இலத்திகா காட்
இலத்திகா காட் | |
|---|---|
| பிறப்பு | 20 பெப்ரவரி 1948 ஐக்கிய மாகாணம், இந்தியா |
| இறப்பு | 25 சனவரி 2025 (அகவை 76) செய்ப்பூர், இராசத்தான், இந்தியா |
| தேசியம் |  இந்தியா |
| கல்வி | தி டூன் பள்ளி பனாரசு இந்து பல்கலைக்கழகம் பரோடா கலைக் கல்லூரி சிலேடு நுண்கலைக் கல்லூரி |
| அறியப்படுவது | சிற்பம் |
| விருதுகள் | இலலித கலா அகாதமி விருது, பெய்ஜிங் கலை விருது |
இலத்திகா காட் (Latika Katt) (20 பிப்ரவரி 1948-25 ஜனவரி 2025) கல் சிற்பம், உலோக வார்ப்பு மற்றும் வெண்கலச் சிலை வார்ப்பு ஆகியவற்றில் நிபுணத்துவம் பெற்ற ஓர் இந்திய சிற்பி ஆவார்.[1] வாரணாசியின் தசாவ்மத் படித்துறைப் பகுதியில் "மகர சங்கராந்தி" என்ற தலைப்பில் வடிவமைத்த வெண்கலப் படைப்புக்காக பெய்ஜிங் கலை விருதை வென்றார்.[2][3]
வாழ்க்கை மற்றும் தொழில்
[தொகு]லத்திகா காட், தேராதூனில் உள்ள ஆண்களுக்கான தி டூன் பள்ளியில் பயின்றார். ஆண் சிறுவர்கள் படிக்கும் பள்ளியில் ஒரு பெண்ணாக படித்தது தனது பிற்காலங்களில் தன்னிடம் நம்பிக்கையையும் தைரியத்தையும் கொடுத்ததாக ஒரு நேர்காணலில் கூறினார்.[4] வடோதராவிலுள்ள மகாராஜா சாயாஜிராவ் பல்கலைக்கழகத்தின் நுண்கலை பிரிவில் இளங்கலை படிப்பைத் தொடர பரோடா கலைக் கல்லூரியில் சேர்ந்தார். அங்கு இவர் 1971 இல் முதல் வகுப்பு கௌரவத்துடன் பட்டம் பெற்றார்.[5] 1981 ஆம் ஆண்டில் இலண்டனின் இலண்டன் பல்கலைக்கழகத்தின் மாநிலக் கலைப்பள்ளியில் சேருவதற்காக உதவித்தொகை இவருக்கு வழங்கப்பட்டது.[6]
1970 களில் மாட்டு சாணம்த்திலிருந்து தயாரிக்கப்பட்ட சோதனை பணிகளுக்காக இவர் முதன்முதலில் பெரும் அங்கீகாரத்தைப் பெற்றார். ஏனெனில் இவரிடம் வேறு எந்தப் பொருளைக் கொண்டும் முயற்சியை மேற்கொள்ள நிதி வசதி ஏதுமில்லை.[7] இவரது திறமையை அபோதைய பிரதமர் இந்திரா காந்தி ஒரு கலை கண்காட்சியின் போது கண்டறிந்தார். பின்னர் அவர் சிற்பத்தை ஒரு தொழிலாக எடுத்து பணியாற்ற இவரை ஊக்குவித்தார்.[8]இவர் ஆகுஸ்ட் ரொடானின் பெரும் ரசிகர் ஆவார். மேலும் இயற்கையை தனது கருப்பொருளாகப் பயன்படுத்தினார்.[9] இயற்கையுடனான இவரது ஆர்வமும் தொடர்பும் தாவரவியலாளரான இவரது தந்தையிடமிருந்து பெறப்பட்டது.[7] 1981 ஆம் ஆண்டு தொடங்கி பல ஆண்டுகளாக ஜாமியா மில்லியா இஸ்லாமியா மற்றும் பனாரசு இந்து பல்கலைக்கழகம் ஆகியவற்றில் கற்பித்த இவர், ஜாமியா மில்லிய இஸ்லாமியாவில் நுண்கலை துறையின் தலைவராகவும் இருந்தார்.[10] தனது உறவினர்கள், நண்பர்கள் மற்றும் மாணவர்கள் போன்ற உண்மையான மனிதர்களைக் கொண்டே தனது பெரும்பாலான சிற்பங்களை வடித்தார்.[11]
இலத்திகா காட், தில்லி மற்றும் வாரணாசி ஆகிய இரு இடங்களிலும் வசித்து வந்தார்.[12] தனது 76வது வயதில் 2025 ஜனவரி 25 அன்று இறந்தார்.[13]
கண்காட்சிகள்
[தொகு]
இவரது படைப்புகளைக் காட்டும் சில கலை கண்காட்சிகள்: [14]
- பாரிஸ் பைனாலே, நவீன கலை அருங்காட்சியகம், பாரிசு.
- மாஸ்கோ, லெனின்கிராட் மற்றும் தாஷ்கண்டில் நடத்தப்பட்ட கண்காட்சிகள்.
- த செல்ஃப் அண்ட் த வேர்ல்ட்: என்ற பெயரில் தில்லியிலுள்ள தேசிய நவீன கலைக்கூடத்தில் இந்திய பெண் கலைஞர்களின் கண்காட்சி.[15]
- கெமோல்ட் கலைக்கூடம் மற்றும் வூட்ஸ்டாக் கலைக்கூடம், இலண்டன்.
- மும்பையின் சிம்ரோசா கலைக்கூடத்தில் உருகிய நிலப்பரப்புகள். [16]
மேற்கோள்கள்
[தொகு]- ↑ http://www.karmayog.in/events/sites/default/files/Final_Catalog.pdf[தொடர்பிழந்த இணைப்பு]
- ↑ "In the News". Artnewsnviews.com. Archived from the original on 22 January 2011. Retrieved 2012-03-27.
- ↑ "Indian wins Beijing Art Biennale award". Zeenews.india.com. Retrieved 2012-03-27.
- ↑ "Material Queen". Indian Express. 2012-03-22. Retrieved 2012-03-27.
- ↑ "Ms. Latika Katt, Department of Fine Arts". Old.jmi.ac.in. Archived from the original on 13 July 2012. Retrieved 2012-03-27.
- ↑ "Latika Katt - Gallerie Alternatives" (in அமெரிக்க ஆங்கிலம்). Retrieved 2019-04-06.
- ↑ 7.0 7.1 "Material Queen". Indian Express. 2012-03-22. Retrieved 2012-03-27."Material Queen". Indian Express. 22 March 2012. Retrieved 27 March 2012.
- ↑ Kusumita Das (2011-03-07). "An iron will gets moulded in stone". The Asian Age. Retrieved 2012-03-27.
- ↑ Nair, Uma (2018-12-20). "Latika Katt's talking heads" (in en-IN). The Hindu. https://www.thehindu.com/entertainment/art/latika-katts-talking-heads/article25788094.ece.
- ↑ "Ms. Latika Katt, Department of Fine Arts". Old.jmi.ac.in. Archived from the original on 13 July 2012. Retrieved 2012-03-27.
- ↑ .
- ↑ "IBNLive". Features.ibnlive.in.com. Archived from the original on 8 July 2012. Retrieved 2012-03-27.
- ↑ Latika Katt, one of India’s most prolific sculptors, passes away at 76
- ↑ "Latika Katt - Gallerie Alternatives" (in அமெரிக்க ஆங்கிலம்). Retrieved 2019-04-06."Latika Katt - Gallerie Alternatives". Retrieved 6 April 2019.
- ↑ "Voyage of self discovery". India Today. 1997-04-30.
- ↑ "The Exhibition". Cymroza Art Gallery. Archived from the original on 23 September 2015. Retrieved 5 July 2015.
- Sheth, Pretima. Dictionary of Indian Art & Artist. Mapin publishing.
மேலும் வாசிக்க
[தொகு]- Kanwar, Raj (April 2017), The Art of Height, vol. XLIXI, The Rose Bowl. Newsletter of The Doon School Old Boys' Society, pp. 38–41
வெளி இணைப்புகள்
[தொகு]| பன்னாட்டு | |
|---|---|
| தேசிய | |
| மற்றவை | |
