அருணாச்சலம் முருகானந்தம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
அருணாச்சலம் முருகானந்தம்
பிறப்பு 1962 (அகவை 53–54)
பணி கண்டுபிடிப்பாளர்
அமைப்பு(கள்) ஜெயஸ்ரீ இண்டஸ்ட்ரீஸ்
சொந்த ஊர் கோயம்புத்தூர், தமிழ்நாடு, இந்தியா
வலைத்தளம்
newinventions.in

அருணாச்சலம் முருகானந்தம் (Arunachalam Muruganantham, பிறப்பு:1962) கோவை ஊரகப் பகுதியைச் சேர்ந்த ஓர் கண்டுபிடிப்பாளர் ஆவார். சிற்றூர்களில் மாதவிடாய்க் காலங்களில் பெண்கள் கடைபிடிக்கும் சுகாதாரமற்ற தூய்மைக்குறைவான செயல்முறைகளைக் களைய மலிவான தீர்வைக் காண வேண்டியத் தேவையை வெளிப்படுத்தியவர். வணிகமுறையில் தயாரிக்கப்படும் விடாய்க்கால அணையாடைகளை விட மூன்றில் ஒரு பங்கு விலையில் தயாரிக்கக்கூடிய இயந்திரத்தைக் கண்டுபிடித்து அதற்கான காப்புரிமை பெற்றவர். ஜெயஸ்ரீ இண்டஸ்ட்ரீஸ் என்ற நிறுவனத்தை நிறுவி அணையாடைகளை தயாரித்து வருகிறார். வணிக நோக்கின்றி சேவை மனப்பான்மையுடன் இந்த இயந்திரத்தை கண்டுபிடித்ததற்காக இந்திய அரசு இவருக்கு பத்மசிறீ விருது வழங்கியுள்ளது. [1]

வாழ்க்கைக் குறிப்பு[தொகு]

முருகானந்தம் பிறந்த ஆண்டு 1962. இவரது பெற்றோர்கள் அருணாச்சலம், வனிதா ஆவர். அவர்கள் கோயம்புத்தூரில் கைத்தறி நெசவுத் தொழில் செய்துவந்தனர். இவரது தந்தை ஒரு விபத்தில் மரணமடைந்ததால் வறுமையில் வாழ நேரிட்டது[2]. தனது 14 ஆவது அகவையில் பள்ளிக்குச் செல்வதை நிறுத்தி விட்டு, பல சிறுசிறு வேலைகளைச் செய்து தனது குடும்பத்தைப் பராமரிக்க வேண்டிய நிலைக்கு ஆளானார்[2].

வரலாறு[தொகு]

பன்னாட்டு நிறுவனங்களால் தயாரிக்கப்படும் அணையாடைகளை வாங்கவியலாத தமது குடும்பச்சூழலில் தமது மனைவி விடாய்க் காலத்தில் பயன்படுத்தப் பழைய துணித் துண்டுகளைச் சேகரிப்பதை கண்ட அருணாசலம் முருகானந்தம் இதற்கான எளிய வழிமுறையை காண விழைந்தார்.[3][4] பிரச்சினையை சரியாக அறிந்துகொள்ளப் பல சோதனைகளை மேற்கொண்டார். துவக்கத்தில் பருத்தியாலான அணையாடைகளைத் தயாரித்தார். ஆனால் அவற்றை அவரது மனைவியும் சகோதரிகளும் ஏற்புடையதாக இல்லை என நிராகரித்து விட்டதோடு அவரது புதிய சோதனைமுயற்சிகளுக்கு இணங்கவும் மறுத்து விட்டனர். மூலப்பொருளுக்காகும் செலவைவிட (10 பைசா-$0.002), 40 மடங்கு அதிகமான விலைக்கு ஒரு அணையாடையின் விற்பனை விலையிருப்பதைக் கண்டார்.[5] மாதவிடாய் குறித்து வெளிப்படையாகப் பேசுவது தவறு என்ற மனப்பான்மை மக்களிடையே நிலவியதால், அவர் கண்டுபிடிக்கும் புதிய அணையாடையைப் பயன்படுத்தி, அதன் நிறைகுறைகளைப் பற்றி அவரிடம் சொல்வதற்கு பெண்கள் எவரும் முன்வரவில்லை. இதனால் விலங்குகளின் இரத்தத்தைக் கொண்டு இவர் தனக்குத்தானே நிகழ்த்திய சில சோதனைகளால் குடும்பத்தாராலும் சமூகத்தாலும் வெளித்தள்ளப்பட்டார்.[6][7]

இறுதியில் மரச் சக்கை சரியானத் தீர்வாக அமையும் எனக் கண்டார். வணிக அணையாடைகளில் பயன்படுத்தப்படுவது பைன் மரப்பட்டையின் மரக்கூழிலிருந்து பெறப்பட்ட மாவிய இழை என்பதைக் கண்டறிய அவருக்கு இரு ஆண்டுகளாயின[8]. அணையாடைகள் இரத்தப்போக்கை உறிஞ்சும்போது அவற்றின் வடிவமைப்பு மாறாமல் அவ்விழைகள் காத்தன.[2] வெளிநாடுகளிலிருந்து இறக்குமதி செய்யப்படும் இயந்திரத்தின் விலை 35 மில்லியன் இந்திய ரூபாயாக இருந்தது.[9] மலிவான விலையில் எளிய முறையில் குறைந்த பயிற்சியுடன் அணையாடைகளைத் (Napkin) தயாரிக்கக் கூடிய ஓர் இயந்திரத்தை கண்டுபிடித்தார்.[10] முறைப்படுத்தப்பட்ட பைன் மரக்கூழை மும்பையிலிருந்து தருவித்தார். இயந்தரத்தில் அக்கூழைப் பல்வித செயற்முறைக்குட்படுத்தி அணையாடை தயாரிக்கப்படுகிறது.[11] இந்த இயந்திரத்தின் விலை 65,000 இந்திய ரூபாய் ஆகும்.[12]

கண்டுபிடிப்பு[தொகு]

அணையாடைகளைத் (Napkin) தயாரிக்க, முருகானந்தம் ஜெயஸ்ரீ இண்டஸ்ட்ரீஸ் என்ற நிறுவனத்தை நிறுவி இந்த இயந்திரங்களை இந்தியா முழுமையிலுமுள்ள ஊரகப் பெண்களுக்கு விற்று வருகிறார். இதன்மூலம் அவர்கள் வேலை வாய்ப்புப் பெற்று வறுமையிலிருந்து மீள்கின்றனர்.[13] இவரது எளிய மற்றும் விலைத்திறன் மிக்க கண்டுபிடிப்பிற்காகவும் சமூகத்திற்கு இவராற்றும் தொண்டிற்காகவும் பல விருதுகளைப் பெற்றுள்ளார்.[6] இவரது முயற்சியை வணிகமயமாக்க பல நிறுவனங்கள் முன்வந்தபோதும் இவர் விற்பதற்கு மறுப்பதுடன் மகளிர் தன்னுதவிக் குழுக்களுக்கு வழங்கி வருகிறார்.[14]

இந்தியப் பெண்களின் வாழ்க்கை மேம்பாட்டில் ஒரு முக்கிய மைல்கல்லாக முருகானந்தத்தின் கண்டுபிடிப்பு கருதப்படுகிறது.[15][16] பெண்களுக்கு வேலை வாய்ப்பளித்து அவர்களின் பொருளாதார வளர்ச்சிக்கு இவரது கண்டுபிடிப்பு வழிவகுத்துள்ளது. மேலும் தரமான அணையாடையைப் பயன்படுத்துவதால், மாதவிடாய் காலத்தில் பெண்கள் அன்றாட வாழ்வில் இயல்பாக இயங்கவும் முடிகிறது. [17] இவரது வெற்றி, பிற தொழில்முனைவோரையும் இத்துறையில் இறங்க ஊக்கப்படுத்தியுள்ளது. இவர்கள், பயன்படுத்தப்பட்ட வாழைநார் அல்லது மூங்கிலை மாற்று மூலப்பொருளாகப் பயன்படுத்து முயற்சிக்கின்றனர்[18] [16]

பாராட்டு[தொகு]

அமெரிக்காவிலிருந்து வெளியாகும் ‘டைம்’ வார இதழ், உலகில் அதிக செல்வாக்கு மிக்க மனிதர்கள் பட்டியலில் இவரை இணைத்துள்ளது.[19]. [20].

சான்றுகோள்கள்[தொகு]

  1. "கோவையைச் சேர்ந்த சமூக சேவகருக்கு பத்மஸ்ரீ விருது". தினமணி (26 சனவரி 2016). பார்த்த நாள் 28 சனவரி 2016.
  2. 2.0 2.1 2.2 National Innovation Foundation. "A. Muruganantham (profile)". http://www.nif.org.in/awards/awardprofile-details.php?profile_id=10&page=1&award_function_id=-1&st_id=22. பார்த்த நாள்: 24 Apr 2014. 
  3. "India's champion for affordable feminine hygiene". பார்த்த நாள் 30 June 2015.
  4. Sandhana, Lakshmi. "An Indian Inventor Disrupts The Period Industry". Fast Company. பார்த்த நாள் 18 August 2012.
  5. "The Indian sanitary pad revolutionary". BBC News. பார்த்த நாள் 4 March 2014.
  6. 6.0 6.1 Buncombe, Andrew (29 June 2012). "The 'Tampon King' who sparked a period of change for India's women". The Independent. பார்த்த நாள் 18 August 2012.
  7. Letitia Rowlands (14 March 2014). "One man's mission to improve women's lives". Ministry of External Affairs, Govt of India. http://www.mea.gov.in/bilateral-documents.htm?dtl/23081/One+mans+mission+to+improve+to+womens+lives. 
  8. PC Vinoj Kumar, (29 August 2009). "The Pad That Does Not Whisper". Tehelka. http://archive.tehelka.com/story_main42.asp?filename=cr290809the_pad.asp. 
  9. "TED Bangalore talk by A. Muruganantham". பார்த்த நாள் 30 June 2015.
  10. Foxx-Gonzalez, Kellie (29 June 2012). "Tampon King". The Mary Sue. பார்த்த நாள் 18 August 2012.
  11. "New Inventions: Jayaashree Industries". பார்த்த நாள் 18 August 2012.
  12. Akila Kannadasan (13 February 2012). "A man in a woman's world". The Hindu. http://www.thehindu.com/features/metroplus/society/a-man-in-a-womans-world/article2875390.ece. 
  13. Kumar, Vikas (18 January 2012). "Blood, sweat & a few tears: Arunachalam Muruganantham's lessons for consumer product firms". The Economic Times. பார்த்த நாள் 18 August 2012.
  14. Sandhana, Lakshmi (21 January 2012). "India's women given low-cost route to sanitary protection". The Guardian. பார்த்த நாள் 18 August 2012.
  15. Ramdoss, Santhosh (31 January 2012). "Enabling Access through Low-cost Sanitary Pads: Jayashree Industries". Think Change India. பார்த்த நாள் 18 August 2012.
  16. 16.0 16.1 "Social entrepreneurship in India : Cut from a different cloth". The Economist. 14 September 2013. http://www.economist.com/news/business/21586328-building-business-around-solving-chronic-female-health-care-problem-cut-different. 
  17. Baker, Katie J.M. (29 June 2012). "Meet India’s ‘Tampon King’". Jezebel. பார்த்த நாள் 18 August 2012.
  18. "Promoting hygiene". பார்த்த நாள் 14 September 2013.
  19. http://time.com/70861/arunachalam-muruganantham-2014-time-100/
  20. "'டைம்' பட்டியலில் இடம்பிடித்த முருகானந்தம்". பார்த்த நாள் 26 ஏப்ரல், 2014.

வெளி இணைப்புகள்[தொகு]