இந்திரவருமன்

இந்திரவருமன் Sri Indravarman Sri Maharaja Indrawarman
சிறீவிஜய மகா அரசர்
ஆட்சிக்காலம்	702 - 728
முன்னையவர்	ஜெயநேசன்
பின்னையவர்	உருத்திர விக்கிரமன்
பெயர்கள் மகாராஜா இந்திரவருமன் Sri Maharaja Indrawarman

சிறீவிஜய அரசர்கள் தொடக்கம் பலெம்பாங் ஜெயநேசன் 671–702 இந்திரவருமன் 702–728 உருத்திர விக்கிரமன் 728–742 (தகவல் இல்லை) 742–775 பிற்காலம் சைலேந்திர மரபு (மாதரம் இராச்சியம்) பனங்கரன் 746–784 பனராபன் 784–803 ஜாவா பானு 752–775 தருமசேது (விஷ்ணு) 775–? தரணிந்திரன் 775–782 சமரகரவீரன் 800–819 ராக்காய் வாராக் 803–827 தயா குலா 827–829 ராக்காய் காருங் 829–847 பிரமோதவர்தனி 847–856 ராக்காய் பிக்கத்தான் 838–850 லோகபாலா 855–885 தகவாசன் 885–885 பனுவங்க தேவேந்திரன் 885–887 தயா பத்திரன் 887–887 உதயாத்தியன் 960–980 இசியா சி 980–988 சூடாமணி வருமதேவன் 988–1008 விஜயோத்துங்கவருமன் 1008–1017 கடாரம் சங்கராமன் 1017–1030 செரி தேவன் 1028–(?) சோழர் ஆட்சி இராசேந்திர சோழன் 1025–1044 குலோத்துங்கன் 1070–1120 மௌலி மரபு திரிலோகிய ராஜா 1183–(?)

இந்திரவருமன் அல்லது மகாராஜா இந்திரவருமன் (ஆங்கிலம்: Sri Indravarman; இந்தோனேசியம்: Sri Maharaja Indrawarman; சீனம்: Shih-li-t-'o-pa-mo அல்லது (Che-li-t'o-lo-pa-mo) என்பவர் 8-ஆம் நூற்றாண்டைச் சேர்ந்த சிறீ விஜயப் பேரரசின் மன்னர் ஆவார். சிறீவிஜய மகா அரசர் (Maharaja Sriwijaya) அல்லது கெடத்துவான் சிறீ விஜயா (Kadatuan Srivijaya) எனும் அரச மரபைச் சார்ந்த இவரின் ஆட்சிக்காலம் கிபி 702 - 728 என அறியப்படுகிறது.

சீனாவின் தாங் அரசமரபு மன்னர்களின் அரசவைக்கு இவர், மூன்று தூதர்களை அனுப்பினார் என சான்றுகள் உள்ளன. முதலில் கி.பி 702-இல், இரண்டாவதாக கி.பி 716-இல், மூன்றாவதாக கி.பி 724-இல்; இந்திரவருமன் தம் தூதர்களை அனுப்பி உள்ளார்.

வரலாறு

சீன வரலாற்று மூலங்களில் இவரின் பெயர் சே-லி-டி'ஓ-லோ-பா-மோ (Che-li-t'o-lo-pa-mo) என்று பதிவு செய்யப்பட்டுள்ளது. இவர் அரேபிய உமையாத் கலீபாக்களுக்கு (Umayyad Caliphate) இரண்டு கடிதங்களை அனுப்பியதாகவும் பதிவு செய்யப்பட்டுள்ளது.

முதலாவதாக கி.பி. 680-இல் ஒரு கடிதம்; இரண்டாவதாக கி.பி. 718 இல் ஒரு கடிதம் அனுப்பியுள்ளார்.

சீனப் பேரரசருக்கு சிறீவிஜயம் வழங்கிய பரிசுகளில், செங்சி (ts'engchi) எனும் ஒரு கறுப்பின அடிமையும் பட்டியலில் உள்ளது. அரபு மொழி: zanji எனும் சொல்லில் இருந்து செங்சி எனும் சீனச் சொல் பெறப்பட்டதாகக் கருதப்படுகிறது.

பன்னாட்டுத் தொடர்புகள்

சிறீவிஜயத்தின் இந்த உறவுகள்; சிறீவிஜயம் தனது ஆட்சிக் காலத்தில், மேற்கு மற்றும் கிழக்கு ஆசியாவிலிருந்து வெளி உலகத்துடன் நல்ல பன்னாட்டு வணிகத்தைக் கொண்டிருந்ததைக் குறிக்கின்றன.

இந்திரவர்மனுக்குப் பிறகு அவரின் மகன் உருத்திர விக்கிரமன் என்பவரும் சீனாவிற்குத் தொடர்ந்து தூதர்களை அனுப்பி வந்தார்.

மேலும் காண்க

• ஜெயநேசன்
• சிறீவிஜயம்
• பலெம்பாங்
• கோத்தா கப்பூர் கல்வெட்டு
• கெடுக்கான் புக்கிட் கல்வெட்டு