ஈ. எஸ். ஐ. சி. மருத்துவக் கல்லூரி, பரீதாபாது

ஈ. எஸ். ஐ. சி. மருத்துவக் கல்லூரி, பரீதாபாது
	பின்னணியில் மருத்துவமனையுடன் கல்விக் கட்டிடம்
குறிக்கோளுரை	நாங்கள் பராமரிக்கத் துணிகிறோம்
வகை	ESIC-இன் கீழ் செயல்படும் தன்னாட்சி மருத்துவக் கல்லூரி, தொழிலாளர் மற்றும் வேலைவாய்ப்பு அமைச்சகம் (இந்தியா), இந்திய அரசு
சார்பு	பண்டித பகவத் தயாள் சர்மா சுகாதார அறிவியல் பல்கலைக்கழகம், தேசிய மருத்துவ ஆணையம்
நிதிக் கொடை	300 கோடி ரூபாய்
துறைத்தலைவர்	டாக்டர் அனில் குமார் பாண்டே
பட்ட மாணவர்கள்	ஆண்டுக்கு 150
பட்டப்பின் படிப்பு மாணவர்கள்	ஆண்டுக்கு 102 (MD, MS, DM, MCh, DrNB உட்பட)
முனைவர் பட்ட மாணவர்	10
அமைவிடம்	பரீதாபாது, இந்தியா
வளாகம்	நகர்ப்புறம்
இணையதளம்	mcfaridabad.esic.gov.in

ஈ. எஸ். ஐ. சி மருத்துவக் கல்லூரி மற்றும் மருத்துவமனை, பரீதாபாது (Employees' State Insurance Corporation Medical College and Hospital, Faridabad) என்பது அரியானா மாநிலத்தின் பரீதாபாது நகரில் அமைந்துள்ள அரசு இணைக்கல்வி மருத்துவக் கல்லூரி ஆகும்.

இது 2015 ஆம் ஆண்டு மாநிலக் காப்புறுதிக் கழகம் மூலமாக நிறுவப்பட்டது. இது, தொழிலாளர் மற்றும் வேலைவாய்ப்பு அமைச்சகம் (இந்தியா), இந்திய அரசு ஆகியவற்றின் கீழ் செயல்படும் மத்தியத் தன்னாட்சி அமைப்பாகும்.

இக்கல்லூரி பண்டித பகவத் தயாள் சர்மா சுகாதார அறிவியல் பல்கலைக்கழகம், ரோத்தக் உடன் இணைக்கப்பட்டுள்ளது. மேலும் தேசிய மருத்துவ ஆணையத்தின் அங்கீகாரம் பெற்றுள்ளது.

இக்கல்லூரியுடன் இணைக்கப்பட்டுள்ள 1,150 படுக்கைகள் கொண்ட பல்துறை மருத்துவமனை 2013 ஆம் ஆண்டு கட்டப்பட்டு 2014ஆம் ஆண்டு செயல்படத் தொடங்கியது.^[1] 30 ஏக்கருக்கும் அதிகமான பரப்பளவில் அமைந்துள்ள இவ்வளாகம், மாநிலக் காப்புறுதிக் கழகத் திட்டத்தில் காப்பீடு பெற்ற தொழிலாளர்களுக்கு முதன்மை மற்றும் மூன்றாம் நிலைச் சுகாதார சேவைகளை வழங்குகிறது.^[2]