இளவரசர் அம்சா பின் உசேன்
இளவரசர் அம்சா பின் உசைன், OSJ ( அரபு மொழி: حمزة بن الحسين ) (பிறப்பு 29 மார்ச் 1980) [1] ஜோர்டான் மன்னர் உசைன் மற்றும் அவரது நான்காவது மனைவி (அமெரிக்காவில் பிறந்தவர்) ராணி நூர் .ஆகியோரின் மூத்த மகன் ஆவார். அவர் 1999 இல் ஜோர்டானின் பட்டத்து இளவரசர் என்று பெயரிடப்பட்டார், அவரது ஒன்று விட்ட சகோதரர் இரண்டாம் அப்துல்லா 2004 இல் அதை ரத்து செய்யும் வரை இந்தப்பதவியில் இருந்தார். அவர் வகித்த பதவி. ராணி நூர் தனது சுயசரிதையில் அவரும் கிங் உசைனும் ஹம்ஸாவிற்கு ஹம்ஸா இப்னு அப்துல் முத்தலிப் பெயரைச் சூட்டினோம் என்று குறிப்பிடுகிறார்.
சுயசரிதை[தொகு]
29 மார்ச் 1980 பிறந்த இளவரசர் அம்சா பின் அல் உசைன் இஸ்லாமிய ஞானி முகமதுவின் வம்சம் என்பதை அசெமைட் குடும்ப வம்சாவளியைக் கொண்டு கோருகிறார். இரண்டாம் அப்துல்லா மன்னர் அவரை பிப்ரவரி 7, 1999 அன்று ஜோர்டானின் இராச்சியத்தின் மகுட இளவரசர் என்று அதிகாரப்பூர்வமாக அறிவித்தார், 2004 நவம்பர் 28 வரை அவர் இப்பதவியை வகித்தார்.
இளவரசர் அம்சா தனது தொடக்கக் கல்வியை ஜோர்டான் மற்றும் அம்மானில் பெற்றார், பின்னர் இங்கிலாந்தில் உள்ள ஹாரோ பள்ளியில் பயின்றார். பின்னர் அவர் ராயல் மிலிட்டரி அகாடமி சாண்ட்ஹர்ஸ்டில் சேர்ந்தார், டிசம்பர் 1999 இல் ஜோர்டான் அரபு படையணியில் நியமிக்கப்பட்ட அதிகாரியாக வெளியேறினார், சாண்ட்ஹர்ஸ்ட் வெளிநாட்டு வாள் உட்பட பல பரிசுகளுடன், சிறந்த வெளிநாட்டு மாணவர் மற்றும் கல்விப் பாடங்களில் சிறந்த மொத்த மதிப்பெண் பெற்ற மாணவருக்கு எச்.ஆர்.எச் இளவரசர் சவுத் அப்துல்லா பரிசு வழங்கப்பட்டது. .
ஜோர்டான் அரபு இராணுவத்தின் 40 வது கவச படைப்பிரிவில் ஒரு அதிகாரியாக பணியாற்றிய இளவரசர் அம்சா ஜோர்டான், இங்கிலாந்து, போலந்து, ஜெர்மனி மற்றும் அமெரிக்காவில் பல இராணுவ படிப்புகள் மற்றும் இணைப்புகளில் கலந்து கொண்டார். தற்போது ஜோர்டான் அரபு இராணுவத்தில் பிரிகேடியர் பதவியில் உள்ள இவர், முன்னாள் யூகோஸ்லாவியாவில் சர்வதேச அமைதி காக்கும் படையின் கீழ் இயங்கும் ஜோர்டான்-ஐக்கிய அரபு எமிரேட்ஸ் படையுடன் பணியாற்றினார். 2006 ஆம் ஆண்டில், ஹார்வர்ட் பல்கலைக்கழகத்தில் பட்டம் பெற்றார்.
இளவரசர் அம்சா பல சந்தர்ப்பங்களில் மண்டலங்களின் அரசாட்சியை கவனித்துக் கொள்ளும் பதவியிலிருந்தார். மற்றும் இரண்டாம் அப்துல்லா மன்னருக்காக ஆளுகையிலும், வெளிநாட்டிலும் பல பணிகளில் நியமிக்கப்பட்டார். அவர் எரிசக்தி துறை தொடர்பான உயர்மட்ட ஆலோசனைக் குழுவின் தலைவராக உள்ளார். ஜோர்டான் கூடைப்பந்து கூட்டமைப்பின் கௌரவத் தலைவராகவும், ராயல் ஆட்டோமொபைல் அருங்காட்சியகத்தின் அறங்காவலர் குழுவின் தலைவராகவும் உள்ளார்,[2] ஜோர்டானின் ராயல் ஏரோ விளையாட்டுக் கழகத்தின் தலைவர் மற்றும் அல்-ஷாஜாரா (மரம்) தலைவர் பாதுகாப்பு சங்கம் ஆகிய பதவிகளிலும் இருந்துள்ளார்.[3]
இளவரசர் அம்ஸா ஒரு தகுதிவாய்ந்த ரோட்டார் மற்றும் நிலையான பிரிவு விமானி மற்றும் ஜுஜிட்சு மற்றும் இலக்கு-படப்பிடிப்பு போன்ற பிற விளையாட்டுகளை அனுபவித்து வருகிறார்.
கல்வி[தொகு]
இளவரசர் இங்கிலாந்தின் ஹாரோவில் பயின்றார், அமெரிக்காவின் மாசசூசெட்ஸில் உள்ள கேம்பிரிட்ஜில் உள்ள ஹார்வர்ட் பல்கலைக்கழகத்தில் பட்டம் பெற்றார். இங்கிலாந்தின் ராயல் மிலிட்டரி அகாடமி சாண்ட்ஹர்ஸ்டில் பட்டம் பெற்றார். அரபு ஜோர்டானிய இராணுவத்தில் லெப்டினன்ட் கர்னலாக பல்வேறு படிப்புகளை நடத்தியுள்ளார்.
குறிப்புகள்[தொகு]
- ↑ "The Official Site of HRH Prince Hamzah bin al Hussein: Birth". Archived from the original on 11 டிசம்பர் 2008. பார்க்கப்பட்ட நாள் 3 January 2009.
{{cite web}}: Check date values in:|archive-date=(help) - ↑ "Royal Automobile Museum". Archived from the original on 14 June 2004. பார்க்கப்பட்ட நாள் 3 January 2009.
- ↑ "Al-Shajarah". Archived from the original on 23 December 2008. பார்க்கப்பட்ட நாள் 3 January 2009.