ஊராட்சி ஒன்றிய துவக்கப்பள்ளி, அ. தாழையூர்
இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. |
ஊராட்சி ஒன்றிய துவக்கப்பள்ளி | |
---|---|
முகவரி | |
தாழையூர் சேலம், தமிழ் நாடு, 637 102 இந்தியா | |
தகவல் | |
வகை | அரசினர் பள்ளி |
நிறுவல் | 1954 |
பள்ளி அவை | தொடக்கநிலை |
வகுப்புகள் | 5 |
கற்பித்தல் மொழி | தமிழ், ஆங்கிலம் |
அ. தாழையூர் ஊராட்சி ஒன்றிய துவக்கப்பள்ளி, இந்தியாவின் தமிழ்நாடு மாநிலத்தில் சேலம் மாவட்டம், மகுடஞ்சாவடி ஒன்றியத்தில் உள்ளது. அ. தாழையூர் (அக்ரகார தாழையூர்) ஊராட்சி ஒன்றிய துவக்கப்பள்ளி 1954 ஆகஸ்ட் திங்கள் 8-ஆம் நாள் துவங்கப்பட்டது. இப்பள்ளிக்கு தேவையான நிலத்தை இவ்வூரை சேர்ந்த திரு. கந்தசாமி கவுண்டர் தானமாக வழங்கினார். பிறகு 1961 ஏப்ரல் திங்கள் 19-ஆம் நாள் தமிழக அரசு அங்கீகாரம் பெற்று செயல்பட்டு வருகிறது. இப்பள்ளியில் தற்போதுவரை 12 தலைமையாசிரியர்கள் பணியாற்றியுள்ளனர். இப்பள்ளி தேசிய நெடுஞ்சாலை-47ற்கும், சேலம்-ஈரோடு இருப்புப்பாதைக்கும் மிக அருகில் மகுடஞ்சாவடியில் இருந்து சங்ககிரி செல்லும் வழியில் 3 கி.மீ. தொலைவில் அமைந்துள்ளது.
நிர்வாகம்[தொகு]
தமிழ்நாடு அரசின் தொடக்கக்கல்வித்துறையின் கீழ் செயல்படும் ஊராட்சி ஒன்றிய நடுநிலைப்பள்ளி மகுடஞ்சாவடி உதவித் தொடக்கக்கல்வி அலுவலர் அவர்களின் நிர்வாகத்தில் செயல்படுகிறது.ஒன்று முதல் வகுப்பு இப்பள்ளியில் பயிற்றுவிக்கப்படுகிறது.
மாணவர்கள் மற்றும் ஆசிரியர்கள்[தொகு]
இப்பள்ளியில் நூற்றுக்கும் மேற்பட்ட மாணவர்கள் கல்வி பயின்று வருகின்றனர். ஒரு தலைமை ஆசிரியர், இடைநிலை ஆசிரியர்கள் பணியாற்றி வருகின்றனர்.
கற்றல் முறைகள்[தொகு]
இப்பள்ளியில் ஒன்று முதல் நான்காம் வகுப்பு வரை செயல் வழிக்கற்றல் முறையிலும் ஐந்தாம் வகுப்பு மாணவர்களுக்கு எளிய படைப்பாற்றல் கல்வி முறையில் கற்றல் கற்பித்தல் நடைபெறுகிறது. விளையாட்டு வழிக் கல்வி,கணினி வழிக் கல்வி,சுற்றுச்சூழல் கல்வி மற்றும் நன்னலக் கல்வி கற்பிக்கப்படுகிறது.
செயல்பாடுகள்[தொகு]
இப்பள்ளியில் கல்வி வளர்ச்சியை கண்காணிக்கவும் சுகாதாரத்தை பேனவும் பல்வேறு அமைப்புகள் ஏற்படுத்தப்பட்டுள்ளன.
- கிராமக் கல்விக் குழு
- பள்ளி மேலாண்மைக் குழு
- பெற்றோர் ஆசிரியர் கழகம்
- அன்னையர் குழு
மன்ற செயல்பாடுகள்[தொகு]
பள்ளியில் பல்வேறு நோக்கங்களுக்காக வெவ்வேறு மன்றங்கள் தோற்றுவிக்கப்பட்டு செயல்பட்டு வருகின்றன. அவையாவன
- சுற்றுச்சூழல் மன்றம்
- அறிவியல் மன்றம்
- சமூக அறிவியல் மன்றம்
- கணிதம் மன்றம்
- தமிழ் இலக்கியம் மன்றம்
- ஆங்கில இலக்கியம் மன்றம்
- சதுரங்க மன்றம்
விழாக்கள்[தொகு]
பள்ளியில் பல்வேறு விழாக்கள் நடத்தப்படுகின்றன.
- பள்ளி ஆண்டு விழா
- விளையாட்டு விழா
- கல்வி வளர்ச்சி நாள் விழா (காமராசர் பிறந்த தினம்)
- குழந்தைகள் தின விழா
- அப்துல் கலாம் பிறந்த நாள் விழா
- உலக யோகா தினம்
- பொங்கல் தமிழர் திருநாள்