உவமப்போலி

தொல்காப்பியம் உவமம், உவமப்போலி என்பனவற்றைச் சுட்டுகிறது. உவமையை நான்கு வகை என்கிறது. உவமப் போலியை ஐந்து வகை என்கிறது. இவற்றை இளம்பூரணர் என்னும் உரையாசிரியரின் வழி நிரல் செய்து விளங்கிக்கொள்ளலாம். உவமப்போலி ஐந்துக்கு [[இளம்பூரணர் தரும் எடுத்துக்காட்டுகளை நிரலுக்குப் பின் காணலாம்.

நிரல்

உவமம்	உவமப்போலி
வினை, பயன், மெய், உரு	வினை, பயன், உறுப்பு, உரு, பிறப்பு

இளம்பூரணர் எடுத்துக்காட்டு

1
இதற்கு உவமை இல்லை எனல்

நின்னோர் அன்னர் பிறர் இவர் இன்மையின்
மன் எயில் முகவைக்கு வந்திசின் பெரும

2
இதற்கு இது மட்டுமே உவமை எனல்

மன் உயிர் முதல்வனை ஆதலின்
நின்னோர் அணையை நின் புகழோடு பொலிந்தே

3
பல பொருள்களில் உள்ள உறுப்புகளைத் தெரிந்தெடுது ஒன்றாகச் சேர்த்தால் இதற்கு உவமை ஆகும் - எனல்

நல்லார்கள் நல்ல உறுப்பாயின தாங்கள் தாங்கள்
எல்லாம் உடன் ஆனது என்று அன்ன இயைந்த ஈட்டால்
சொல்லால் முகம் கண் முலை தோள் இடை அல்குல் கை கால்
பல் வாய் குழல் என்று இவற்றால் படிச் சந்தம் ஆனாள்

4
பல இடங்களிலும் உளதாகிய கவின் ஓரிடத்து வரின் இதற்கு உவமை ஆம் - எனல்

நாள் கோள் திங்கள் ஞாயிறு கனை அழல்
ஐந்து ஒருங்கு புணர்ந்த விளக்கத்து அனையை

5
கூடாப் பொருளொடு உவமித்து வருவன

வாதாது அமைவானோ வாதாது அமைவானோ
வாதாது அமைகுவன் அல்லன் மலைநாடன்
ஈரத்தில் இன்னவை தோன்றின் நிழல் கயத்து
நீருள் குவளை வெந்து அற்று