இஸ்ரேல் அறிவியல் அறக்கட்டளை
இசுரேல் அறிவியல் அறக்கட்டளை (Israel Science Foundation) என்பது இசுரேலில் அறிவியல் ஆய்வுக்கு நிதியுதவி வழங்கும் ஒரு இலாப நோக்கற்ற அமைப்பாகும். இது அமெரிக்காவின் தேசிய அறிவியல் அறக்கட்டளை, கனடாவின் இயற்கை அறிவியல் மற்றும் பொறியியல் ஆராய்ச்சி மன்றம், ஈரானின் தேசிய அறிவியல் அறக்கட்டளை போன்ற பிற நாடுகளில் உள்ள அறிவியல் நிதி வழங்கும் அமைப்புகளுக்கு இணையான இசுரேலிய அமைப்பாகும். இது இசுரேல் அறிவியல், மானுடவியல் கழகத்தால் நிர்வகிக்கப்படுகிறது.[1][2]
இந்த அறக்கட்டளை 1972-ல் அடிப்படை ஆராய்ச்சிப் பிரிவு என்ற பெயரில் உருவாக்கப்பட்டதுடன், 1991-ல் தனது தற்போதைய பெயரைப் பெற்றது. இந்த அறக்கட்டளையின் செயல்பாடுகள் துல்லிய அறிவியல் மற்றும் தொழில்நுட்பம், உயிரியல் அறிவியல் மற்றும் மருத்துவம், மற்றும் மானுடவியல் மற்றும் சமூக அறிவியல் என அனைத்துத் துறைகளையும் உள்ளடக்கியுள்ளன. 2002 முதல் 2009 வரை, இந்த அறக்கட்டளைக்கு ஜோசப் கிளாஃப்டர் தலைமை தாங்கினார்.[3]
அறிவியல் அறக்கட்டளையின் ஆண்டு வரவு செலவுத் திட்டம் 142 மில்லியன் அமெரிக்க டாலர்கள் ஆகும்.[2] இஸ்ரேல் அறிவியல் அறக்கட்டளையின் நிதியுதவியில் பெரும்பகுதி இஸ்ரேல் அரசாங்கத்திடமிருந்து வருகிறது.[4] இந்த அறக்கட்டளையின் ஆராய்ச்சி மானியங்கள், பல்வேறு துறைகளில், அறிவியல் சிறப்பிற்கான குறிகாட்டிகளின் அடிப்படையிலும், தேவையின் அடிப்படையிலும், போட்டி முறையிலும் வழங்கப்படுகின்றன. மானியம் பெறுபவர்களைத் தீர்மானிக்க அறக்கட்டளை ஒரு தனித்துவமான மதிப்பீட்டு முறையைப் பயன்படுத்துகிறது. பல்கலைக்கழகங்கள், ஆராய்ச்சி நிறுவனங்கள், பிற உயர்கல்வி நிறுவனங்கள் மற்றும் மருத்துவமனைகளைச் சேர்ந்த இஸ்ரேலிய ஆராய்ச்சியாளர்கள் மானியங்களுக்கு விண்ணப்பிக்கத் தகுதியுடையவர்கள். தனிப்பட்ட ஆராய்ச்சித் திட்டங்களுக்கு ஒன்று அல்லது அதற்கு மேற்பட்ட ஆராய்ச்சியாளர்களுக்கும், பல்கலைக்கழக ஆராய்ச்சி மையங்களுக்கும், ஆராய்ச்சி கருத்தரங்குகளை நடத்துவதற்கும், நவீன மற்றும் விலையுயர்ந்த ஆராய்ச்சி உபகரணங்களை வாங்குவதற்கும் மானியங்கள் வழங்கப்படுகின்றன.[5][6][7]
மேற்கோள்கள்
[தொகு]- ↑ "Israel Academy of Sciences and Humanities". www.interacademies.org (in பிரிட்டிஷ் ஆங்கிலம்). Retrieved 2025-07-16.
- ↑ 2.0 2.1 "Israel Science Foundation". Israel Academy of Sciences and Humanities (in ஆங்கிலம்). Retrieved 2018-08-23.
- ↑ "ISF History". Israel Science Foundation. Retrieved 2018-08-23.
- ↑ "Israel Science Foundation". Tel Aviv University. Retrieved 2018-08-23.
- ↑ "Israel Science Foundation". www.era-learn.eu. Retrieved 2025-07-16.
- ↑ "Seven Edmond J. Safra researchers awarded ISF grants". safrabio.cs.tau.ac.il (in அமெரிக்க ஆங்கிலம்). Retrieved 2025-07-16.
- ↑ "The BSF Research Grants program". BSF (in அமெரிக்க ஆங்கிலம்). Retrieved 2025-07-16.
வெளி இணைப்புகள்
[தொகு]| பன்னாட்டு | |
|---|---|
| தேசிய | |
