அருண் பாண்டியன்
அருண் பாண்டியன் | |
|---|---|
| சட்டமன்ற உறுப்பினர் | |
| பதவியில் 11 மே 2011 – 11 மே 2016 | |
| முன்னையவர் | எம். வி. ஆர். வீர கபிலன் |
| பின்னவர் | எம். கோவிந்தராசு |
| தொகுதி | பேராவூரணி சட்டமன்றத் தொகுதி |
| தனிப்பட்ட விவரங்கள் | |
| பிறப்பு | அருண் பாண்டியன் செல்லையா 13 சூலை 1958 மட்டக்களப்பு, இலங்கை மேலாட்சி |
| துணைவர் | விஜயா |
| பிள்ளைகள் | கீர்த்தி பாண்டியனுடன் சேர்த்து மூன்று மகள் |
| உறவினர் | ரம்யா பாண்டியன் (அண்ணன் மகள்), அசோக் செல்வன் (மருமகன்) |
| பணி | நடிகர், இயக்குநர், தயாரிப்பாளர், அரசியல்வாதி |
அருண் பாண்டியன் (Arun Pandian) என்பவர் தமிழ்த் திரைப்பட நடிகரும் அரசியல்வாதியும் ஆவார். இவருடைய தந்தை முன்னாள் இராணுவ வீரர்.[1] தமிழில் விகடன், போன்ற பல்வேறு திரைப்படங்களை இயக்கிய அருண்பாண்டியன் தற்போது ஐங்கரன் பட நிறுவனத்தை நடத்தி வருகிறார். 2011-இல் பேராவூரணி சட்டமன்ற உறுப்பினராக இருந்தார்.[2][3][4][5] தென்னிந்தியத் திரைப்பட நிதியாளர் சங்கத்தின் (சிஃபா) செயலாளராகவும், தென்னிந்தியத் திரைப்பட ஏற்றுமதியாளர் சங்கத்தின் (சிஃபியா) தலைவராகவும் உள்ளார்.
அரசியல்
[தொகு]அருண்பாண்டியன் 2011-இல் தமிழ்நாடு சட்டப் பேரவைத் தேர்தலில் தேசிய முற்போக்கு திராவிட கழகம் (தே.மு.தி.க) வேட்பாளராக பேராவூரணித் தொகுதியில் போட்டியிட்டபின் சட்டமன்ற உறுப்பினராகத் தேர்ந்தெடுக்கப்பட்டார். 2016 பெப்ரவரி 21 அன்று அருண் பாண்டியனும், ஒன்பது சட்டமன்ற உறுப்பினரும் மாநிலச் சட்டமன்றத் தேர்தலுக்கு முன்னர் இராஜினாமா செய்தனர். 2016 பெப்ரவரி 25 அன்று அ. தி. மு. க கட்சியின் பொதுச் செயலாளர், அப்போதைய தமிழ்நாட்டு முதலமைச்சர் ஜெ. ஜெயலலிதா முன்னிலையில் (அஇஅதிமுக)வில் இணைந்தார்.
குடும்பமும், கல்வியும்
[தொகு]அருண்பாண்டியன் ஓய்வு பெற்ற இளம் பேரரையர் டி. பி. செல்லையா என்பவரின் மகனாவார். தற்போது திருநெல்வேலியில் வசிக்கிறார். இவருடைய மறைந்த அண்ணன் சி. துரை பாண்டியன் இயக்கிய ஊழியன் திரைப்படத்தில் அருண் பாண்டியன் முதன்மைக் கதாபாத்திரத்தில் நடித்தார். இவருக்கு கவிதா பாண்டியன், கிரானா பாண்டியன், கீர்த்தி பாண்டியன் என்ற மூன்று மகள்கள் உள்ளனர். அருண்பாண்டியன் சென்னைப் பல்கலைக்கழகத்தில் பொருளியலில் இளங்கலைப் பட்டம் படித்தார். இவருடைய மகள் கீர்த்தி பாண்டியனும், இவருடைய அண்ணன் மகள் இரம்யா பாண்டியனும் நடிகையராகப் பணியாற்றி வருகின்றனர்.
நடித்த திரைப்படங்கள்
[தொகு]- தமிழ்த் திரைப்படங்கள்
| ஆண்டு | திரைப்படம் | கதாபாத்திரம் | குறிப்புகள் |
|---|---|---|---|
| 1982 | இளஞ்சோடிகள் | ||
| 1985 | சிதம்பர ரகசியம் | அருண் | |
| 1986 | ஊமை விழிகள் | விஜய் | |
| 1987 | விலங்கு | பாபு | |
| ஊர்க்குருவி | வசந்த் | ||
| 1990 | இணைந்த கைகள் | மேஜர் டேவிட் குமார் | |
| 1991 | அதிகாரி | துரைப்பாண்டி | கஸ்டம் ஆபிசர் என்று தெலுங்கில் மொழிமாற்றம் செய்யப்பட்டது. |
| 1992 | கோட்டை வாசல் | வேலு, செந்தூரப்பாண்டி | இரட்டை வேடம் |
| 1993 | முற்றுகை | பாலகிருஷ்ணன் | இலட்சியம் என்று தெலுங்கில் மொழிமாற்றம் செய்யப்பட்டது. |
| 1994 | ஊழியன் | திலகன் | இண்டியன் சிட்டிசன் என்று தெலுங்கில் மொழிமாற்றம் செய்யப்பட்டது. |
| 1995 | அசுரன் | டிஎஸ்பி பிரசாத் | காமேண்டோ என்று தெலுங்கில் மொழிமாற்றம் செய்யப்பட்டது. |
| ராஜ முத்திரை | இராஜ்குமார் ஐபிஎஸ் | ||
| 1996 | தாயகம் | பயில்வான் | விருந்தினர் தோற்றம் |
| ஆவதும் பெண்ணாலே அழிவதும் பெண்ணாலே | டிசிபி அந்தோனி ஐபிஎஸ் | அதிகாரி என்று தெலுங்கில் மொழிமாற்றம் செய்யப்பட்டது. | |
| துறைமுகம் | ஜானி | ||
| 1997 | ரோஜா மலரே | அருண் | |
| கடவுள் | தமிழரசன் | சக்தி என்று தெலுங்கில் மொழிமாற்றம் செய்யப்பட்டது. | |
| 1998 | ஆசை தம்பி | வினோத் | |
| உரிமைப் போர் | ஏசிபி இராஜா யேசு முகமது | ||
| 1999 | சிவன் | ஏசிபி அலெக்ஸ் ஐபிஎஸ் | |
| 2000 | இண்டிபெண்டன்சு டே | எஸ்பி சுபாஷ் ஐபிஎஸ் | |
| வீரநடை | கோட்டைசாமி | ||
| புரட்சிக்காரன் | அன்பு | ||
| 2001 | ரிஷி | சத்யன் | |
| காற்றுக்கென்ன வேலி | விடுதலைப்புலிகளின் போர்வீரன் | ||
| 2002 | தேவன் | அலெக்ஸ் தேவன் (ஜாக்சன்) | இயக்குநராகவும் |
| 2003 | விகடன் | ஆய்வாளர் செல்வக்குமார் | இயக்குநராகவும் |
| 2006 | திருப்பதி | ஏசிபி முரளி | |
| கோவை பிரதர்ஸ் | ஞானசேகரன் | ||
| 2008 | இன்பா | மல கணேசன் | |
| மதுரை பொண்ணு சென்னை பையன் | விசாவின் மாமா | ||
| 2010 | தம்பி அர்ச்சுனா | முதலமைச்சர் | |
| விருதகிரி | பிராங்கிளின் வில்லியம்ஸ் | ||
| 2015 | சவாலே சமாளி | அவராகவே | கௌரவத் தோற்றம் |
| 2021 | அன்பிற்கினியாள் | சிவம் | |
| 2022 | ஆதார் | யூசூப் | |
| டிரிகர் | எஸ்ஐ சத்தியமூர்த்தி | ||
| 2024 | அதோமுகம் | இந்திரஜித் | |
| டிமாண்டி காலனி 2 | இரிச்சர்ட்டு | ||
தயாரிப்பாளராக
[தொகு]| ஆண்டு | திரைப்படம் | மொழி |
|---|---|---|
| 1988 | செந்தூரப்பூவே | தமிழ் |
| 1992 | காவியத் தலைவன் | |
| 2002 | தேவன் | |
| 2003 | விகடன் | |
| 2008 | ஏகன் | |
| 2009 | சர்வம் | |
| பேராண்மை | ||
| வில்லு | ||
| 2010 | அங்காடித் தெரு | |
| நந்தலாலா | ||
| 2012 | முரட்டுக் காளை | |
| 2015 | சவாலே சமாளி | |
| 2017 | களவாடிய பொழுதுகள் | |
| 2018 | ஜூங்கா | |
| 2021 | அன்பிற்கினியாள் | |
விநியோகஸ்தராக
[தொகு]- சக்க போடு போடு ராஜா (2017)
- வேலைக்காரன் (2017)
- மாயவன் (2017)
- சர்கார் (2018)
- விசுவாசம் (2019)
- ரோமியோ (2024)
திரைக்கதை எழுத்தாளராக
[தொகு]- ஊழியன் (1993)
மேற்கோள்கள்
[தொகு]- ↑ http://www.elections.tn.gov.in/Affidavits/177/C.ARUNPANDIAN.pdf[தொடர்பிழந்த இணைப்பு]
- ↑ http://www.jointscene.com/artists/Kollywood/Arun_Pandian/1643
- ↑ The Hindu : States / Tamil Nadu : Two more DMDK MLAs meet Jayalalithaa
- ↑ "காப்பகப்படுத்தப்பட்ட நகல்" (PDF). Archived from the original (PDF) on 2014-01-14. Retrieved 2015-12-10.
- ↑ "காப்பகப்படுத்தப்பட்ட நகல்" (PDF). Archived from the original (PDF) on 2013-04-02. Retrieved 2015-12-10.