இயூக்கியோ மிசிமா
இயூக்கியோ மிசிமா என்பவர் ஒரு சப்பானிய எழுத்தாளர், கவிஞர், நாடக ஆசிரியர், நடிகர், விளம்பரங்களில் நடிப்பவர், திரைப்பட இயக்குனர், தேசியவாதி மற்றும் ததெனோகாய் என்ற அமைப்பின் நிறுவனர் ஆவார். மிசிமா 20 ஆம் நூற்றாண்டின் மிக முக்கியமான சப்பானிய எழுத்தாளர்களில் ஒருவராக கருதப்படுகிறார். 1968 ஆம் ஆண்டில் இலக்கியத்திற்கான நோபல் பரிசுக்கு அவர் பரிந்துரைக்கப்பட்டார், ஆனால் இந்த விருது அவரது சக நாட்டுக்காரரான இயசுனாரி கவாபட்டாவுக்கு சென்றது.[1]
படைப்புகள்[தொகு]
அவரது படைப்புகளில் கன்ஃபெஷன்ஸ் ஆஃப் எ மாஸ்க் மற்றும் தி டெம்பிள் ஆஃப் தி கோல்டன் பெவிலியன் மற்றும் சுயசரிதை கட்டுரையான சன் அண்ட் ஸ்டீல் ஆகியவை அடங்கும் . மிசிமாவின் படைப்புகள் அதன் ஆடம்பரமான சொற்களஞ்சியம் மற்றும் நலிந்த உருவகங்கள், பாரம்பரிய சப்பானிய மற்றும் நவீன மேற்கத்திய இலக்கிய பாணிகளின் இணைவு மற்றும் அழகு, சிற்றின்பம் மற்றும் இறப்பு ஆகியவற்றின் ஒற்றுமை குறித்த அதன் ஆவேசமான கூற்றுகளால் வகைப்படுத்தப்படுகின்றன.[2]
அமைப்பு[தொகு]
கருத்தியல் ரீதியாக ஒரு வலதுசாரி தேசியவாதியான மிசிமா, சப்பானிய பேரரசருக்கு அதிகாரத்தை மீட்டெடுக்கும் நோக்கத்திற்காக, நிராயுதபாணியான சிவில் போராளிகளான ததெனோகாய் ஒன்றை உருவாக்கினார். நவம்பர் 25, 1970 அன்று, மிசிமாவும் அவரது நான்கு போராளிகளும் மத்திய டோக்கியோவில் உள்ள ஒரு இராணுவத் தளத்திற்குள் நுழைந்து, தளபதியை பணயக்கைதியாகக் கொண்டு, சப்பானின் 1947 அரசியலமைப்பை ரத்து செய்ய சப்பான் தற்காப்புப் படைகளை ஊக்குவிக்க முயன்றனர். இது தோல்வியுற்றபோது, மிசிமா செப்புக்கு செய்து கொண்டார் .
செப்புக்கு (ஹராகிரி) என்பது சப்பானிய அரசவம்சத்தினரும் உயர்குடியினரும் தமது வயிற்றைக் கிழித்துக் கொண்டு தற்கொலை செய்கின்ற பாரம்பரியமான ஒரு வழக்கமாகும். ஹராகிரி என்றால் சப்பானிய மொழியில் வயிற்றைக் கிழித்தல் என்பதாகும்.
இளமைக் காலம்[தொகு]
டோக்கியோவின் இயோத்சுயா மாவட்டத்தில் (இப்போது சின்ச்சுகுவின் ஒரு பகுதி) மிசிமா பிறந்தார். இவரது தந்தை அசுசா கிரோகா, அவர் ஒரு அரசாங்க அதிகாரி, மற்றும் அவரது தாயார் சிச்சு, கைசி அகாதாமியின் 5 வது அதிபரின் மகள் ஆவார்.[3]
பள்ளிப்படிப்பு மற்றும் ஆரம்பகால படைப்புகள்[தொகு]
ஆறாவது வயதில், மிஷிமா டோக்கியோவில் உள்ள பியர்ஸ் பள்ளியான உயரடுக்கு ககுசினில் சேர்ந்தார்.[4] பன்னிரண்டு வயதில், மிசிமா தனது முதல் கதைகளை எழுதத் தொடங்கினார். பல உன்னதமான சப்பானிய எழுத்தாளர்கள் மற்றும் ரேமண்ட் ராடிகுட், ஆஸ்கார் வைல்ட், ரெய்னர் மரியா ரில்கே மற்றும் பிற ஐரோப்பிய எழுத்தாளர்களின் படைப்புகளை மொழிபெயர்ப்பிலும் அசலிலும் அவர் ஆர்வத்துடன் வாசித்தார். அவர் ஜெர்மன், பிரஞ்சு மற்றும் ஆங்கிலம் பயின்றார். பள்ளியில் ஆறு ஆண்டுகள் கழித்து, அதன் இலக்கிய சமுதாயத்தின் ஆசிரியர் குழுவின் இளைய உறுப்பினரானார். மிசிமா சப்பானிய ஆசிரியர்களின் படைப்பிலும் மிகவும் ஆர்வமுடையவராக இருந்தார். .
நோபல் பரிசு[தொகு]
மிஷிமா இலக்கியத்திற்கான நோபல் பரிசுக்கு மூன்று முறை பரிந்துரைக்கப்பட்டர்.[5] மற்றும் பல வெளிநாட்டு வெளியீட்டு நிறுவனக்களுக்கு மிகவும் பிடித்தவர்.[6] இருப்பினும், 1968 ஆம் ஆண்டில் அவரது ஆரம்ப வழிகாட்டியான கவாபாடா நோபல் பரிசை வென்றார், மேலும் எதிர்காலத்தில் மற்றொரு சப்பானிய எழுத்தாளருக்கு இது வழங்கப்படுவதற்கான வாய்ப்புகள் குறைவு என்பதை மிசிமா உணர்ந்து கொண்டார்.[7]
நடிப்பு[தொகு]
மிசிஷிமா ஒரு நடிகராகவும் இருந்தார், மேலும் இயசுசோ மசுமுராவின் 1960 ஆம் ஆண்டில் வெளியான அஃப்ரைட் டு டை திரைப்படத்தில் நடித்துள்ளர். .
குறிப்புகள்[தொகு]
- ↑ Revealing the many masks of Mishima. Japan Times. Retrieved 12 May 2014.
- ↑ Andrew Rankin, Mishima, Aesthetic Terrorist: An Intellectual Portrait (University of Hawaii Press, 2018), p. 119.
- ↑ Naoki Inose & Hiroaki Sato, Persona: A Biography of Yukio Mishima (Naoki Inose, Hiroaki Sato) (Stone Bridge Pr 2012)
- ↑
- "Guide to Yamanakako Forest Park of Literature( Mishima Yukio Literary Museum)". October 20, 2009 அன்று பார்க்கப்பட்டது.
- "三島由紀夫の年譜". October 20, 2009 அன்று பார்க்கப்பட்டது.
- ↑ "Nomination Database: Yukio Mishima". Nobel prize. May 12, 2016 அன்று பார்க்கப்பட்டது.
- ↑ Flanagan, Damian. "Mishima, Murakami and the elusive Nobel Prize". Japan Times. May 12, 2016 அன்று பார்க்கப்பட்டது.
- ↑ McCarthy, Paul. "Revealing the many masks of Mishima". Japan Times. May 12, 2016 அன்று பார்க்கப்பட்டது.