ஆகெலைட்டு

ஆகெலைட்டு Augelite
பொதுவானாவை
வகை	பாசுப்பேட்டு கனிமம்
வேதி வாய்பாடு	Al2(PO4)(OH)3
இனங்காணல்
நிறம்	நிறமற்றது முதல் வெண்மை, மஞ்சள் முதல் வெளிர் ரோசா வரை, பச்சை
படிக இயல்பு	பட்டகம் அல்லது ஊசி வடிவ படிகங்கள் ; திரட்சி
படிக அமைப்பு	ஒற்றைச்சரிவச்சு
பிளப்பு	சரிபிளவு {110}, தெளிவு {201}, தெளிவற்றது {001} மற்றும் {101}
முறிவு	சமமற்றது
விகுவுத் தன்மை	ஈரச்சு
மோவின் அளவுகோல் வலிமை	4 – 4.5
மிளிர்வு	முத்துப் பளபளப்பு {110} பிளவு
கீற்றுவண்ணம்	வெண்மை
ஒளிஊடுருவும் தன்மை	ஒளிபுகும்
ஒப்படர்த்தி	2.696
ஒளியியல் பண்புகள்	ஈரச்சு (+)
ஒளிவிலகல் எண்	nα = 1.574 nβ = 1.576 nγ = 1.588
இரட்டை ஒளிவிலகல்	δ = 0.014
2V கோணம்	அளக்கப்பட்டது: 50°
மேற்கோள்கள்

ஆகெலைட்டு (Augelite) என்பது Al₂(PO₄)(OH)₃ என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். அலுமினியம் பாசுப்பேட்டு கனிமமான இது நிறமற்றது முதல் வெள்ளை, மஞ்சள் அல்லது ரோசா நிறம் வரை மாறுபடும். ஒற்றைச் சரிவச்சுப் படிக அமைப்பில் இக்கனிமம் படிகமாகிறது.

பன்னாட்டு கனிமவியல் சங்கம் ஆகெலைட்டு கனிமத்தை Aul என்ற குறியீட்டால் அடையாளப்படுத்துகிறது.

ஆகெலைட்டு முதன்முதலில் 1868-ஆம் ஆண்டில், சுவீடனின் சுகேனியாவில் அமைந்துள்ள வசுத்தானா இரும்புச் சுரங்கத்தில் காணப்பட்டது. ​​கிறிசுட்டியன் வில்லெம் புளோம்சுட்ராண்ட்டு என்பவரால் விவரிக்கப்பட்டது. மேலும், இதன் முத்து போன்ற பளபளப்பைக் குறிக்கும் வகையில், கிரேக்கச் சொல்லிருந்து கனிமம் தனது பெயரைப் பெற்றது.

பாசுப்பேட்டு கொண்ட பெரலுமினசு படிவுகளின் உருமாற்றச் செயல்முறையின் விளைவாகவும், உயர்-வெப்பநிலை நீர்வெப்பத் தாதுப் படிவுகளிலும் ஆகெலைட்டு கனிமம் காணப்படுகிறது. அட்டகோலைட், சுவான்பெர்கைட்டு, இலாசுலைட்டு, ஏமடைட்டு , திரோலைட்டு, பெர்லிணைட்டு, உரூடைல், பைரோஃபில்லைட்டு, பேரைட்டு, ஆர்சனோபைரைட்டு, இசுடாணைட்டு, பைரைட்டு, அந்தோரைட்டு, காசிட்டரைட்டு மற்றும் சிங்கெலைட்டு ஆகியவற்றுடன் இணைந்து காணப்படுகிறது..