ஆண்டிபாக்சோசு தீவு
| உள்ளூர் பெயர்: Αντίπαξος or Αντίπαξοι | |
|---|---|
 கிரேக்க நாட்டிலுள்ள ஆண்டிபாக்சோசின் வௌடௌமி கடற்கரை. | |
| புவியியல் | |
| ஆள்கூறுகள் | 39°08′57.40″N 20°13′53.98″E / 39.1492778°N 20.2316611°E |
| நிர்வாகம் | |
ஆண்டிபாக்சோசு (Antipaxos) என்பது கிரேக்க நாட்டிலுள்ள ஒரு சிறிய தீவாகும். பாக்சோசு தீவுக்கூட்டத்திற்கு தெற்கில் மூன்று கிலோமீட்டர் தொலைவில் 5 சதுரகிலோமீட்டர் பரப்பளவு கொண்ட இத்தீவு அமைந்துள்ளது. மேற்கு கிரேக்கத்தின் கோர்பு பிராந்திய அலகிலுள்ள தீவுக்கூட்ட நகராட்சியின் ஓர் அங்கமாக ஆண்டிபாக்சோசு தீவு நிர்வகிக்கப்படுகிறது. 2011 ஆம் ஆண்டு மேற்கொள்ளப்பட்ட மக்கள் தொகை கணக்கெடுப்பின்படி ஆண்டிபாக்சோசு தீவில் 20 மக்கள் வசித்துக் கொண்டிருந்தனர்.[1] தீவெங்கும் திராட்சைத் தோட்டங்கள் பெருமளவில் பயிரிடப்பட்டிருக்கும். ஆன்டிபாக்சோசில் பல கடற்கரைகளும் அக்ராபீடியா என்ற ஒரு துறைமுகமும் உள்ளது.
வெண்மையான மணல் பரப்பைக் கொண்ட விரிக்கா, கூழாங்கற்கள் நிரம்பிய மெசோவிரிக்கா மற்றும் வௌடௌமி என்பன முக்கியமான மூன்று கடற்கரைகளாகும். பாக்சோசு தீவுக்கூட்டத்தில் அமைந்துள்ள காயோசு துறைமுகத்திலிருந்து வாடகை வாகனம் மூலம் 15 நிமிடப் பயணத்தில் ஆன்டிபாக்சோசு தீவை அடையலாம்.
மேற்கோள்கள்[தொகு]
- ↑ "Detailed census results 2011" (xls 2,7 MB). National Statistical Service of Greece இம் மூலத்தில் இருந்து 2013-12-25 அன்று. பரணிடப்பட்டது.. https://web.archive.org/web/20131225194213/http://www.statistics.gr/portal/page/portal/ESYE/BUCKET/General/resident_population_census2011.xls.
புற இணைப்புகள்[தொகு]
