இராபர்ட்டோ செவெதோ

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
இராபர்ட்டோ செவெதோ
Roberto Azevêdo
Roberto Azevedo cropped.jpg
உலக வணிக அமைப்பின் தலைமை இயக்குநர்
பதவியேற்பு
1 செப்டம்பர் 2013
முன்னவர் பாசுகல் லாமி
தனிநபர் தகவல்
பிறப்பு இராபர்ட்டோ கார்வல்லோ தெசெவெதோ
3 அக்டோபர் 1957 (1957-10-03) (அகவை 60)
சல்வடார், பஹியா, பிரேசில்
குடியுரிமை பிரிசிலியர்
தேசியம் பிரேசிலியர்
வாழ்க்கை துணைவர்(கள்) மாரியா நாசரெத் ஃபரானி செவெதோ
பணி சார்பாளர்

இராபர்ட்டோ கார்வல்லோ தெ செவெதோ (Roberto Carvalho de Azevêdo, போர்ச்சுகீசிய உச்சரிப்பு : [ʁoˈbɛʁtu azeˈvedu]; பிறப்பு: அக்டோபர் 3, 1957) பிரேசில்|பிரேசிலிய பேராளரும் உலக வணிக அமைப்பில் 2006ஆம் ஆண்டிலிருந்து பிரேசிலின் தூதராகப் பணியாற்றியவரும் ஆவார்.[1] மே 2013இல் இவர் உலக வணிக அமைப்பின் தலைமை இயக்குநராகத் தேர்ந்தெடுக்கப்பட்டுள்ளார். 2013, செப்டம்பர் ஒன்றுக்குப் பிறகு தற்போதைய தலைமை இயக்குநர் பாசுகல் லாமியிடமிருந்து பொறுப்பேற்றுக் கொள்கிறார்.[2]

இளமையும் கல்வியும்[தொகு]

தாய்மொழியான போர்த்துகீசியத்தைத் தவிர்த்து ஆங்கிலம், பிரான்சியம், எசுப்பானியம் மொழிகளிலும் வல்லமை படைத்த செவெதோ பிரேசிலியாப் பல்கலைக்கழகத்திலிருந்து மின்னியல் பொறியியலில் படம் பெற்றுள்ளார். பின்னதாக ரியோ பிராங்கோ இன்ஸ்ட்டியூட்டிலிருந்து பன்னாட்டு உறவாண்மையில் மேற்பட்டம் பெற்றார்.[1]

பணிவாழ்வு[தொகு]

இராபர்ட்டோ செவெதோ பிரேசிலின் வெளியுறவுத் துறையில் 1984ஆம் ஆண்டில் பணியிலமர்ந்தார். வாசிங்டன் டி.சி (1988–91) மற்றும் மான்டிவெடீயோ (1992–94) நகரங்களில் உள்ள பிரேசிலின் தூதரகங்களிலும் ஜெனீவாவில் உள்ள ஐக்கிய நாடுகளின் அலுவலகத்தில் உள்ள நிரந்தரப் பேராளர் அலுவலகத்திலும் (1997–2001) பணி புரிந்துள்ளார்.[1]

கீழ்கண்ட பதவிகளில் இவர் இருந்துள்ளார்:[1]

  • 1995–96: வெளியுறவுத் துறை அமைச்சின் பொருளாதாரப் பிரிவின் துணைத்தலைவராக
  • 2001–05: பிணக்குத் தீர்வுப் பிரிவின் தலைவர்
  • 2005–06: பொருளாதார விவகாரத் துறையின் இயக்குநர்
  • 2006–08: பொருளியல், தொழில்நுட்ப விவகார துணை அமைச்சர்.

2008இலிருந்து ஜெனீவாவில் உலக வணிக அமைப்பு உள்ளிட்ட பல பொருளாதார அமைப்புக்களிடம் பிரேசிலின் சார்பாளராகப் பங்கேற்றுள்ளார்.[1]

பிரேசிலுக்கும் ஐக்கிய அமெரிக்காவிற்கும் இடையிலான பருத்திப் பிணக்கை பேச்சுவார்த்தைகள் மூலமாக தீர்த்து வைத்தவர்களில் முதன்மையானவராக இருந்தார்.[1] தோஹா வட்டங்களில் பிரேசிலின் சார்பாளராக வாதாடினார்.

தனி வாழ்க்கை[தொகு]

செவெதோ சக தூதரும் ஜெனீவாவிலுள்ள ஐக்கிய நாடுகள் அலுவலகத்தில் நிரந்தர பேராளருமான மரியா நசரெத் ஃபரானியைத் திருமணம் புரிந்துள்ளார்; இருவருக்கும் இரு மகள்கள் பிறந்துள்ளனர்.[1]

மேற்சான்றுகள்[தொகு]

  1. 1.0 1.1 1.2 1.3 1.4 1.5 1.6 "Biography: Roberto Azevedo" (PDF). WTO. பார்த்த நாள் 2013-05-07.
  2. "WTO names Roberto Azevedo as new head". BBC News Online (UK). 7 May 2013. http://www.bbc.co.uk/news/business-22443597. பார்த்த நாள்: 2013-05-07. 
"https://ta.wikipedia.org/w/index.php?title=இராபர்ட்டோ_செவெதோ&oldid=2214592" இருந்து மீள்விக்கப்பட்டது