இரைப்பை புடைப்பு

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இரைப்பை புடைப்பு
Gastroschisis
Gastroschisis-web.jpg
சிறப்புmedical genetics

இரைப்பை புடைப்பு (Gastroschisis) என்பது பிறக்கும் குழந்தையின் பிறவிக் குறைபாடாகும். குழந்தையின் தொப்புள் துளைக்கு அருகிலுள்ள துளை வழியாக இரையகக் குடற்பாதை வயிற்றுக்கு வெளியே நீண்டிருப்பதை இரைப்பை புடைப்புக் குறைபாடு என்றழைக்கிறார்கள் [1]. துளையின் அளவு குழந்தைக்கு குழந்தை மாறுபடுகிறது. வயிறு மற்றும் கல்லீரல் உள்ளிட்ட பிற உள்ளுறுப்புகளும் குழந்தையின் உடலுக்கு வெளியே புடைத்துத் தெரியவும் வாய்ப்புண்டு[2]. உணவளிக்கும் பிரச்சினைகள், குறைப்பிரசவம் குடல் அடைப்பு மற்றும் கருப்பையக வளர்ச்சியில் குறைபாடு உள்ளிட்டவை இதனால் உண்டாகும் சிக்கல்களில் அடங்கும் [2].

புடைப்பு நோய் தோன்றுவதற்கான காரணம் பொதுவாக தெரியவில்லை[3][2]. புகைபிடிக்கும், மது அருந்தும் அல்லது 20 வயதுக்கு குறைவான தாய்மார்களுக்கு பிறக்கும் குழந்தைகளில் இந்நோய் தோன்றும் விகிதங்கள் அதிகம் காணப்படுகின்றன[3][2]. கர்ப்ப காலத்தில் மீயொலிப்பட பரிசோதனையின் மூலம் இந்நோயை கண்டறியலாம்[2]. இல்லையெனில் குழந்தை பிறந்த பின்னர்தான் நோயை அறியமுடியும்[2]. மற்றொரு பிறவிக் குறைபாடான உந்திப்பிதுக்க நோயிலிருந்து இரைப்பை புடைப்பு நோய் வேறுபடுகிறது, இந்நோயில் நீண்டிருக்கும் இரைப்பைக்கு மேலாக மூடு சவ்வு ஏதும் இருப்பதில்லை[3].இரைப்பை புடைப்பு நோய்க்கான சிகிச்சை அறுவை சிகிச்சையை உள்ளடக்கியதாகும்[2]. இச்சிகிச்சை பொதுவாக குழந்தை பிறந்த சிறிது நேரத்திலேயே மேற்கொள்ளப்படுகிறது[2]. வயிறு மற்றும் கல்லீரல் போன்ற உள்ளுறுப்புகள் வெளியில் தெரியும் பெரிய குறைபாடுகள் உள்ளவர்களுக்கு வெளிப்படும் உறுப்புகளை ஒரு சிறப்புப் பொருளால் மூடி மெதுவாக மீண்டும் அடிவயிற்றுக்குள் நகர்த்தப்படும் சிகிச்சை அளிக்கப்படுகிறது[2]. இந்த குறைபாடு புதியதாகப் பிறக்கும் 10,000 குழந்தைகளில் நான்கு குழந்தைகளைப் பாதிக்கிறது[3]. ஆனால் தற்போது நோயின் தாக்குதல் விகிதம் நாளுக்கு நாள் அதிகரித்து வருகிறது.[2]

அறிகுறிகள்[தொகு]

கர்ப்ப காலத்தில் எந்த அறிகுறிகளும் இருப்பதில்லை. இரைப்பை புடைப்பு உள்ள குழந்தைகளில் சுமார் அறுபது சதவீதம் குழந்தைகள் முன்கூட்டியே பிறக்கின்றன[4]:1141–1142 பிறக்கும்போது, குழந்தையின் வயிற்று சுவரில் பொதுவாக தொப்புளுக்கு வலதுபுறம் சுமார் 4 செ.மீ அளவில் இத்துளை காணப்படுகிறது.[5]. குடல்களின் சிறுபகுதி பொதுவாக உடலுக்கு வெளியே இத்திறப்பின் வழியாக வந்திருக்கும். அரிதான சூழ்நிலைகளில், கல்லீரல் மற்றும் வயிறு போன்றவை இவ்வயிற்று சுவர் திறப்பு வழியாக வரக்கூடும்[6]. பிறப்புக்குப் பிறகு இந்த உள் உறுப்புகள் நேரடியாக காற்றில் வெளிப்படும்[4].

காரணங்கள்[தொகு]

இரைப்பை புடைப்பு நோய்க்கான காரணங்கள் அறியப்படவில்லை. சில சந்தர்ப்பங்களில் மரபணு காரணங்கள் இதற்கான காரணங்களாக இருக்கலாம், மேலும் கர்ப்ப காலத்தில் தாய் வெளிப்படும் சுற்றுச்சூழல் காரணிகளும் இதற்கு காரணமாக இருக்கலாம்[7].

பெண்கள் இளமையில் குழந்தைப் பெற்றுக் கொள்வது, மது அல்லது புகையிலை பயன்படுத்துதல் போன்ற பழக்கங்களும் இதற்கான காரணங்களாக இருக்கலாம்[7]

உடல்கூறு நோயியல்[தொகு]

மனித கரு வளர்ச்சியின் நான்காவது வாரத்தில், கருவின் பக்கவாட்டு உடல் சுவர் மடிப்புகள் நடுப்பகுதியில் சந்தித்து ஒன்றிணைந்து முன்புற உடல் சுவரை உருவாக்குகின்றன. [8]. இரைப்பை புடைப்பு மற்றும் பிற முன்புற உடற்சுவர் குறைபாடு உள்ளவர்களில் ஒன்று அல்லது இரண்டு பக்கவாட்டு உடல் சுவர் மடிப்புகளும் ஒன்று மற்றொன்றைச் சந்திக்க சரியாக நகராமல் ஒன்றாக ஒன்றிணையாமல் உள்ளதால் முன்புற உடல்சுவர் ஏற்படாத நிலை தோன்றுகிறது[9] இந்த முழுமையற்ற இணைவு ஒரு குறைபாட்டை ஏற்படுத்துகிறது. இது வயிற்று உள் உறுப்புகள் வயிற்று சுவர் வழியாக வெளியேற அனுமதிக்கிறது. மேலும் மலக்குடல் அடிவயிற்று தசை வழியாக குடலிறக்கம் தொப்புளின் வலதுபுறத்தின் வழியாக வெளியே வருகின்றன..[8]. பக்கவாட்டு உடல் சுவர் மடிப்புகளின் இயக்கத்திற்கு காரணமான சக்திகள் சரியாக புரிந்து கொள்ளப்படவில்லை, மேலும் இந்த சக்திகளைப் பற்றிய சிறந்த புரிதல் மட்டுமே தொப்புளின் வலதுபுறத்தில் இரைப்பை புடைப்பு ஏன் ஏற்படுகிறது என்பதை விளக்க உதவும்[8],

மேற்கோள்கள்[தொகு]

  1. "Gastroschisis" (en) (2017). மூல முகவரியிலிருந்து 5 July 2017 அன்று பரணிடப்பட்டது. பார்த்த நாள் 14 July 2017.
  2. 2.0 2.1 2.2 2.3 2.4 2.5 2.6 2.7 2.8 2.9 "Facts about Gastroschisis" (en-us) (27 June 2017). மூல முகவரியிலிருந்து 18 July 2017 அன்று பரணிடப்பட்டது. பார்த்த நாள் 14 July 2017.
  3. 3.0 3.1 3.2 3.3 "Abdominal wall defect" (en) (August 2016). மூல முகவரியிலிருந்து 10 July 2017 அன்று பரணிடப்பட்டது. பார்த்த நாள் 14 July 2017.
  4. 4.0 4.1 Conn's current therapy 2017. Bope, Edward T., Kellerman, Rick D.. Philadelphia: Elsevier. 2017. பன்னாட்டுத் தரப்புத்தக எண்:9780323443203. இணையக் கணினி நூலக மையம்:961064076. 
  5. Sadler, Thomas W. (August 2010). "The embryologic origin of ventral body wall defects". Seminars in Pediatric Surgery 19 (3): 209–214. doi:10.1053/j.sempedsurg.2010.03.006. பன்னாட்டுத் தர தொடர் எண்:1532-9453. பப்மெட்:20610194. 
  6. W., Bianchi, Diana (2000). Fetology: diagnosis & management of the fetal patient. Bianchi, Diana W., Crombleholme, Timothy M., D'Alton, Mary E.. New York: McGraw-Hill, Medical Pub. Division. பன்னாட்டுத் தரப்புத்தக எண்:0838525709. இணையக் கணினி நூலக மையம்:44524363. 
  7. 7.0 7.1 "Facts about Gastroschisis". CDC (June 27, 2017). மூல முகவரியிலிருந்து July 18, 2017 அன்று பரணிடப்பட்டது.
  8. 8.0 8.1 8.2 Sadler, T. W.; Feldkamp, Marcia L. (2008-08-15). "The embryology of body wall closure: relevance to gastroschisis and other ventral body wall defects". American Journal of Medical Genetics Part C: Seminars in Medical Genetics 148C (3): 180–185. doi:10.1002/ajmg.c.30176. பன்னாட்டுத் தர தொடர் எண்:1552-4876. பப்மெட்:18655098. 
  9. Feldkamp, Marcia L.; Carey, John C.; Sadler, Thomas W. (2007). "Development of gastroschisis: Review of hypotheses, a novel hypothesis, and implications for research". American Journal of Medical Genetics Part A 143A (7): 639–652. doi:10.1002/ajmg.a.31578. பப்மெட்:17230493. 
"https://ta.wikipedia.org/w/index.php?title=இரைப்பை_புடைப்பு&oldid=2877557" இருந்து மீள்விக்கப்பட்டது