இருமெத்தில் இருகார்பனேட்டு

இருமெத்தில் இருகார்பனேட்டு
Dimethyl dicarbonate
பெயர்கள்
	விருப்பத்தெரிவு ஐயூபிஏசி பெயர் இருமெத்தில் இருகார்பனேட்டு
	வேறு பெயர்கள் டைமெத்தில் டைகார்பனேட்டு; டைகார்பானிக் அமில டைமெத்தில் எசுத்தர்; டைமெத்தில் பைரோகார்பனேட்டு; வெல்கோரின்
இனங்காட்டிகள்
சிஏஎசு எண்	4525-33-1
ChEBI	CHEBI:173546
ChemSpider	2976
EC number	224-859-8
	InChI InChI=1S/C4H6O5/c1-7-3(5)9-4(6)8-2/h1-2H3 ; Key: GZDFHIJNHHMENY-UHFFFAOYSA-N ; InChI=1/C4H6O5/c1-7-3(5)9-4(6)8-2/h1-2H3; Key: GZDFHIJNHHMENY-UHFFFAOYAQ;
யேமல் -3D படிமங்கள்	Image; Image
பப்கெம்	3086
	SMILES O=C(OC(=O)OC)OC; O=C(OC)OC(=O)OC;
UNII	1AY9229ZMG
பண்புகள்
மூலக்கூறு வாய்பாடு	C4H6O5
வாய்ப்பாட்டு எடை	134.09 g·mol−1
தோற்றம்	நிறமற்ற நீர்மம்
அடர்த்தி	1.25 கி/மி.லி
உருகுநிலை	16 முதல் 18 °C (61 முதல் 64 °F; 289 முதல் 291 K)
கொதிநிலை	172 °C (342 °F; 445 K)
பிசுக்குமை	2.1 Pa·s (20 °செல்சியசு)
தீங்குகள்
முதன்மையான தீநிகழ்தகவுகள்	நஞ்சு
GHS pictograms
GHS signal word	அபாயம்
en:GHS hazard statements	H226, H302, H312, H314, H330
en:GHS precautionary statements	P210, P233, P240, P241, P242, P243, P260, P264, P270, P271, P280, P284, P301+312, P301+330+331
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். verify (இது ?) வார்ப்புரு மேற்கோள்கள்

இருமெத்தில் இருகார்பனேட்டு (Dimethyl dicarbonate) என்பது C₄H₆O₅ என்ற மூலக்கூற்று வாய்ப்பாட்டால் விவரிக்கப்படும் ஒரு கரிம வேதியியல் சேர்மமாகும். டைமெத்தில் டைகார்பனேட்டு என்ற பெயராலும் இச்சேர்மம் அறியப்படுகிறது. அறை வெப்பநிலையில் அதிக செறிவும் கார வாசனையும் கொண்டு ஒரு நிறமற்ற திரவமாகக் காணப்படுகிறது. பானப் பாதுகாப்பு, பதப்படுத்தும் உதவி அல்லது கிருமி நீக்கியாக (உணவு சேர் பொருள்களுக்கான பன்னாட்டு எண் அமைப்பு. 242) பயன்படுத்தப்படுகிறது.) ஈசுட்டு, பாக்டீரியா அல்லது பூஞ்சை போன்ற வழக்கமான பானத்தை கெடுக்கும் நுண்ணுயிரிகளுக்கு எதிராக மிகவும் செயல்பாட்டில் உள்ளது.^[1]

பயன்கள்

இருமெத்தில் இருகார்பனேட்டு நுண்ணுயிர் கெட்டுப்போவதைத் தடுப்பதன் மூலம் பானங்களை நிலைப்படுத்தப் பயன்படுகிறது. மது அல்லாத மற்றும் மது பானங்களான திராட்சை மது, ஆப்பிள் மது, பீர் கலந்த பானங்களில் பயன்படுத்தப்படுகிறது. பானத்தை கெடுக்கும் நுண்ணுயிரிகள் புரதங்களின் மெத்தாக்சிகார்பனைலேற்றம் மூலம் கொல்லப்படுகின்றன.

நுண்ணுயிர் வளர்சிதை மாற்றத்தில் ஈடுபடும் நொதிகளைத் தடுப்பதன் மூலம் இருமெத்தில் இருகார்பனேட்டு செயல்படுகிறது. எ.கா. அசிட்டேட் கைனேசு மற்றும் எல்-குளுட்டாமிக் அமிலம் டீகார்பாக்சிலேசு. ஆல்ககால் டீயைதரசினேசு மற்றும் கிளைசெரால்டிகைடு 3-பாசுப்பேட்டு டீயைதரசினேசு ஆகிய நொதிகளைத் தடுப்பதன் மூலம் இருமெத்தில் இருகார்பனேட்டு இவற்றின் இசுட்டைடின் கூறுகளின் மெத்தாக்சிகார்பைனலேற்றத்தை ஏற்படுத்துகிறது என்றும் முன்மொழியப்பட்டுள்ளது.^[2]

திராட்சை மதுவில், இது பெரும்பாலும் பொட்டாசியம் சார்பேட்டுக்கு பதிலாகப் பயன்படுத்தப்படுகிறது. ஏனெனில் இது பிரெட்டனோமைசசு போன்ற மது கெட்டுப்போகும் ஈசுட்டுகளை செயலிழக்கச் செய்கிறது. பானங்களில் சேர்க்கப்பட்டவுடன், இருமெத்தில் இருகார்பனேட்டின் செயல்திறன் பின்வரும் வினைகளால் வழங்கப்படுகிறது:

C₄H₆O₅ + நீர் → மெத்தனால் + கார்பன் டை ஆக்சைடு

C₄H₆O₅ + எத்தனால் → எத்தில் மெத்தில் கார்பனேட்டு

C₄H₆O₅ + அம்மோனியா → மெத்தில் கார்பமேட்டு

C₄H₆O₅ + அமினோ அமிலம் → தருவிக்கப்பட்ட கார்பாக்சிமெத்தில்

மதுவை கிருமி நீக்கம் செய்ய வேண்டியிருக்கும் போது, ஆனால் அதை வடிகட்டவோ, பகுதித் தொற்றுநீக்கம் செய்யவோ அல்லது கந்தகமாக்கவோ முடியாதபோது இருமெத்தில் இருகார்பனேட்டின் பயன்பாடு மிகவும் பயனுள்ளதாக இருக்கும். கார்பனேற்றப்பட்ட அல்லது கார்பனேற்றப்படாத சாறு பானங்கள், சமச்செறிவு விளையாட்டு பானங்கள், குளிரூட்டப்பட்ட தேநீர் மற்றும் சுவையூட்டப்பட்ட நீர் போன்ற மது அல்லாத பானங்களை நிலைப்படுத்தவும் இருமெத்தில் இருகார்பனேட் பயன்படுத்தப்படுகிறது. வெல்கோரின்® என்ற வர்த்தகப் பெயரில் இருமெத்தில் இருகார்பனேட்டு இலாங்சசு நிறுவனத்தால் தயாரிக்கப்படுகிறது.

பானத்தை நிரப்புவதற்கு முன்பு இருமெத்தில் இருகார்பனேட்டு சேர்க்கப்படுகிறது. பின்னர் அது சிறிய அளவிலான மெத்தனால் மற்றும் கார்பன் டை ஆக்சைடாக உடைகிறது. இவை இரண்டும் பழச்சாறுகள் மற்றும் காய்கறி சாறுகளின் இயற்கையான கூறுகளாகும்.

உணவுக்கான ஐரோப்பிய ஒன்றிய அறிவியல் குழு, அமெரிக்காவில் உள்ள உணவு மற்றும் மருந்து கட்டுப்பாடு அமைப்பு, உலக சுகாதார நிறுவனத்தின் உணவு சேர் பொருட்களுக்கான கூட்டு நிபுணர் குழு ஆகியவை பானங்களில் இருமெத்தில் இருகார்பனேட்டின் பாதுகாப்பான பயன்பாட்டை உறுதிப்படுத்தியுள்ளன. 1988 ஆம் ஆண்டில் திராட்சை மதுவில் இதைப் பயன்படுத்த உணவு மற்றும் மருந்து கட்டுப்பாட்டு அமைப்பு ஒப்புதல் அளித்தது. அதிகபட்ச அளவு 200 மி.கி/லி என நிர்ணயிக்கப்பட்டது. மருந்தளவு நேரத்தில் 500 ஈசுட்டு செல்கள்/மி.லி. என்ற அளவுக்கு குறைவாக இருந்தால் மட்டுமே இந்த ஒப்புதல் கிடைக்கும்.^[3] இது ஐரோப்பிய ஒன்றியத்திலும் ஐ242 என்ற எண்ணின் கீழ் பட்டியலிடப்பட்டுள்ளது.^[4] இருமெத்தில் இருகார்பனேட்டு ஆத்திரேலியா மற்றும் நியூசிலாந்திலும் அங்கீகரிக்கப்பட்டுள்ளது.^[5]

மேலும் காண்க

இருமெத்தில் கார்பனேட்டு

மேற்கோள்கள்

↑ Uhr, Hermann; Mielke, Burkhard; Exner, Otto; Payne, Ken R.; Hill, Edward (2005), "Biocides", Ullmann's Encyclopedia of Industrial Chemistry, Weinheim: Wiley-VCH, pp. 1–26, doi:10.1002/14356007.a16_563.pub2
↑ DMDC's role in bottle stability - dimethyl dicarbonate பரணிடப்பட்டது 2015-09-24 at the வந்தவழி இயந்திரம், Wines & Vines, Oct 1990
↑ US Food and Drug Administration: "Listing of Food Additives Status Part I". Food and Drug Administration. Archived from the original on 2013-03-14. Retrieved 2011-10-27.
↑ UK Food Standards Agency: "Current EU approved additives and their E Numbers". Retrieved 2011-10-27.
↑ Food Standards Australia and New Zealand, Application A1015 - Classification of Dimethyl Dicarbonate - Approval Report -15 December 2010"Application A1025 - Classification of Dimethyl Dicarbonate". Archived from the original on 2019-04-18. Retrieved 2010-12-15.

வெளி இணைப்புகள்

[1] Uhr, Hermann; Mielke, Burkhard; Exner, Otto; Payne, Ken R.; Hill, Edward (2005), "Biocides", Ullmann's Encyclopedia of Industrial Chemistry, Weinheim: Wiley-VCH, pp. 1–26, doi:10.1002/14356007.a16_563.pub2

[findarticles01-2] DMDC's role in bottle stability - dimethyl dicarbonate பரணிடப்பட்டது 2015-09-24 at the வந்தவழி இயந்திரம், Wines & Vines, Oct 1990

[3] US Food and Drug Administration: "Listing of Food Additives Status Part I". Food and Drug Administration. Archived from the original on 2013-03-14. Retrieved 2011-10-27.

[4] UK Food Standards Agency: "Current EU approved additives and their E Numbers". Retrieved 2011-10-27.

[5] Food Standards Australia and New Zealand, Application A1015 - Classification of Dimethyl Dicarbonate - Approval Report -15 December 2010"Application A1025 - Classification of Dimethyl Dicarbonate". Archived from the original on 2019-04-18. Retrieved 2010-12-15.

[1]

[2]

[3]

[4]

[5]