உலோமோனோசோவைட்டு

உலோமோனோசோவைட்டு Lomonosovite
பொதுவானாவை
வகை	கனிமம்
வேதி வாய்பாடு	Na10Ti4(Si2O7)2(PO4)2O4
இனங்காணல்
படிக அமைப்பு	முச்சரிவச்சு
பிளப்பு	சரிபிளவு
முறிவு	ஒழுங்கற்றது
விகுவுத் தன்மை	நொறுங்கும்
மோவின் அளவுகோல் வலிமை	3–4
அடர்த்தி	3.12 – 3.15
ஒளியியல் பண்புகள்	ஈரச்சு(−)
ஒளிவிலகல் எண்	nα = 1.670 nβ = 1.750 nγ = 1.778
இரட்டை ஒளிவிலகல்	0.108
2V கோணம்	56°

உலோமோனோசோவைட்டு (பழுப்பு) மற்றும் போர்ன்மனைட்டு (வெள்ளை) ஆகிய கனிமங்களின் படம்

உலோமோனோசோவைட்டு (Lomonosovite) என்பது Na₁₀Ti₄(Si₂O₇)₂(PO₄)₂O₄ என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். பாசுப்பேட்டு -சிலிக்கேட்டு கனிமமான இது முன்னதாக Na₅Ti₂(Si₂O₇)(PO₄)O₂ அல்லது Na₂Ti₂Si₂O₉*Na₃PO₄ என்ற வாய்ப்பாடுகளாலும் குறிக்கப்பட்டது.

பன்னாட்டு கனிமவியல் சங்கம் உலோமோனோசோவைட்டு கனிமத்தை Lom என்ற குறியீட்டால் அடையாளப்படுத்துகிறது.

நையோபியம் (11.8% Nb₂O₅ வரை), மாங்கனீசு (4.5 %MnO வரை) மற்றும் இரும்பு (2.8% வரை) ஆகியவை உலோமோனோசோவைட்டு கனிமத்துடன் கலந்து காணப்படுகின்றன.

கண்டுபிடிப்பு

உலோமோனோசோவைட்டு கனிமத்தை லோவோசெர்சுகி அக்பைடிக்கு மலைப்பகுதியில் வி.ஐ. கெராசிமோவ்சுகி என்பவர் கண்டுபிடித்தார். பிரபல உருசிய கவிஞர், வேதியியலாளர், தத்துவஞானி, சுரங்கப் பொறியாளர் என்று பன்முகங்களுடன் அறியப்படும் மிகைல் லோமோனோசோவின் பெயர் கண்டுபிடிக்கப்பட்ட கனிமத்திற்கு சூட்டப்பட்டது.

கட்டமைப்பு

எக்சு-கதிர் படிகவியல் தரவுகளின்படி, உலோமோனோசோவைட்டு கனிமத்தின் கட்டமைப்பு a = 5.44 Å, b = 7.163 Å, c = 14.83 Å, α = 99°, β = 106°, மற்றும் γ = 90° என்ற அணிக்கோவை அளவுருக்களுடன் முச்சரிவச்சு படிக அமைப்பில் உள்ளதாக தீர்மானிக்கப்பட்டது. பொதுவாக மையச்சமச்சீர் (sp. gr. P-1) காணப்படும் என்றாலும் மையச்சமச்சீர் அல்லாத வகைகள் (பல்வகை) கூட பதிவாகியுள்ளன.

உலோமோனோசோவைட்டின் படிக அமைப்பு, ஒரு மைய எண்முக O அடுக்கு மற்றும் இரண்டு வெளிப்புற பல்லினபன்முக H அடுக்குகளைக் கொண்ட மூன்று அடுக்கு HOH செருகுதுளைக அடிப்படையாகக் கொண்டுள்ளது. O அடுக்கில் Ti- மற்றும் Na மையப்படுத்தப்பட்ட எண்முகங்கள் வேறுபடுகின்றன. அதேசமயம் H அடுக்குகள் Ti- மையப்படுத்தப்பட்ட எண்முகங்கள் மற்றும் Si₂O₇ ஈரார்த்தோ குழுக்களால் ஆனவை, (மற்ற பல்லினபைலோசிலிக்கேட்டுகளைப் போல, எடுத்துக்காட்டாக உலாம்பிரோபைலைட்டு). இடைப்பட்ட இடத்தில் Na⁺ நேர்மின் அயனிகள் மற்றும் PO₄^3- அயனிகள் உள்ளன.

பண்புகள்

உலோமோனோசோவைட்டு சரியான பிளவுகளுடன் செதிளடுக்கு மற்றும் தட்டையான படிகங்களை உருவாக்குகிறது. இலவங்கப்பட்டை-பழுப்பு நிறத்தில் இருந்து கருப்பு நிறமாகவும் நுண்ணோக்கி பழுப்பு நிறத்திலும் காணப்படுகிறது. மெல்லிய தட்டுகளாக ஒளிபுகக் கூடியதாகவும் விடாப்பிடியான பளபளப்பும் கொண்டுள்ளது.

உலோமோனோசோவைட்டு கனிமத்தின் பலதிசை வண்ணப்படிகம் நிறமற்றது முதல் பழுப்பு நிறம் வரை வலுவானது. இதன் ஒளிவிலகல் குறியீட்டு எண் $\alpha$= 1.654–1.670 $\beta$ = 1.736 – 1.750 $\gamma$=1.764–1.778 2V=56–69.

3–4 என்ற கடினத்தன்மை மதிப்பும் 3.12 – 3.15 என்ற அடர்த்தி மதிப்பும் உலோமோனோசோவைட்டு கனிமம் வெளிப்படுத்துகிறது.