இந்திர மல்லர்

இந்திர மல்லர்
இலலித்பூரின் அரசன்
ஆட்சிக்காலம்	1706–1709
முன்னையவர்	லோக பிரகாஷ் மல்லர்
பின்னையவர்	வீர நரசிம்ம மல்லர்
பிறப்பு	நேபாளம்
இறப்பு	1709
அரசமரபு	மல்லர் வம்சம்
தந்தை	பௌத்த மல்லர்
தாய்	மணிமதி

இந்திர மல்லர் (Indra Malla) மல்லர் வம்ச மன்னர் ஆவார். இவர் இலலித்பூரை லோக பிரகாஷ் மல்லனுக்குப் பிறகு 1706 முதல் 1709 இல் தான் இறக்கும் வரை ஆட்சி செய்தார்.

வாழ்க்கை

இந்திர மல்லர், யோக நரேந்திர மல்லரின் சகோதரி மணிமதியின் மகனும் சிறீநிவாச மல்லரின் பேரனும் ஆவார். யோக நரேந்திரனின் மரணத்திற்குப் பிறகு, இலலித்பூரின் உள்ளூர் பிரபுக்கள் யோக நரேந்திரனின் பேரனான லோகபிரகாஷ் மல்லனை அரசனாக நியமித்தனர். பதினொரு மாத ஆட்சி பிறகுதான் லோக பிரகாஷ் பெரியம்மை நோயால் இறந்தார். அதன் பிறகு இந்திர மல்லர் ஆட்சிக்கு வந்தார். தனது முன்னோர்களைப் போலவே இவரும் மத நடவடிக்கைகளில் ஈடுபட்டார். மத இடங்களுக்கு பல்வேறு பொருட்களை நன்கொடையாக வழங்கினார்.

இந்திர மல்லர் 1709 இல் இறந்தார். இவருக்குப் பின் வீர நரசிம்ம மல்லர் பதவியேற்றார்.