ஊத்தங்கரை ஆஞ்சனேயர் திருக்கோயில்
ஊத்தங்கரை ஆஞ்சனேயர் திருக்கோயில் என்பது தமிழ்நாடு, கிருஷ்ணகிரி மாவட்டம், ஊத்தங்கரை நகரில், நகரின் மையப் பகுதியில் அமைந்துள்ளது.[1]
கோயில் அமைப்பு
[தொகு]இக்கோயிலில் ஆஞ்சனேயர், விநாயகர், ஆகியோருக்கு தனித்தனி சன்னதிகளும், தென் புறத்தில் நாகர் சன்னதியும் அமைந்துள்ளன. கோயிலின் முன்பக்கம் தியான மண்டபம் உள்ளது.[2] அதில் ஹயக்கிரீவர், இராமர், இலட்சுமணர், ஆஞ்சனேயர், இராமாநுஜர் ஆகியோருக்கு உற்சவர் சிலைகள் உள்ளன.
மணிமண்டபம்
[தொகு]இக்கோயிலின் முன்பக்கம் பெரிய மணிமண்டபம் அமைக்கப்பட்டுள்ளது, இங்கு சிறப்பு சொற்பொழிவுக் கூட்டங்களும், சுவாமிக்கான சிறப்பு யாகங்களும் நடத்தப்படுகிறது.
- பூசைகள்
இக்கோயிலில் சனிக்கிழமை பூசைகள் வெகு சிறப்பு, மேலும் அனுமன் ஜெயந்தி அன்று ஆஞ்சனேயருக்கு 100 லிட்டர் பாலில் அபிசேகம் செய்து சிறப்பு பூசைகள் நடைபெறும். மேலும் அன்றைய தினம் சுவாமி திருவீதி உலாவும் நடைபெறும்.
- சிறப்பு யாகங்கள்
இக்கோயிலில் ஆண்டுதோறும் மாணவர்களின் கல்வி நலனுக்காக ஸ்ரீ ஹயக்கிரீவர் யாகம் நடத்தப்படுகிறது. இதில் ஆயிரக்கணக்கான மாணவர்களும், பொது மக்களும் கலந்துக்கொள்வர்.
மேற்கோள்கள்
[தொகு]- ↑ "ரஜினிகாந்த் பிறந்தநாள்: ஆஞ்சநேயர் கோவிலில் சிறப்பு வழிபாடு". தினமணி. https://www.dinamani.com/tamilnadu/2020/Dec/12/rajinikanths-birthday-special-worship-at-anjaneyar-temple-3522478.html. பார்த்த நாள்: 8 February 2025.
- ↑ "ஊத்தங்கரை ஆஞ்சநேயர் கோயிலில் தியான மண்டபம்!". தினமலர். https://www.dinamalar.com/templenews/24803. பார்த்த நாள்: 8 February 2025.