களைச் சேர்ந்தவர்கள் என்பதால், சிறப்பு படையினருடன் பீகார் ரெஜிமென்ட் மற்றும் டோக்ரா ரெஜிமென்ட் ஆகியவற்றிலிருந்து உயரடுக்கு கட்டாக் படை கமாண்டோக்களை விஹான் தேர்வு செய்கிறார். விஹான் அவர்களிடம் தாக்குதல் முடியும்வரை தங்கள் தொலைபேசிகளைப் பயன்படுத்த முடியாது என்று அவர்களுக்குத் தெரிவிக்கிறார், மேலும் வழக்கமான பயிற்சியாகவே இருக்குமாறு தங்கள் பணியை அமைத்துக்கொள்கிறார்கள். கமாண்டோக்கள் தங்கள் பயிற்சியைத் தொடங்குகிறார்கள்.[10][11][12][13][14]

வரவேற்பு[தொகு]

வசூல்[தொகு]

ஊரி படம் 11 ஜனவரி 2019 இல் வெளியிடப்பட்டது.[7] இப்படம் இந்தியாவில் 289.68 கோடி ரூபாய் மற்றும் பிற நாடுகளில் 47 கோடி ரூபாய் என உலகளவில் 336 கோடி ரூபாய் (55 மில்லியன் அமெரிக்க டாலர்கள்) வசூலித்தது.[15][16] அதிக வசூல் செய்த இந்தியத் திரைப்படங்களின் பட்டியலில் இப்படம் 21 ஆவது இடம் பெற்றுள்ளது.

பாக்ஸ் ஆபிஸில் நடிப்பு
எடுத்துக் கொண்ட நாட்கள் உலகளாவிய மொத்த குறிப்புக்கள்
8 100 கோடி ரூபாய் ( யுஎஸ் $ 15 மில்லியன்) [15]
15 200 கோடி ரூபாய் ( அமெரிக்க $ 31 மில்லியன்)
28 300 கோடி ரூபாய் ( US $ 46 மில்லியன்)

குறிப்புகள்[தொகு]

  1. "Raazi for any role". தி டெலிகிராஃப்.
  2. "Vicky Kaushal: If a role scares me in a good way, I want to play it".
  3. "Uri The Surgical Strike actor Vicky Kaushal reveals his all-time favourite war film – watch video". டைம்ஸ் நௌவ்.
  4. "Uri: The Surgical Strike box office collection — Vicky Kaushal's action film crosses Rs 100 cr mark". Firstpost.
  5. "Uri teaser: Vicky Kaushal starrer on Indian Army’s surgical strike looks promising". The Financial Express. 28 September 2018. https://www.financialexpress.com/entertainment/uri-teaser-vicky-kaushal-starrer-on-indian-armys-surgical-strike-looks-promising/1329947/. பார்த்த நாள்: 28 September 2018. 
  6. Bhanot, Saurav (9 January 2019). "The real story of 'Uri: The Surgical Strike' Movie: What happened in the Uri attack and how did India respond?". GQ India (in அமெரிக்க ஆங்கிலம்). பார்க்கப்பட்ட நாள் 2019-01-31. {{cite web}}: Cite has empty unknown parameter: |dead-url= (help)
  7. 7.0 7.1 "Check out Vicky Kaushal's intense soldier look from Uri, a film based on surgical strike". https://mumbaimirror.indiatimes.com/entertainment/bollywood/uri-first-poster-vicky-kaushal-looks-intense-as-he-goes-on-surgical-strike/articleshow/65990817.cms. பார்த்த நாள்: 28 September 2018. 
  8. "Uri Box Office Collection till Now – Bollywood Hungama". Bollywood Hungama. பார்க்கப்பட்ட நாள் 7 April 2019.
  9. "Bollywood Top Grossers Worldwide Bollywood Hungama". பார்க்கப்பட்ட நாள் 7 April 2019.
  10. 10.0 10.1 Ata Hasnain, Syed (24 January 2018). "Ex-Uri Brigade Commander: "You Watch a Film for Fun, Not Facts"". The Quint (in ஆங்கிலம்). Archived from the original on 31 January 2019. பார்க்கப்பட்ட நாள் 31 January 2019.
  11. Ajaz, Mahwash (12 January 2019). "We asked a Pakistani Bollywood buff to review Uri & she has a request for Indian directors". The Print. httpS://theprint.in/opinion/we-asked-a-pakistani-bollywood-buff-to-review-uri-she-has-a-request-for-indian-directors/176916/. 
  12. Jhunjhunwala, Udita (11 January 2019). "Uri: The Surgical Strike movie review — Vicky Kaushal delivers top-notch performance in potent war drama". Firstpost (in ஆங்கிலம்). பார்க்கப்பட்ட நாள் 31 January 2019.
  13. Hungama, Bleed India With Thousand Cuts (in ஆங்கிலம்), பார்க்கப்பட்ட நாள் 31 January 2019
  14. Rangan, Baradwaj (17 January 2019). ""Uri: The Surgical Strike"… Not so much a war movie as a 'Hukumat'-style revenge drama, but it works". Baradwaj Rangan (in ஆங்கிலம்). Archived from the original on 31 January 2019. பார்க்கப்பட்ட நாள் 31 January 2019.
  15. 15.0 15.1 {{cite web}}: Empty citation (help)
  16. "Bollywood Top Grossers Worldwide Bollywood Hungama". Bollywood Hungama. பார்க்கப்பட்ட நாள் 7 April 2019.

வெளி இணைப்புகள்[தொகு]