அவள் வருவாளா
| அவள் வருவாளா | |
|---|---|
 | |
| இயக்கம் | ராஜ்கபூர் |
| கதை | ஸ்ரீநிவாச சக்கரவர்த்தி |
| திரைக்கதை | ராஜ்கபூர் |
| இசை | எஸ். ஏ. ராஜ்குமார் |
| நடிப்பு | சிம்ரன் சுஜாதா அஜித் குமார் பிரித்வி |
| ஒளிப்பதிவு | கே. பிரசாத் |
| படத்தொகுப்பு | லெனின் & விஜயன் |
| வெளியீடு | 15 மே 1998 |
| ஓட்டம் | 145 நிமிடங்கள் |
| நாடு |  இந்தியா |
| மொழி | தமிழ் |
அவள் வருவாளா (Aval Varuvala) 1998 ல் வெளிவந்த தமிழ்த் திரைப்படம் ஆகும். தெலுங்கில் வெளிவந்த பெள்ளி திரைப்படத்தை மையமாகக் கொண்டு ராஜ்கபூர் இயக்கிய இப்படத்தில் கதாநாயகனாக அஜித் குமாரும், கதாநாயகியாக சிம்ரனும் நடித்துள்ளனர். இத்திரைப்படத்திற்கு எஸ். ஏ. ராஜ்குமார் இசை அமைத்துள்ளார்.
கதைச் சுருக்கம்[தொகு]
மதுரையில் அவரது பாட்டியுடன் வசித்து வரும் அஜித் குமார் (ஜீவா), முதல் பார்வையிலேயே பிடிக்கும் பெண்ணை தான் திருமணம் செய்து கொள்ள வேண்டும் என்கிறார். வங்கி மேலாளராக வேலை கிடைத்த பின்னர் சென்னை செல்லும் அவர், ஒரு பேரங்காடியில் சிம்ரனை (திவ்யா) பார்த்ததும் உடனடியாக காதல் கொள்கிறார். அவரது ஸ்கூட்டரை அடையாளமாக வைத்துக் கொண்டு அவரைத் தேடி அலையும் ஜீவா இறுதியாக நகைச்சுவையாளர்களால் (கவுண்டமணி, செந்தில், வெண்ணிற ஆடை மூர்த்தி, நர்ஸ் டக்கரா, கோவை சரளா) சூழப்பட்ட ஒரு காலனியை அடைகிறார். அவர் தேடி வந்த சிம்ரனின் ஸ்கூட்டர் போல அங்கே நிற்கும் ஸ்கூட்டரை நோட்டமிடும் ஜீவாவை, ஸ்கூட்டர் திருடன் என அந்த காலனி மக்கள் சூழ்ந்து கொள்ள, உடனே ஜீவா வாடகைக்கு வீடு தேட வந்ததாக பொய் சொல்கிறார். திவ்யாவும், அவரது தாயாரும் (ஜானகி) அந்த காலனியில் தான் வசிக்கிறார்கள் என தெரிந்ததும், அங்கே குடியேற சம்மதிக்கிறார்.
ஜீவா அங்கே குடிவந்த பின்னர், திவ்யாவின் மனதை கவர முயற்சி செய்கிறார். இதை அறிந்து கொண்ட நகைச்சுவையாளர் கும்பல் ஜீவா, திவ்யாவின் மனதை கவர ஜீவாவுக்கு உதவுகிறார்கள். அவர்கள் திவ்யாவின் திருமணத்தைப் பற்றி ஜானகியிடம் கேட்க, எனினும், திவ்யா தனக்கு திருமணத்தில் விருப்பம் இல்லை என்று கூறி ஏற்க மறுத்து விட்டார்.
நடிகர்கள்[தொகு]
- அஜித் குமார் - ஜீவா
- சிம்ரன் - திவ்யா
- கவுண்டமணி - தண்டபானி
- செந்தில் - மைக்கேல் ஜாக்சன்
- சுஜாதா - ஜானகி
- பிரித்விராஜ் - பிரித்வி
- வெண்ணிற ஆடை மூர்த்தி
- கோவை சரளா - சாவித்திரி
பாடல்கள்[தொகு]
எஸ். ஏ. ராஜ்குமார் இசையமைத்த இத்திரைப்படத்தின் பாடல்கள் அவர் ஏற்கனவே இசையமைத்த தெலுங்கு திரைப்படத்தின் பாடல்களாகும். இத்திரைப்படத்தின் பாடல்களைக் கவிஞர் பழநிபாரதி எழுதியுள்ளார்.[1]
| எண் | பாடல் | பாடியவர்(கள்) |
|---|---|---|
| 1 | "சிக்கிமுக்கி உய்யாலா" | எஸ். பி. பாலசுப்பிரமணியம், சித்ரா |
| 2 | "இது காதலின் சங்கீதம்" | ஜெயச்சந்திரன் |
| 3 | "காதல் என்ன கண்ணாமூச்சி" | எஸ். பி. பாலசுப்பிரமணியம் |
| 4 | "ஓ வந்தது பெண்ணா" | ஹரிஹரன் |
| 5 | "ருக்கு ருக்கு ருக்குமணி " | மனோ |
| 6 | "சேலையில வீடு கட்டவா" | உன்னிகிருஷ்ணன், சித்ரா |
மேற்கோள்கள்[தொகு]
- ↑ "Aval Varuvala Songs". List of Aval Varuvala Songs. 28 மே 2010 அன்று மூலம் பரணிடப்பட்டது. 27 June 2010 அன்று பார்க்கப்பட்டது.
- 1998 தமிழ்த் திரைப்படங்கள்
- இந்தியத் தமிழ்த் திரைப்படங்கள்
- அஜித் குமார் நடித்துள்ள திரைப்படங்கள்
- சிம்ரன் நடித்த திரைப்படங்கள்
- கவுண்டமணி நடித்த திரைப்படங்கள்
- செந்தில் நடித்த திரைப்படங்கள்
- வெண்ணிற ஆடை மூர்த்தி நடித்த திரைப்படங்கள்
- கோவை சரளா நடித்த திரைப்படங்கள்
- சுஜாதா நடித்த திரைப்படங்கள்
- எஸ். ஏ. ராஜ்குமார் இசையமைத்த திரைப்படங்கள்