உமையாள்புரம் உமாபதீசுவரர் கோயில்

உமையாள்புரம் உமாபதீசுவரர் கோயில் புதுக்கோட்டை மாவட்டத்தில் உள்ள சிவன் கோயிலாகும்.

அமைவிடம்

இக்கோயில் புதுக்கோட்டை மாவட்டத்தில் உமையாள்புரம் அருகே கடியாப்பட்டி என்னுமிடத்தில் அமைந்துள்ளது.

இறைவன், இறைவி

இக்கோயிலின் மூலவராக உமாபதீசுவரர் உள்ளார். தம்மை வழிபடுபவர்களுக்கு மங்களத்தை அருளுவதால் இறைவி மங்களாம்பிகை எனப்படுகிறார். அம்மனுக்கு செம்பருத்தி மாலையும் கிரீடமும் அணிவிக்கின்றனர்.

அமைப்பு

இக்கோயிலில் மூலவர் சன்னதி கிழக்கு நோக்கிய நிலையிலும், அம்மன் சன்னதி மேற்கு நோக்கிய நிலையிலும் அமைந்துள்ளன. துவார கணபதி, துவார தண்டாயுதபாணி, கஜலட்சுமி, தட்சிணாமூர்த்தி ஆகியோரின் சன்னதிகள் உள்ளன.

திருவிழாக்கள்

பிரதோஷம், சிவராத்திரி, விநாயகர் சதுர்த்தி, நவராத்திரி போன்ற விழாக்கள் இங்கு சிறப்பாகக் கொண்டாடப்படுகின்றன.