ஈ. வெ. கி. ச. இளங்கோவன்

ஈ. வெ. கி. ச. இளங்கோவன்
மத்திய ஜவுளிதுறை இணை அமைச்சர்
பதவியில் 2004 - 2009
தொகுதி	கோபிச்செட்டிப்பாளையம்
தனிநபர் தகவல்
பிறப்பு	திசம்பர் 21, 1948 (1948-12-21) ஈரோடு, தமிழ்நாடு, இந்தியா
அரசியல் கட்சி	இந்திய தேசிய காங்கிரசு
வாழ்க்கை துணைவர்(கள்)	வரலட்சுமி
பிள்ளைகள்	2 (மகன்கள்)
பெற்றோர்	ஈ. வெ. கி. சம்பத் ஈ. வெ. கி. சுலோசனாசம்பத்
இருப்பிடம்	கோபிச்செட்டிப்பாளையம், தமிழ்நாடு, இந்தியா

ஈ.வெ.கி.ச.இளங்கோவன் (ஆங்கிலம்: E. V. K. S. Elangovan, பிறப்பு: திசம்பர் 12, 1948) ஒர் தமிழக அரசியல்வாதியும், முன்னாள் பாராளுமன்ற உறுப்பினரும் ஆவார். இவர் முன்னாள் மத்திய ஜவுளிதுறை இணை அமைச்சரும் ஆவார்.

இளமைக் காலம்

இவர் திசம்பர் 21, 1948 ஆம் ஆண்டு ஈரோட்டில் பிறந்தார். இவர் சென்னை மாநில கல்லூரியில் பி. ஏ. பொருளாதாரம் பட்டம் பெற்றார்.

குடும்பம்

இவர் தந்தை பெரியார் ஈ.வெ.ரா.வின் அண்ணன் கிருஷ்ணசாமியின் பேரன் ஆவார். இவரின் தந்தை ஈ. வெ. கி. சம்பத் நாடாளுமன்ற உறுப்பினராக பணியாற்றியுள்ளார். இவரின் தாயார் ஈ. வெ. கி. சுலோசனாசம்பத் அண்ணா திராவிட முன்னேற்றக் கழகத்தில் அமைப்பு செயலாளராக இருந்தார். இவரது மனைவி பெயர் வரலட்சுமி, இவருக்கு 2 மகன்கள் உள்ளனர்.

அரசியல் வாழ்க்கை

இவர் 2004 மக்களவைத் தேர்தலில், கோபிச்செட்டிப்பாளையம் தொகுதியிலிருந்து, இந்திய தேசிய காங்கிரஸ் கட்சியின் சார்பில் போட்டியிட்டு, (214477) வாக்குகள் வித்தியாசத்தில் வெற்றிபெற்றார். பின்னர் மத்திய ஜவுளிதுறை இணை அமைச்சராகவும் பணியாற்றினார்.

போட்டியிட்ட தேர்தல்களும் முடிவுகளும்

ஆண்டு	தொகுதியின் பெயர்	மக்களவை / சட்டமன்றம்	முடிவு
2004	கோபிச்செட்டிப்பாளையம் மக்களவைத் தொகுதி	மக்களவை	வெற்றி
2009	ஈரோடு மக்களவைத் தொகுதி	மக்களவை	தோல்வி
2014	திருப்பூர் மக்களவைத் தொகுதி	மக்களவை	தோல்வி
2019	தேனி மக்களவைத் தொகுதி	மக்களவை	தோல்வி

வகித்த பதவிகள்

• தமிழகச் சட்டப்பேரவை உறுப்பினர்
• அகில இந்திய காங்கிரஸ் உறுப்பினர்
• தமிழக காங்கிரஸ் பொதுச்செயலாளர்,
• தமிழக காங்கிரஸ் தலைவர்
• மத்திய தொழில் மற்றும் வர்த்தகத்துறை இணை அமைச்சர் ஆகிய பதவிகளில் இருந்தார்.

வெளி இணைப்புகள்

• இளங்கோவனுக்கு கிடுக்கிப்பிடி போடும் தேசிய மகளிர் ஆணையம்.. நோட்டீஸ் அனுப்பிய லலிதா குமாரமங்கலம்