அவுஸ் ஓனர்
| அவுஸ் ஓனர் | |
|---|---|
 சுவரொட்டி | |
| இயக்கம் | லட்சுமி ராமகிருஷ்ணன் |
| தயாரிப்பு | ராமகிருஷ்ணன் கோபாலகிருஷ்ணன் புஷ்கர் மனோகர் ராஜி மாலதி |
| கதை | லட்சுமி ராமகிருஷ்ணன் |
| இசை | ஜிப்ரான் |
| நடிப்பு | கிஷோர் சிறீரஞ்சனி கிஷோர் டி. எஸ் லவ்லின் சந்திரசேகர் |
| ஒளிப்பதிவு | கிருஷ்ண சேகர் டி. எஸ். |
| படத்தொகுப்பு | சி.எஸ். பிரேம் குமார் |
| கலையகம் | மங்கி கிரியேட்டிவ் லேப்ஸ், செவன் வொண்டர்ஸ் மோஷன் பிக்சர்ஸ் |
| வெளியீடு | 28 சூன் 2019 |
| ஓட்டம் | 111 நிமிடங்கள் |
| நாடு | இந்தியா |
| மொழி | தமிழ் |
ஹவுஸ் ஓனர் (House Owner) என்பது 2019 ஆம் ஆண்டு வெளியான ஒரு இந்திய தமிழ் அதிரடி நாடகத் திரைப்படமாகும். இதை லட்சுமி ராமகிருஷ்ணன் எழுதி இயக்கியுள்ளார். மேலும், இவரின் கணவர் ராமகிருஷ்ணன் கோபாலகிருஷ்ணன், மங்கி கிரியேட்டிவ் லேப்ஸ் என்ற பதாகையின் கீழ், செவன் வொண்டர்ஸ் மோஷன் பிக்சர்ஸ் நிறுவனத்துடன் உடன் இணைந்து இப்படத்தைத் தயாரித்துள்ளார். கோவாவில் நடைபெற்ற 2019 இந்திய சர்வதேச திரைப்பட விழாவின் முதன்மை அங்கமான இந்தியன் பனோரமாவில் திரையிடத் தேர்ந்தெடுக்கப்பட்ட 21 இந்தியத் திரைப்படங்களில் ஹவுஸ் ஓனரும் ஒன்றாகும். மேலும், இப்பிரிவில் இடம்பெற்ற ஒரே இரண்டு தமிழ் திரைப்படங்களில் இதுவும் ஒன்றாகும். இப்படத்தில் கிஷோர், ஸ்ரீரஞ்சனி, பசங்க கிஷோர், லவ்லின் ஆகியோர் முக்கிய கதாபாத்திரங்களில் நடித்துள்ளனர். இப்படத்திற்கு எம். ஜிப்ரான் பின்னணி இசையமைத்துள்ளார். [1] [2] இதன்முதன்மைப் படப்பிடிப்பு 2018 சூலை 10 அன்று தொடங்கியது. [2] இப்படம் 2019 சூன் 28 அன்று திரையரங்குகளில் வெளியாகி, விமர்சகர்களிடமிருந்து நேர்மறையான விமர்சனங்களைப் பெற்றது. [3] [4]
கதைக்களம்
[தொகு]முன்னாள் ராணுவ அதிகாரியான வாசுவுக்கு அல்சைமர் என்னும் மறதி நோய் இருப்பது கண்டறியப்படுகிறது. அவரது மாறிவரும் நடத்தையை அவரின் மனைவி ராதா சமாளிக்க வேண்டியிருக்கிறது. ஒருவரையொருவர் ஆழமாக நேசித்த முதிய தம்பதியர் சிக்கல்களை எதிர்கொள்கின்றனர்.
நடிகர்கள்
[தொகு]- கர்னல் பி. கே. வாசுதேவனாக கிஷோர்
- இளம் வாசுவாக கிஷோர் டி. எஸ்
- ராதாவாக சிறீரஞ்சனி (பின்னணிக் குரல் லட்சுமி ராமகிருஷ்ணன்)
- இளம் ராதாவாக லவ்லின் சந்திரசேகர்
- ராதாவின் பாட்டியாக ஆர். சுப்பலட்சுமி
- ராதாவின் தந்தையாக கவிதாலயா கிருஷ்ணன்
- மணியாக சேத்தன்
- கிருஷ்ணமணி வாசுவின் தந்தை கிருஷ்ணமணியாக முரளி மோகன்
தயாரிப்பு
[தொகு]2017-ஆம் ஆண்டில் லட்சுமி ராமகிருஷ்ணன் இப்படம் குறித்த அறிவிப்பை வெளியிட்டார். மேலும், இப்படம் 2015 சென்னை வெள்ளப் பின்னணியில் அமைக்கப்பட்டுள்ளது என்றும் அவர் தெரிவித்தார். [5] 2016-இல் இப்படத்திற்கான திரைக்கதையை எழுதத் தொடங்கியதாக இயக்குநர் தெரிவித்தார். வெள்ளப் பின்னணியில் அமைக்கப்பட்டிருந்தாலும், இப்படம் ஒரு காதல் கதையாக இருக்கக்கூடும் என்று கூறப்படுகிறது. விஜி சந்திரசேகரின் மகளான புதுமுக நடிகை லவ்லின், இப்படத்தில் கதாநாயகியாக நடிக்க ஒப்பந்தம் செய்யப்பட்டார். கிஷோர் இப்படத்தில் கதாநாயகனாக நடிக்க ஒப்பந்தம் செய்யப்பட்டார். மேலும், வீடு தொடர்பான விஷயங்களை அடிப்படையாகக் கொண்ட கடிகார மனிதர்கள் படத்திற்குப் பிறகு, அதே பாணியில் அமைந்த இத்திரைப்படம் அவருக்குத் தொடர்ந்து அமையும் இரண்டாவது படமாகும்.
இப்படத்தை லட்சுமி ராமகிருஷ்ணனின் கணவர் ராமகிருஷ்ணன் கோபாலகிருஷ்ணன் தனது தயாரிப்பு நிறுவனமான மங்கி கிரியேட்டிவ் லேப்ஸ் பதாகையின் கீழ் தயாரித்துள்ளார். [5]
இசை
[தொகு]இப்படத்திற்கான இசையை ஜிப்ரான் அமைத்தார். [6]
| பாடல்கள் | ||||||||||
|---|---|---|---|---|---|---|---|---|---|---|
| # | பாடல் | பாடகர்(கள்) | நீளம் | |||||||
| 1. | "நயனமே நயனமே" | சத்யபிரகாஷ் தர்மர் | 3:55 | |||||||
| 2. | "நீயாகவே" | சின்மயி, சத்யபிரகாஷ் தர்மர் | 4:44 | |||||||
| 3. | "சாயாமல் சாய்கிறேன்" | பென்னி தயாள் | 3:54 | |||||||
மொத்த நீளம்: |
12:33 | |||||||||
வெளியீடு
[தொகு]இப்படம் பல தேசிய திரைப்பட விழாக்களில் பாராட்டைப் பெற்றதுடன், அங்கீகாரங்களையும் பெற்றது. மேலும், இத்திரைப்படம் 'இந்தியன் பனோரமா' பிரிவில் திரையிடப்பட்டது.
அழுகிய தக்காளிகள் இணையதளத்தில், விமர்சனங்களில் 100% விமர்சகர்களின் விமர்சனம் நல்லதாக இருந்தது , சராசரி மதிப்பீடு - 7.3/10.
சிஃபியைச் சேர்ந்த ஒரு விமர்சகர் இந்தப் படத்திற்கு ஐந்து நட்சத்திரங்களில் நான்கு நட்சத்திர மதிப்பீட்டை அளித்து, "ஒட்டுமொத்தமாக, நீங்கள் நல்ல படங்களின் ரசிகராக இருந்தால், ஹவுஸ் ஓனர் நிச்சயமாக நீங்கள் பார்க்க விரும்பும் வகையான படமாகும். இது ஒரு நகர வாழ்க்கையின் இனிமையான, எளிமையான கதை, மனித பலவீனங்களின் கசப்பான இனிமையான கதை, மிகச்சிறிய பட்ஜெட்டில் உருவானாலும், மிகப்பிரம்மாண்டமான இதயத்தைக் கொண்ட ஒரு திரைப்படம். தாராளமாகச் சென்று பாருங்கள்!". [7]
"இப்படத்தின் காட்சிகளின் ஓட்டம் வழக்கமானதாகவும் கணிக்க முடியாததாகவும் இருப்பதால், படத்தின் வகையை மதிப்பிடுவது கடினமாகிறது" என்று டைம்ஸ் ஆஃப் இந்தியா கூறியது. [ சான்று தேவை ]
பிஹைண்ட்வுட்ஸ் கூறுவதன்படி, "'ஹவுஸ் ஓனர்' என்பது பேரிடர் காலங்களில் நிகழும் முதியோர் காதலைப் பற்றிய ஒரு விறுவிறுப்பான, நேர்த்தியாக அரங்கேற்றப்பட்ட ஒரு சித்தரிப்பாகும்." [ சான்று தேவை ]
மேற்கோள்கள்
[தொகு]- ↑ "Top honours for Tamil flicks". Deccan Chronicle (in ஆங்கிலம்). Retrieved 2019-03-16.
- 1 2 June 29 (2019-03-14). "House Owner Review: A Compelling, Classic Chamber Drama". Silverscreen.in (in அமெரிக்க ஆங்கிலம்). Archived from the original on 1 July 2019. Retrieved 2019-03-16.
{{cite web}}: CS1 maint: numeric names: authors list (link) - ↑ S, Srivatsan (2019-06-28). "'House Owner' review: A pleasant, affecting survival drama" (in en-IN). The Hindu. பன்னாட்டுத் தர தொடர் எண்:0971-751X. https://www.thehindu.com/entertainment/movies/house-owner-review-a-pleasant-affecting-survival-drama/article28195167.ece.
- ↑ "House Owner movie review: Lakshmi Ramakrishnan keeps the indie flag flying with a poignant, riveting drama". Firstpost (in ஆங்கிலம்). 2019-06-28. Retrieved 2019-06-28.
- 1 2 admin (2019-06-28). "House Owner movie review: Moving story of unconditional love in the time of calamity". Hindustan Times (in அமெரிக்க ஆங்கிலம்). Retrieved 2018-12-31.
- ↑ "House Owner Songs". spotify. Retrieved 2022-07-04.
- ↑ "House Owner review: A small film with a very big heart. Go for it!". சிஃபி. Archived from the original on 26 June 2019.