உப்பலா
உப்பலா (Uppala) இந்தியாவின் கேரளாவின் காசர்கோடு மாவட்டத்தின் முக்கிய நகரம் ஆகும். இந்த நகரம் காசர்கோடு நகரத்திற்கு வடக்கே 22 கி.மீ தொலைவில் வளரும் செயற்கைக்கோள் நகரம். தேசிய நெடுஞ்சாலை 66 உடன் வேகமாக வளர்ந்து வரும் நகர்ப்புறங்களில் ஒன்றாகும்.[சான்று தேவை] இது மாவட்டத்தில் ஒரு வர்த்தக மையமாக அறியப்படுகிறது.
புவியியல்[தொகு]
உப்பாலாவின் புவியியல் அமைவிடம் 12 ° 68 '0 "வடக்கு, 75 ° 54' 0" கிழக்கு ஆகும்.[1][2]
தென்னிந்தியாவின் மேற்கு கடற்கரையில், மேற்கு தொடர்ச்சி மலைகளுக்கும் அரேபிய கடலுக்கும் இடையில் உப்பாலா அமைந்துள்ளது . உப்பாலா நதி கலாய் நதி என்றும் அழைக்கப்படுகிறது. இது கர்நாடகாவின் வீரகாம்பா மலையிலிருந்து உருவாகிறது. காசர்கோடு மஞ்சேஸ்வர் தாலுக் (உப்பாலா) வழியாக உப்பலா நதி கேரளாவுக்குள் நுழைந்து கடைசியில் உப்பாலா நுழைவாயில் அருகே முடிகிறது. ஆற்றின் நீளம் சுமார் 50 கி.மீ. ஆகும். உப்பலா நதி கடல் மட்டத்திலிருந்து சுமார் 150 மீ உயரத்தில் உருவாகிறது. காசராகோடு மாவட்டத்தில் சுமார் 50 சதுர கிலோமீட்டர் தொலைவில் உப்பாலா நதி அமைந்துள்ளது. இந்த நதி ஷிரியா நதிக்கு (60 கி.மீ 2 ) பிறகு மாவட்டத்தின் இரண்டாவது பெரிய நதியாக இது திகழ்கிறது. மங்கல்படி நதி உப்பலாவின் மற்றொரு நதி.
உப்பாலாவின் கடற்கரைகளில் உப்பாலா கடற்கரை, மூசோடி கடற்கரை மற்றும் மீன்பிடி மண்டலம், அய்யூர்-பரக்கட்டா கடற்கரை, அய்யூர்-பெரிங்கடி கடற்கரை மற்றும் பெரிகா கடற்கரை ஆகியவை அடங்கும்.
உப்பலாவின் அண்டை நகரங்கள் கும்ப்லா, மஞ்சேஸ்வரம், பைவாலிகை , புத்தூர் , விட்டல் , காசர்கோடு மற்றும் மங்களூர் என்பனவாகும்.
காலநிலை[தொகு]
கோப்பன்- கீகர் வகைப்பாட்டின் கீழ் உப்பலாவில் வெப்பமண்டல காலநிலை நிலவுகின்றது. பெரும்பாலான மாதங்களில் இந்த நகரம் குறிப்பிடத்தக்க மழையைப் பெறுகிறது. குறுகிய வறண்ட காலம் மட்டுமே உள்ளது.
உப்பாலாவின் சராசரி ஆண்டு வெப்பநிலை 27.1. C ஆகும். ஆண்டுதோறும் சுமார் 3801 மி.மீ மழைவீழ்ச்சி பதிவாகும். சனவரி வறண்ட மாதம். சனவரியில் மழைவீழ்ச்சி 1 மிமீ ஆகும். பெரும்பாலான மழைவீழ்ச்சி சூலை மாதத்தில் சராசரியாக 1178 மி.மீ. பதிவாகும். ஆண்டின் வெப்பமான மாதமான ஏப்ரலில் சராசரி வெப்பநிலை 29.2. C ஆகும். சூலை மாதத்தின் சராசரி வெப்பநிலை 25.9. C ஆகும். இது ஆண்டின் மிகக் குறைந்த சராசரி வெப்பநிலை. வறண்ட மாதத்திற்கும் ஈரப்பதமான மாதத்திற்கும் இடையிலான மழைவீழ்ச்சி வேறுபாடு 1177 மி.மீ ஆகும்.[3]
புள்ளிவிபரங்கள்[தொகு]
2011 மக்கட் தொகை கணக்கெடுப்பின்படி உப்பாலாவின் மக்கள் 41,212 வசிக்கின்றனர். அவர்களில் 17,093 ஆண்களும், 18,728 பெண்களும் அடங்குவர். இந்த நகரத்தின் பரப்பளவு 23.04 சதுர கிலோமீற்றர் ஆகும். மக்கள் அடர்த்தி ஒரு சதுர கிலோமீட்டருக்கு சுமார் 1,650 பேர். இந்நகர மக்களின் கல்வியறிவு விகிதத்தை 91 சதவீதமாகவும், ஆறு வயதுக்குட்பட்ட 5,743 2011 மக்கள் தொகை கணக்கெடுப்பின்படி, உப்பாலாவின் மொத்த மக்கள் தொகை 41,212, அவர்களில் 17,093 ஆண்கள் மற்றும் 18,728 பெண்கள். இந்த நகரத்தின் பரப்பளவு 23.04 சதுர கிலோமீட்டர் மற்றும் மக்கள் அடர்த்தி ஒரு சதுர கிலோமீட்டருக்கு சுமார் 1,650 பேர். மக்களின் கல்வியறிவு விகிதம் 91% வீதமாகும். மக்கட்தொகையில் ஆறு வயதுக்குட்பட்டவர்கள் 5,743 ஆவார்கள். எனவே மொத்த மக்கட் தொகையில் 14% வீதமானோர் 6 வயதுக்குக் குறைவானவர்கள். கடந்த சில ஆண்டுகளில் நகர மக்கள் தொகையில் நிலையான வளர்ச்சி காணப்படுகிறது.[4]
உப்பலா மக்கள் மலையாளம், துலு, கன்னடம், உருது உள்ளிட்ட பல மொழிகளைப் பேசுகிறார்கள்.
பொருளாதாரம்[தொகு]
மாவட்டத்தில் சில்லறை விற்பனைக்கு இது முக்கிய இடமாகும். ஊரில் பல திட்டங்கள் செயலில் உள்ளன. இது மாவட்டத்தின் ஒரு முக்கிய வணிக மையமாக உள்ளது. மாவட்டத்தின் ஒரு லட்ச வர்த்தகர்களின் இடமாக உப்பாலா உள்ளது. கடை பிரிவில் முக்கியமாக நவநாகரீக பொருட்கள், நகைகள், உணவு மற்றும் கனரக உற்பத்திகள் ஆகியவை அடங்கும். உப்பாலாவில் பல தனியார் கல்வி மையங்கள் உள்ளன.
சான்றுகள்[தொகு]
- ↑ "Uppala Map | India Google Satellite Maps". www.maplandia.com. பார்க்கப்பட்ட நாள் 2019-11-18.
- ↑ "Uppala, India - Geographical Names, map, geographic coordinates". geographic.org. பார்க்கப்பட்ட நாள் 2019-11-18.
- ↑ "Uppala climate: Average Temperature, weather by month, Uppala weather averages - Climate-Data.org". en.climate-data.org. பார்க்கப்பட்ட நாள் 2019-11-18.
- ↑ "Uppala Census Town City Population Census 2011-2019 | Kerala". www.census2011.co.in. பார்க்கப்பட்ட நாள் 2019-11-18.