இரவீந்திர பி. பாபட்

இரவீந்திர பி. பாபட்டு Ravindra B. Bapat
பிறப்பு	20 திசம்பர் 1954 (1954-12-20)
தேசியம்	இந்தியர்
துறை	நேரியல் இயற்கணிதம் பொதுமைப்படுத்தப்பட்ட தலைகீழ், அணி பகுப்பாய்வு கணிதம்
பணியிடங்கள்	இந்தியப் புள்ளியியல் கழகம் தில்லி
கல்வி கற்ற இடங்கள்	இல்லினாயிசு பல்கலைக்கழகம், சிக்காக்கோ இந்தியப் புள்ளியியல் கழகம் தில்லி
ஆய்வு நெறியாளர்	டி ஈ எசு இராகவன்
விருதுகள்	இயே. சி. போசு புத்தாய்வு மாணவர்

இரவீந்திர பி பாபட்டு (Ravindra B.Bapat) என்பவர் இந்தியாவைச் சேர்ந்த ஒரு கணிதவியலாளர் ஆவார். நிகழ்தகவுக் கோட்பாட்டில் உள்ள பாபட்டு-பெக் தேற்றம் தொடர்பாக அறியப்படுகிறார்.

கல்வி

மும்பை பல்கலைக்கழகத்தில் இளங்கலைப் பட்டம் பெற்றார். பின்னர் புது தில்லியில் உள்ள இந்திய புள்ளியியல் நிறுவனத்தில் முதுகலை அறிவியல் பட்டம் பெற்றார். பிறகு 1981 ஆம் ஆண்டு சிகாகோவில் உள்ள இல்லினாய்சு பல்கலைக்கழகத்தில் முனைவர் பட்டம் பெற்றார். இவருடைய ஆராய்ச்சி செயல்பாடுகளில், அணி ஏற்றத்தாழ்வுகள், வரைபடக் கோட்பாட்டில் அணி, பொதுமைப்படுத்தப்பட்ட தலைகீழ் மற்றும் அணி பகுப்பாய்வு ஆகியவை முக்கிய பங்களிப்புகள் ஆகும்.

தொழில்

புகழ்பெற்ற பத்திரிகைகளில் ஏராளமான ஆராய்ச்சிக் கட்டுரைகளை எழுதியுள்ளதோடு பாபட்டு இந்துசுத்தான் புத்தக நிறுவனம் ஸ்பிரிங்கர் மறறும் கேம்பிரிச்சு பல்கலைக்கழக அச்சகம் ஆகியவற்றால் வெளியிடப்பட்ட நேரியல் இயற்கணிதம் குறித்த புத்தகங்களை எழுதியுள்ளார். மின்னணு இதழ் மற்றும் உண்மையான இயற்கணிதம், இந்திய இதழான தூய மற்றும் பயன்பாட்டு கணிதவியலின் கேரள கணித சங்க புல்லட்டின் மற்றும் நேரியல் மற்றும் பல நேரியல் இயற்கணிதம் ஆகியவற்றின் ஆசிரியர் குழுக்களில் பணியாற்றியுள்ளார். கணித ஒலிம்பியாடு போட்டிக்கான தேசிய ஒருங்கிணைப்பாளராகவும், 2007 முதல் 2011 ஆம் ஆண்டு வரை தில்லி மையத்தில் உள்ள இந்திய புள்ளிவிவர நிறுவனத்தின் தலைவராகவும் இருந்தார்.

இந்தியாவின் அசோகா பல்கலைக்கழகத்தில் கணிதத்துறையில், வருகை தரும் பேராசிரியராக உள்ளார். மேலும் இவர் 2007 முதல் 2008 வரை இந்திய கணித சங்கத்தின் தலைவராகவும் பதவி வகித்துள்ளார்.

உதவித்தொகைகள் மற்றும் விருதுகள்

• ஜே.சி. போசு ஆதரவு ஊதியம் (2009)
• இந்திய அறிவியல் கழகத்தின் ஆதரவு ஊதியம் (2000)

புத்தகங்கள்

• பாபட் ஆர்.பி. (1993) நேரியல் இயற்கணிதம் மற்றம் நேரியல் மாதிரிகள் இசுபிரிங்கர்
• குண்டுக்குறியிட்ட வரிசையின் உறுப்பினர்.
• பாபட் ஆர்.பி.டி. இ.எஸ் ராகவன் (2009) எதிர்மறை அல்லாத அணிகள் மற்றும் பயன்பாடுகள் கேம்பிரிட்சு பல்கலைக்கழக அச்சகம்.
• பாபட் ஆர்.பி. (2010)வரைபடங்கள் மற்றும் அணிகள் இசுபிரிங்கர்.
• நியாோகி எசு.கே. அருப் குமார் தாசு ஆர்.பி.பாபட் (2009) வடிவமைப்பு கணக்கீடு மற்றும் நிகழ் நிரல் உலக அறிவியல் பதிப்பக தனியுரிமை.

வெளி இணைப்புகள்

• ஆர். பி. பாபட்டின் முகப்புப்பக்கம்