உதயநிதி ஸ்டாலின்

கட்டற்ற கலைக்களஞ்சியமான விக்கிப்பீடியாவில் இருந்து.
(உதயநிதி இசுட்டாலின் இலிருந்து வழிமாற்றப்பட்டது)
Jump to navigation Jump to search
உதயநிதி ஸ்டாலின்
Udhayanidhi Stalin at 60th South Filmfare Awards 2013.jpg
60ஆம் தென் இந்திய பிலிம்பேர் விருதுகள் 2013இல் உதயநிதி ஸ்டாலின்
பிறப்புஉதயநிதி ஸ்டாலின்
நவம்பர் 27, 1977 (1977-11-27) (அகவை 41)
சென்னை, தமிழ்நாடு, இந்தியா
பணிதிரைப்பட நடிகர், திரைப்படத் தயாரிப்பாளர், வழங்குநர், அரசியல்வாதி திமுக இளைஞர் அணி செயலாளர்.
அரசியல் கட்சிதிராவிட முன்னேற்றக் கழகம்
பெற்றோர்
வாழ்க்கைத்
துணை
கிருத்திகா உதயநிதி
பிள்ளைகள்இன்பநிதி, தன்மய
வலைத்தளம்
www.redgiantmovies.com

உதயநிதி ஸ்டாலின் (Udhayanidhi Stalin) என்பவர் ஒரு தமிழ்த் திரைப்பட நடிகரும், தயாரிப்பாளரும், அரசியல்வாதியும் மற்றும் திமுக இளைஞர் அணி செயலாளரும் ஆவர்.[1] இவர் இரெட் செயன்டு மூவிசு திரைப்படத் தயாரிப்பு நிறுவனத்தைச் சொந்தமாகக் கொண்டுள்ளார்.[2]

உதயநிதி ஸ்டாலின் தமிழ்நாட்டின் முன்னாள் முதலமைச்சரான மு. கருணாநிதியின் பேரனும் மு. க. ஸ்டாலினின் மகனும் ஆவார்.[3] இவர் கிருத்திகா என்பவரைத் திருமணம் செய்துள்ளார்.[4]

விசய், திரிசா நடித்த குருவி எனும் திரைப்படம் உதயநிதி ஸ்டாலினின் தயாரிப்பில் வெளிவந்த முதல் திரைப்படமாகும்.[5] உதயநிதி ஸ்டாலினை வழங்குநராகக் கொண்டு வெளிவந்த முதல் திரைப்படம் கௌதம் மேனனின் விண்ணைத்தாண்டி வருவாயா என்ற திரைப்படம் ஆகும்.

அரசியல் பிரவேசம்[தொகு]

திரைப்பட நடிப்பில் ஆர்வமாக நடித்து வந்த உதயநிதி இசுடாலின், மார்ச்சு மாதம் 2018 இல்

தீவிர அரசியலில் ஈடுபட உள்ளேன் ; இசுடாலின் மகனாக, அவரின் அரசியல்வாரிசாக அரசியலுக்கு வரவில்லை. தொண்டர்களோடு தொண்டர்களாகவே இருக்க விரும்புகிறேன்; எந்த ஒரு கட்சி பதவியும் தேவையில்லை. பதவிக்காக அரசியலுக்கு வரவில்லை. திமுக வின் கடைக்கோடி தொண்டனாகவே இருக்க விரும்புகிறேன். இனி என்னை அடிக்கடி திமுக மேடைகளில் காணலாம் எனக் கூறினார்.[6]2019 ஆம் ஆண்டு நடைபெற்ற இந்திய நாடாளுமன்றத் தேர்தல் மற்றும் தமிழக சட்டசபையின் 22 தொகுதிகளுக்கான இடைத்தேர்தல் ஆகியவற்றில் திராவிட முன்னேற்றக் கழகம் மற்றும் அதன் கூட்டணிக் கட்சிகளுக்காக பிரச்சாரத்தில் ஈடுபட்டார். ஒரு ஆண்டாக முழு நேர அரசியலில் ஈடுபட்டார். 04.07.2019 அன்று திமுக இளைஞர் அணி செயலாளராகத் தேர்தெடுக்கப்பட்டார். இந்தச் செய்தி இளைஞர் அணி செயலாளராகத் தேர்தெடுக்கப்பட்ட உதயநிதி இசுடாலினுக்கு அதிகாரபூர்வமாக 04.07.2019 அன்று காலை 11:00 மணி்க்கு மேல் தெரிவிக்கப்பட்டது.[7]முதலில் பதவிவேண்டாம் என மறுத்த உதயநிதி இசுடாலின், தொண்டர்களின் அன்புக்காகவும் ஆதரவுக்காகவும் மட்டுமே பதவியை ஏற்றுக்கொள்வதாக அறிவித்தார்.

திரைத் துறை வரலாறு[தொகு]

நடிகராக[தொகு]

ஆண்டு தலைப்பு கதைமாந்தர் இயக்குநர் குறிப்புகள்
2009 ஆதவன் பணியாள் உதவியாளர் கே. எசு. இரவிக்குமார் சிறப்புத் தோற்றம்[8]
2012 ஒரு கல் ஒரு கண்ணாடி சரவணன் எம். இராசேசு முதன்மைக் கதைமாந்தராக முதற்றிரைப்படம்[9]
2014 இது கதிர்வேலன் காதல் கதிர்வேல் எஸ். ஆர். பிரபாகரன்
2015 நண்பேன்டா சத்யா ஜகதீஷ்
2016 கெத்து சேது திருக்குமரன்
2016 மனிதன் சக்திவேல் அகமது
2017 சரவணன் இருக்க பயமேன் சரவணன் எழில்
2017 பொதுவாக எம்மனசு தங்கம் கணேஷ் தளபதி பிரபு
2017 இப்படை வெல்லும் மது சூதனன் கவுரவ் நாராயணன்
2018 நிமிர் செல்வம் பிரியதர்சன்

தயாரிப்பாளராக[தொகு]

ஆண்டு தலைப்பு நடிகர்கள் இயக்குநர்
2008 குருவி விசய், திரிசா தரணி
2009 ஆதவன் சூர்யா, நயன்தாரா கே. எசு. இரவிக்குமார்
2010 மன்மதன் அம்பு கமல் ஆசன், திரிசா, மாதவன் கே. எசு. இரவிக்குமார்
2011 ஏழாம் அறிவு சூர்யா, சுருதி ஆசன் ஏ. ஆர். முருகதாசு
2012 ஒரு கல் ஒரு கண்ணாடி உதயநிதி இசுட்டாலின், அன்சிக்கா மோட்வானி, சந்தானம் எம். இராசேசு
2012 நீர் பறவைகள் விட்டுணு விசால், பிந்து மாதவி சீனு இராமசாமி

வழங்குநராக[தொகு]

ஆண்டு தலைப்பு நடிகர்கள் இயக்குநர்
2010 விண்ணைத்தாண்டி வருவாயா சிலம்பரசன், திரிசா கௌதம் மேனன்
2010 மதராசபட்டினம் ஆர்யா, ஏமி சாக்சன், நாசர் ஏ. எல். விசய்
2010 பாஸ் என்கிற பாஸ்கரன் ஆர்யா, நயன்தாரா எம். இராசேசு
2010 மைனா விதார்த்து, அமலா பால் பிரபு சாலமன்
2011 கோ சீவா, கார்த்திக்கா நாயர், அச்மல் அமீர் கே. வி. ஆனந்து

மேற்கோள்கள்[தொகு]

"https://ta.wikipedia.org/w/index.php?title=உதயநிதி_ஸ்டாலின்&oldid=2772921" இருந்து மீள்விக்கப்பட்டது