ஆர். வைத்திலிங்கம்

ஆர். வைத்திலிங்கம் என்பவர் ஓர் தமிழக அரசியல்வாதி ஆவார். இவர் ஒரத்தநாடு தொகுதியிலிருந்து தமிழக சட்டப்பேரவை உறுப்பினராக தேர்ந்தெடுக்கப்பட்டவர். 2001 ஆம் ஆண்டில் தமிழக அரசின் தொழில்துறை அமைச்சராகவும், வனம் மற்றும் சுற்றுச்சூழல் துறை, வீட்டுவசதி மற்றும் ஊரக வீட்டுவசதித் துறை அமைச்சராகவும் பணியாற்றியுள்ளார். இவர் அனைத்திந்திய அண்ணா திராவிட முன்னேற்றக் கழகம் கட்சியின் துணை ஒருங்கிணைப்பாளர் ஆவர். இவர் 30 சூன் 2016 அன்று மாநிலங்களவை உறுப்பினராகத் தேர்ந்தெடுக்கப்பட்டார். 2021 சட்டமன்றத் தேர்தலில் இவர் ஒரத்தநாடு தொகுதியிலிருந்து தமிழ்நாடு சட்டப்பேரவைக்கு தேர்ந்தெடுக்கப்பட்டார்.இவர் சட்டமன்ற உறுப்பினராக தேர்வு செய்யப்பட்டதால், தான் வகித்திருந்த மாநிலங்களவை உறுப்பினர் பதவியிலிருந்து 10 மே 2021 அன்று விலகினார்.

வாழ்க்கைக் குறிப்பு

இவரது பெற்றோர் ரெங்கசாமி, முத்தம்மாள் ஆவர். இவரின் சொந்த ஊர், தஞ்சாவூர் மாவட்டம், ஒரத்தநாடு வட்டத்தில் உள்ள தெலுங்கன் குடிக்காடு என்பதாகும். இவர் சென்னையில் உள்ள மாநிலக் கல்லூரியில் இளநிலைப் பட்டப்படிப்பை மேற்கொண்டார்.

அரசியல் வாழ்க்கை

• 2011 முதல் 2016 வரை : தமிழக அரசில் அமைச்சர் பொறுப்பு.
• அ.தி.மு.க.வின் தஞ்சை தெற்கு மாவட்ட செயலாளராக பொறுப்பு.
• அ.தி.மு.க.வின் துணை ஒருங்கிணைப்பாளராக 2017முதல் தற்போது வரை .
• சூன் 2016 -மே 2021 மாநிலங்களவை உறுப்பினர்.
• மே, 2021- 2021 ஆம் ஆண்டில் நடைபெற்ற சட்டமன்றத் தேர்தலில் ஒரத்தநாடு தொகுதியில் இருந்து அதிமுக சார்பில் சட்டமன்ற உறுப்பினரானார்.