ஆப்பிரிக்கக் கருந்தலை மாங்குயில்

கட்டற்ற கலைக்களஞ்சியமான விக்கிப்பீடியாவில் இருந்து.

கருப்புத்தலை மாங்குயில் (Black-headed oriole) அல்லது ஆப்பிரிக்கக் கருந்தலை மாங்குயில் (ஓரியோலசு லார்வடசு) என்பது ஓரியோலிடே குடும்பத்தில் உள்ள ஒரு பறவை சிற்றினமாகும். இது ஆப்பிரிக்காவில் காணப்படுகிறது.

வகைப்பாட்டியல்[தொகு]

சில வகைப்பாட்டியலாளர்கள் மலை மாங்குயிலைக் கருந்தலை மாங்குயிலின் கிளையினமாக கருதுகின்றனர். கருந்தலை மாங்குயில் ஆப்பிரிக்கக் கருந்தலை மாங்குயில், கிழக்கு கருந்தலை மாங்குயில் மற்றும் கிழக்கு மாங்குயில் எனவும் அழைக்கப்படுகிறது.

துணை இனங்கள்[தொகு]

இந்த சிற்றினத்தின் கீழ் ஐந்து துணையினங்கள் அங்கீகரிக்கப்பட்டுள்ளன:[1]

  • ஓ. லா. ரோலேட்டி - சால்வடோரி, 1864. முதலில் ஒரு தனிச் சிற்றினமாக விவரிக்கப்பட்டது. தெற்கு சூடான் மற்றும் தெற்கு எத்தியோப்பியாவிலிருந்து கிழக்கு காங்கோ மக்களாட்சிக் குடியரசு மற்றும் மத்திய கென்யா வரை காணப்படுகிறது
  • ஓ. லா. ரெய்ச்செனோவி - செட்லிட்சு, 1916 : சோமாலியாவிலிருந்து கிழக்கு தான்சானியா வரை
  • கென்யா கருந்தலை மாங்குயில் (ஓ. லா. அங்கோலென்சிசு) - நியூமன், 1905: அங்கோலா மற்றும் நமீபியாவிலிருந்து மேற்கு தான்சானியா மற்றும் வடக்கு மொசாம்பிக் வரை
  • ஓ. லா. திபிசென் - லாசன், 1962 : தெற்கு தான்சானியா கடலோரம் முதல் தெற்கு மொசாம்பிக் கடலோரம் வரை
  • ஓ. லா. லார்வடசு - லிச்சென்ஸ்டீன், எம். ஹெச். கே. 1823: தெற்கு ஜிம்பாப்வேயிலிருந்து உள்நாட்டின் தெற்கு மொசாம்பிக் மற்றும் கிழக்கு தென்னாப்பிரிக்கா வரை

விளக்கம்[தொகு]

கருந்தலை மாங்குயில், பிரகாசமான மஞ்சள் உடலுடன், மாறுபட்ட கருப்பு தலை மற்றும் சதை நிற அலகுடன் மிகவும் குறிப்பிடத்தக்கத் தோற்றத்தைக் கொண்டுள்ளது.

வாழிடம்[தொகு]

இது தென் சூடான் மற்றும் வடக்கே எத்தியோப்பியாவிலிருந்து தெற்கே தென்னாப்பிரிக்கா வரை சகாரா கீழமை ஆப்பிரிக்காவின் பெரும்பகுதியில் இனப்பெருக்கம் செய்கிறது.

இது வறண்ட வெப்பமண்டல காடுகளில், குறிப்பாக அகாசியா மற்றும் பரந்த-இலைகள் கொண்ட வனப்பகுதிகள் மற்றும் அடர்த்தியான புதர் நிலங்களில் வாழ்கிறது.

நடத்தை மற்றும் சூழலியல்[தொகு]

கறுந்தலை மாங்குயில் சிறிய பழங்கள் மற்றும் பெரிய பூச்சிகளை உண்ணும். குஞ்சுகளுக்கு பெரும்பாலும் கம்பளிப்பூச்சி உணவாக வழங்கப்படுகிறது.

படங்கள்[தொகு]

மேற்கோள்கள்[தொகு]

வெளி இணைப்புகள்[தொகு]