அலங்காநல்லூர் ஜல்லிக்கட்டு
அலங்காநல்லூர் ஜல்லிக்கட்டு என்பது தமிழ்நாட்டில் மதுரை மாவட்டத்தில் உள்ள அலங்காநல்லூர் கிராமத்தில் ஆண்டு தோறும் நடைபெறும் ஜல்லிக்கட்டு என்றழைக்கப்படும் மாடு பிடிக்கும் வீர விளையாட்டு ஆகும். அலங்காநல்லூர் ஜல்லிக்கட்டு விளையாட்டில் உள்ள விறுவிறுப்பின் காரணமாகவும் ஊடகங்கள் மற்றும் தமிழ்த் திரைப்படங்களின் மூலமும் உலக அளவில் பிரபலமாக உள்ளது.
வரலாறு
சங்க இலக்கியமான கலித்தொகை
கொல்லேற்றுக் கோடஞ்சுவானை மறுமையும்
புல்லாளே ஆய மகள்[1]
என்றுரைக்கிறது. அதற்கு நச்சினார்க்கினியர் எழுதும் உரை: "கூடிக் கொல்லுகின்ற ஏற்றினுடைய (காளையினுடைய) கோட்டிற்கு (கொம்புக்கு) அஞ்சும் பொதுவனை மறு பிறப்பினும் ஆயர் மகள் தழுவாள்." என்பதாகும்.
பண்டைக்காலத்தில் ஐந்திணை நிலங்களுள் ஒன்றாகிய முல்லை நிலத்தின் ஆயர்/யாதவர் மக்களிடம் ஏறு தழுவுதல் நடைபெற்று வந்தது. ஆயர் குல வாலிபர்கள் ஊரார் முன்னிலையில் காளையை அடக்குவர். வெற்றி பெற்ற இளைஞர்களில் மனம் கவர்ந்தவனுக்கு மாலை சூட்டுவாள் ஆயர் குலப்பெண்.[2]. 50 ஆண்டுகளுக்கு முன்பு புழக்கத்தில் இருந்த 'சல்லி காசு' என்னும் இந்திய நாணயங்களைத் துணியில் வைத்து மாட்டின் கொம்புகளில் கட்டிவிடப்படும் பழக்கம் இருந்தது. மாட்டை அணையும் வீரருக்கு அந்தப் பணமுடிப்பு சொந்தமாகும். இந்தப் பழக்கம் பிற்காலத்தில் 'சல்லிகட்டு' என்று மாறியது. பேச்சு வழக்கில் அது திரிந்து 'ஜல்லிக்கட்டு' என்று ஆனது.
போட்டி விவரங்கள்
ஒவ்வொரு ஆண்டும் தை மூன்றாம் நாளில் இப்போட்டி நடைபெறுகிறது.
| ஆண்டு | சுற்றுகள் | முதலிடம் | இரண்டாமிடம் | மூன்றாமிடம் | குறிப்புகள் |
|---|---|---|---|---|---|
| 2022 | 8 சுற்றுகளில் 1020 மாடுகள் அவிழ்த்துவிடப்பட்டன, 415 மாடுபிடி வீரர்கள் கலந்து கொண்டனர்[3] | கருப்பாயூரணி கார்த்திக் (21 காளைகள்) | அலங்காநல்லூர் ராம்குமார் (18 காளைகள்) | சித்தாலங்குடி கோபாலகிருஷணன் (13 காளைகள்) | காவலர்கள் 16 நபர்களும் மாட்டு உரிமையாளர்கள் 11 நபர்களும், மாடுபிடி வீரர்கள் 19 நபர்களும் காயமடைந்தனர்.[4] |
| 2023 | 10 சுற்றுகளில் சுமார் 303 மாடுபிடி வீரர்களும் 825 காளைகளும் கலந்துகொண்டனர்.[5] | பூவந்தி அபி சித்தர் (26 காளைகள்) | ஏனாதி அஜய் (20 காளைகள்) | அலங்காநல்லூர் ரஞ்சித் (12 காளை) | |
| 2024 | 1200 காளைகளுக்கும், 700 மாடுபிடி வீரர்களுக்கும் கலந்து கொண்டனர். 10 சுற்றுகள் நடைபெற்றன.[6] | கருப்பாயூரணி கார்த்தி (18 காளைகள்) | பூவந்தி அபிசித்தர் (19 காளைகள்) | குன்னத்தூர் திவாகர் (12 காளைகள்) | மேலூர் குணாவின் காளை சிறந்த காளையாகப் பரிசு பெற்றது.[7] |
| 2025 | சுமார் 930 காளைகள் அவிழ்க்கப்பட்டன. 350 வீரர்கள் அனுமதிக்கப்பட்டனர். 9 சுற்றுகள் நடைபெற்றன.[8] | பூவந்தி அபிசித்தர் (20 காளைகள்) | பொதும்பு ஸ்ரீதர் (14 காளைகள்) | மடப்புரம் விக்னேஷ் (10 காளைகள்) | 17 மாடுபிடி வீரர்கள் உட்பட 50 பேர் காயம் அடைந்தனர் |
| 2026 | 1,100 காளைகளும், ஏறத்தாழ 600 மாடுபிடி வீரர்களும் கலந்துகொண்டனர். 10 முதல் 12 சுற்றுகள் நடைபெற்றன.[9] | கருப்பாயூரணி கார்த்தி (19 காளைகள்) | பூவந்தி அபிசித்தர் (16 காளைகள்) | பாசிங்காபுர ஸ்ரீதர் (11 காளைகள்) | ஏவிஎம் பாலாவின் காளை முதல் சிறந்த காளையாகவும் புதுக்கோட்டை தமிழ்செல்வனுடைய காளை இரண்டாவது சிறந்த காளையாகவும் மதுரை கென்னடியுடைய காளை மூன்றாவது சிறந்த காளையாகவும் பரிசு பெற்றன. |
மேற்கோள்கள்
- ↑ கலித்தொகை, முல்லைக் கலி, பாடல் 103, வரிகள் 63-64
- ↑ மலைபடுகடாம் 330-335, முதல் ஏழு முல்லைக்கலிப் பாடல்களில் ஆறாம் பாடலைத் தவிர மற்ற பாடல்கள்
- ↑ "அலங்காநல்லூரில் சீறிப் பாய்ந்த 1020 காளைகள்; அனல் பறக்கும் புகைப்படங்கள்!". விகடன். https://www.vikatan.com/news/tamilnadu/live-updates-on-alanganallur-jallikattu-17-01-2022. பார்த்த நாள்: 18 January 2023.
- ↑ "நிறைவுபெற்ற அலங்காநல்லூர் ஜல்லிக்கட்டு: 21 காளைகளை பிடித்து கார்த்திக் என்பவர் முதலிடம்". புதியதலைமுறை. https://www.puthiyathalaimurai.com/newsview/127268/Youngster-Manikandan-gets-first-prize-in-Alanganallur-Jallikattu. பார்த்த நாள்: 18 January 2023.
- ↑ "அலங்காநல்லூர் ஜல்லிகட்டு நிறைவு; 26 காளைகளை பிடித்து அபி சித்தர் முதல் பரிசு". நியூஸ்7. https://news7tamil.live/alankanallur-jallikattu-completion-abhi-siddar-won-the-first-prize-by-catching-26-bulls.html?utm=thiral. பார்த்த நாள்: 18 January 2023.
- ↑ "Jallikattu 2024: அலங்காநல்லூர் ஜல்லிக்கட்டு! 18 காளைகளை அடக்கி முதலிடத்தை தட்டித் தூக்கிய கருப்பாயூரணி கார்த்தி!". ஏபிபி லைவ். https://tamil.abplive.com/news/tamil-nadu/karthi-from-karuppayurani-won-first-place-in-alanganallur-jallikattu-by-taming-18-bulls-162263. பார்த்த நாள்: 18 January 2026.
- ↑ "அனல் பறக்கும் அலங்காநல்லூர் ஜல்லிக்கட்டு... காளைகளுடன் மல்லுக்கட்டும் காளையர்கள்". தினத்தந்தி. https://www.dailythanthi.com/News/State/the-world-famous-alanganallur-jallikattu-has-started-1090227. பார்த்த நாள்: 18 January 2026.
- ↑ "உலகப்பிரசித்தி பெற்ற அலங்காநல்லூர் ஜல்லிக்கட்டு; பரிசுகளை தட்டிச் சென்றது யார்?". புதிய தலைமுறை. https://www.puthiyathalaimurai.com/tamilnadu/alanganallur-jallikattu-2025. பார்த்த நாள்: 18 January 2026.
- ↑ "அலங்காநல்லூர் ஜல்லிக்கட்டு நிறைவு- 19 காளைகளை அடக்கி கார்த்தி முதலிடம்". மாலைமலர். https://www.maalaimalar.com/news/tamilnadu/alanganallur-jallikattu-concludes-karthi-takes-first-place-after-taming-19-bulls-805634?utm=thiral. பார்த்த நாள்: 18 January 2026.