அயர்லாந்துப் பெண்கள் துடுப்பாட்ட அணி (Ireland women's cricket team) பன்னாட்டுத் துடுப்பாட்டப் போட்டிகளில் அயர்லாந்தைப் பிரதிநிதித்துவப்படுத்துகிறது. இந்த அணி வடக்கு அயர்லாந்து, அயர்லாந்து குடியரசு ஆகிய இரண்டையும் குறிக்கிறது.
அயர்லாந்து 1987-ஆம் ஆண்டில் ஆஸ்திரேலியாவிற்கு எதிராக தனது ஒருநாள் பன்னாட்டுப் போட்டிகளில் அறிமுகமானது. அடுத்த ஆண்டில் 1988 உலகக் கோப்பையில் விளையாடியது. 2000-ஆம் ஆண்டில், தேர்வுப் போட்டியில்பாக்கித்தான் பெண்கள் துடுப்பாட்ட அணியைத் தோற்கடித்தது. அயர்லாந்து தற்போதுவரை உலகக் கோப்பைக்குத் தகுதி பெறவில்லை. இருப்பினும், இந்த அணி ஐ.சி.சி உலக இருபதுக்கு 20 , 2014, 2016 ஆகிய இரண்டு தொடர்களுக்குத் தகுதி பெற்றுள்ளது. திசம்பர் 2018- இல், அயர்லாந்துத் துடுப்பாட்ட வாரியம் முதன் முறையாகப் பெண் வீரர்களுக்குத் தொழில்முறை ஒப்பந்தங்களை வழங்கியது. [7]
2020 டிசம்பரில் இந்த அணியை, ஐ.சி.சி 2023-ஆம் ஆண்டிற்கான ஐ.சி.சி பெண்கள் இருபது20 உலகக் கிண்ணத்திற்குத் தகுதி பெற்றதாக அறிவித்தது.[8] 2021 ஐ.சி.சி மகளிர் டி 20 உலகக் கோப்பை ஐரோப்பா தகுதிச்சுற்றில் பிராந்தியக் குழுவில் அயர்லாந்து பெயரிடப்பட்டது.[9]