இரா. நடராசன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இரா. நடராசன்

ஆயிஷா நடராசன்இரா. நடராசன் , 2014 ஆம் ஆண்டிற்கான பால சாகித்திய அகாதமி விருது பெற்ற சிறுவர் இலக்கிய எழுத்தாளர் .[1] இவர் எழுதிய ஆயிஷா எனும் சிறுகதை ஏற்படுத்திய தாக்கத்தால் இவர் ஆயிஷா நடராசன் என்ற பெயரால் அழைக்கப்படுகிறார். இந்த ஆயிஷா சிறுகதை இவருடைய இரா. நடராசன் சிறுகதைகள் என்ற தொகுப்பிலும் தனிநூலாகவும் கிடைக்கிறது. எளிய தமிழில் அறிவியல் கருத்துகளையும், சில மொழி பெயர்ப்பு நூல்களையும், மாணவர்களுக்கு உதவக்கூடிய எளிய அறிவியல் சோதனைகள் போன்ற பல நூல்களை எழுதியுள்ளார்.

வாழ்க்கைக் குறிப்பு[தொகு]

இயற்பியல், கல்வியியல் மேலாண்மை, உளவியல் ஆகிய துறைகளில் முதுகலைப் பட்டம் பெற்றவர் [2] மற்றும் எழுத்தாளர். கடலூரில் கிருஷ்ணசாமி நினைவு மெட்ரிக் மேல்நிலைப்பள்ளியில் தலைமை ஆசிரியராக இரா,நடராசன் பணியாற்றி வருகிறார். கடந்த 12 ஆண்டுகளாக தொடர்ந்து புத்தகங்களுக்காவே வெளிவரும் 'புத்தகம் பேசுது' மாத இதழின் ஆசிரியர்.

சிறுகதைகள்[தொகு]

இவரின் சிறுகதைகள் உலகளாவிய வாசகர் கவனத்தை ஈர்த்தவை. தமிழ் மொழியில் எழுதப்பட்ட இக்கதைகளில் சில தெலுங்கு, மலையாளம், இந்தி, ஆங்கிலம், பிரஞ்சு உட்பட பல மொழிகளில் மொழியாக்கம் செய்யப்பட்டுள்ளன. உலக சிறுகதை தொகுதிகள் சிலவற்றில் இவரின் சில கதைகள் இடம் பெற்றுள்ளன. இவைகளில் நான்கு கதைகள் குறும்படங்களாக எடுக்கப்பட்டு பன்னாட்டுப் பட விழாகளில் விருதுகளைப் பெற்றுள்ளன.[3]

அங்கீகாரங்களும் விருதுகளும்[தொகு]

  • பால சாகித்திய அகாதமி விருது குழந்தைகள் இலக்கியத்தில் பங்களிப்பதற்காக வழங்கப்படுகிறது. இந்த விருது 23 மொழிக்கும் வழங்கப்படும். இவரது "விக்னாய விக்ரமாதித்தன் வேதாளம் கதைகள்" படைப்பிற்காக இவ்விருது வழங்கப்பட்டது.[4][5]
  • "கணிதத்தின் கதை' எனும் நூலுக்கு தமிழக அரசின் தமிழ் வளர்ச்சி துறை விருது வழங்கப்பட்டது.[1]
  • இவரது ஆயிஷா எனும் குறுநாவல் (பள்ளிக்கூட சிறுமியின் துயரக்கதை) தமிழில் ஒரு லட்சம் பிரதிகள் விற்பனையாகி சாதனை படைத்தது.[6][7][8]

புத்தகங்கள்[தொகு]

இவை தவிர்த்து மேலும் பல புத்தகங்களை எழுதியுள்ளார்.

மேலும் காண்க[தொகு]

பால சாகித்திய அகாதமி விருதுகள்

சான்றுகள்:[தொகு]

  1. 1.0 1.1 "ஆயிஷா நடராஜனுக்கு சிறுவர் இலக்கியத்துக்கான சாகித்ய அகாதமி விருது!". பார்த்த நாள் 25 ஆகத்து 2014.
  2. "ஹிக்ஸ் போசான் வரை இயற்பியலின் கதை" எனும் இவருடைய நூலின் பின்னட்டை வாசகங்களிலிருந்து.
  3. இரா.நடராசன் சிறுகதைகள் எனும் நூலின் உள் அட்டையில் இருந்து
  4. "Bal Sahithya Akademi winner dedicates award to book-loving children". The Hindu (2014). பார்த்த நாள் 25 August 2014.
  5. "Bal Sahitya Puraskar Award". Sahitya Academy, Government of India (2015). மூல முகவரியிலிருந்து 30 June 2015 அன்று பரணிடப்பட்டது. பார்த்த நாள் 24 January 2015.
  6. "Ayesha Natarasan". Barathi Puthakalayam, India (1999).
  7. "Ayesha-English". A foreword written by author ERA. NATARAJAN, India (1999).
  8. "Ayesha -Tamil". A foreword written by author ERA. NATARAJAN, India (1999).
"https://ta.wikipedia.org/w/index.php?title=இரா._நடராசன்&oldid=2964105" இருந்து மீள்விக்கப்பட்டது