அலிரெசா பிரூஜா
| அலிரெசா பிரூஜா | |
|---|---|
.jpg) 2024-இல் பிரூஜா | |
| நாடு | பிரான்சு (ஜூலை 2021–[1][2]) பிடே (திசம்பர் 2019–ஜூலை 2021) ஈரான் (நவம்பர் 2019 வரை [3]) |
| பிறப்பு | 18 June 2003 (வயது 22) பாபோல், மாசாந்தரான் மாகாணம், ஈரான் |
| பட்டம் | கிராண்ட்மாஸ்டர் (2018) |
| பிடே தரவுகோள் | 2804 (திசம்பர் 2021) |
| உச்சத் தரவுகோள் | 2804 (நவம்பர் 2025) |
| தரவரிசை | இல. 2 (திசம்பர் 2021) |
| உச்சத் தரவரிசை | No. 2 (நவம்பர் 2021) |
அலிரெசா பிரூஜா ( Alireza Firouzja, பிறப்பு 18 ஜூன் 2003) ஈரானில் பிறந்த ஒரு பிரெஞ்சு சதுரங்க வீரர் ஆவார். இவர் தனது 12 வயதில் ஈரானிய சதுரங்க வாகையாளர் போட்டியை வென்றார் மற்றும் 14 வயதில் கிராண்ட்மாஸ்டர் பட்டத்தைப் பெற்றார். மேலும் 16 ஆண்டுகள் மற்றும் 1 மாத வயதில் 2700 ஈலோ மதிப்பீட்டை பெற்றார். மேலும் வெய் யீவிற்குப் பிறகு இவ்விலக்கை எட்டிய இரண்டாவது மிக இளைய வீரர் இவர் ஆவார். ஜூன் 2021 இல் அவரது பதினெட்டாவது பிறந்தநாளில் இவர் 2759 ஈலோ மதிப்பீட்டைப் பெற்றார் மற்றும் உலகத் தரவரிசையில் 13வது இடத்தைப் பிடித்தார். நவம்பர் 2021 இல், இவர் பிடே கிராண்ட் சுவிஸ் போட்டியை வென்றார். இதன்மூலம் இவர் சதுரங்க வேட்பாளர்கள் போட்டி 2022-க்கு தகுதி பெற்றார்.
ஈரானிய அரசு, ஈரானியர்கள் இஸ்ரேலியர்களுக்கு எதிராக விளையாடவதை தடை செய்யும் நோக்கில், 2019 உலக ரேபிட் மற்றும் பிளிட்ஸ் வாகையாளர் போட்டிகளிலிருந்து தனது வீரர்களை விலக்கிக் கொண்டது. இதனால் டிசம்பர் 2019 இல், இனி ஈரானியக் கொடியின் கீழ் விளையாட மாட்டேன் என பிரூஜா அறிவித்தார். 2019 முதல், பிரூஜா பிரான்சில் வசித்து வருகிறார். மேலும் 2021 முதல், பிரெஞ்சு கொடியின் கீழ் விளையாடி வருகிறார்.
ஆரம்ப கால வாழ்க்கை
[தொகு]பிரூஜா 18 ஜூன், 2003 அன்று ஈரானின் பாபோலில் பிறந்தார்.[4] எட்டாவது வயதில் சதுரங்கம் விளையாட ஆரம்பித்தார்.[5] 2019 இல், பிரூஜாவும் இவரது குடும்பத்தினரும் ஈரானை விட்டு வெளியேறி பிரான்சுக்கு குடிபெயர்ந்தனர்.[3][6] இவர் பிரெஞ்சு குடியுரிமைக்கு விண்ணப்பித்து ஜூலை 2021 இல் குடியுரிமை பெற்றார்.[1][2]
மேற்கோள்கள்
[தொகு]- ↑ 1.0 1.1 "Alireza Firouzja est désormais français !". echecs.asso.fr/. Retrieved 10 July 2021.
- ↑ 2.0 2.1 McGourty, Colin. "Alireza Firouzja is now the French no. 1". chess24.com. Retrieved 10 July 2021.
- ↑ 3.0 3.1 "Chess: Iran's Alireza Firouzja, 16, bypasses ban on playing Israelis". The Guardian.
- ↑ Cmiel, Thorsten (12 June 2018). "Im Fokus: Alireza Firouzja" (in German). ChessBase.
{{cite web}}: CS1 maint: unrecognized language (link) - ↑ Shah, Sagar (9 September 2018). "The story of Alireza Firouzja narrated by his father". ChessBase India.
Shah: So he started playing chess at eight? Hamidreza: Yes, yes.
- ↑ Iranian teen shocks chess grandmaster Magnus Carlsen to win $14,000 prize, CNN, 17 April 2020