அமிர்தா விஸ்வ வித்யாபீடம்

கட்டற்ற கலைக்களஞ்சியமான விக்கிப்பீடியாவில் இருந்து.
(அம்ரிதா விசுவ வித்யாபீடம் இலிருந்து வழிமாற்றப்பட்டது)
Jump to navigation Jump to search
அமிர்தா விஷ்வ வித்யாபீடம்
अमृत विश्वविद्यापीठम्
குறிக்கோளுரைசமக்கிருதம்: श्रद्धावान् लभते ज्ञानम्
சிரத்தவான் லபதே ஞானம்
(பகவத் கீதையிலிருந்து, அத்தியாயம் 4, பாடல் 39)
ஆங்கிலத்தில் குறிக்கோளுரை
"ஈடுபாடுள்ளவருக்கு உயர்ந்த ஞானம் கிடைக்கும்."
வகைதனியார் பல்கலைக்கழகம்
உருவாக்கம்2003
வேந்தர்மாதா அமிர்தானந்தமயி
துணை வேந்தர்பி. வெங்கட்ரங்கன்
கல்வி பணியாளர்
1,750
மாணவர்கள்18,000
அமைவிடம்கோயம்புத்தூர், இந்தியா
10°54′4″N 76°54′10″E / 10.90111°N 76.90278°E / 10.90111; 76.90278ஆள்கூறுகள்: 10°54′4″N 76°54′10″E / 10.90111°N 76.90278°E / 10.90111; 76.90278
வளாகம்கொல்லம், கோயம்புத்தூர், பெங்களூர், கொச்சி, மைசூர், சென்னை, அமராவதி
இணையதளம்அலுவல்முறை வாயில்

அமிர்தா விஷ்வ வித்யாபீடம்[1](Amrita Vishwa Vidyapeetham) அல்லது அமிர்தா பல்கலைக்கழகம் கேரளம், தமிழ்நாடு, ஆந்திரா மற்றும் கருநாடக மாநிலங்களில் பரந்துள்ள தனியார் பல்கலைக்கழகமாகும். இந்தப் பல்கலைக்கழகத்தின் தலைமையகம் கோவை நகரிலிருந்து ஏறத்தாழ 22 கி.மீ தொலைவிலுள்ள எட்டிமடையில் அமைந்துள்ளது.[2]

இந்த NAAC A++ தரசான்றளிக்கப்பட்ட, பல வளாகங்கள் கொண்ட, பல துறைகள் கொண்ட, கற்பித்தல் மற்றும் ஆராய்ச்சி பல்கலைக்கழகம் தற்போது இந்தியா முழுவதும் 16 உருப்பு கல்லூரிகள், 7 வளாகங்களில் பரவி உள்ளது. 2011 இல் நோபல் பரிசு பெற்ற லேலாண்டு எச். ஆர்ட்வெல் அம்ரிதா பல்கலைகழத்தில் கூடுதல் ஆசிரியராக சேர்ந்துள்ளார்.[3]

இந்தப் பல்கலைக்கழகத்தில் தொழில்நுட்பம் மற்றும் பொறியியல், மருத்துவம், கணினியியல், வணிகம், உயிரித் தொழில்நுட்பம், நானோ தொழில்நுட்பம், ஆயுர்வேதம், செவிலியம், பல் மருத்துவம், வேளாண் அறிவியல், ஆன்மிகம் மற்றும் மெய்யியல், சுகாதார அறிவியல், சமூகப்பணி, தொடர்பியல், கல்வி, சமூக அறிவியல், கலை மற்றும் அறிவியல் ஆகிய துறைகளில் மொத்தம் 207 இளங்கலை, முதுகலை, ஒருங்கிணைந்த-பட்டப்படிப்பு, இரட்டை-பட்டப்படிப்பு, பட்ட மேற்படிப்பு, முனைவர் கல்வித் திட்டங்கள் வழங்கப்படுகின்றன.

மருத்துவ தகவல் தொழினுட்பம், கணிமைப் பொறியியல், இணையவெளிப் பாதுகாப்பு, பிணிசார் ஆய்வு, புற்றுநோயியல் போன்ற சிறப்புக் கல்வி திட்டங்களும் இந்தியாவின் தேசிய மேம்பாட்டு திட்டங்களின்படி வடிவமைக்கப்பட்டுள்ளன. கிட்டத்தட்ட நூறு பட்டத் திட்டங்களில் 18,000 மாணவர்கள் கல்வி கற்கின்றனர். இந்த பல்கலைக்கழகத்தில் மாநிலத்தில் ஐஐடிக்கு அடுத்த அதிக ஆராய்ச்சி நிதி மற்றும் பேராசிரியர்கள் கொண்டது ஆகும்[4]

ஹைதராபாத்தில் இந்த பல்கலைக்கழகத்தின் ஒரு வளாகத்தைத் திறக்கக் கோரிக்கை உள்ளது[5]

நிர்வாகம்[தொகு]

இந்தப் பல்கலைக்கழகத்தின் வேந்தராக மாதா அமிர்தானந்தமயி தேவி உள்ளார். கலிபோர்னியா பல்கலைக்கழகம் (சான் டியேகோ)வில் பணியாற்றியுள்ள கணிணிப் பொறியியலாளர் வெங்கட்ரங்கன் துணை வேந்தராக உள்ளார்.

வரலாறு[தொகு]

இரண்டு வளாகங்கள், அமிர்தபுரியிலும் எட்டிமடையிலும், கணினி பயிற்சி மையங்களாகத் துவக்கப்பட்டு பின்னர் அம்ரிதா தொழினுட்பக் கழகம் என்ற பெயரில் கல்லூரிகளாக மேம்படுத்தப்பட்டன. கொல்லத்திலுள்ள அமிர்தாபுரியில் உள்ள கல்லூரி கேரளப் பல்கலைக்கழகத்துடனும் எட்டிமடை வளாகத்திலுள்ள கல்லூரி பாரதியார் பல்கலைக்கழகத்துடனும் இணைக்கப்பட்டன. 2002இல் அம்ரிதா விசுவ வித்யாபீடம் துவக்கப்பட்டபோது இவை அம்ரிதா பொறியியல் பள்ளி என மீளவும் துவக்கப்பட்டன.

வளாகங்கள்[தொகு]

அம்ரிதா பொறியியல் பள்ளி, கோவை
அம்ரிதபுரி வளாகம்

அம்ரிதா விசுவ வித்யாபீடம் ஏழு வளாகங்களில் இயங்குகின்றது. இதன் தலைமையகம் கோவையின் எட்டிமடையில் உள்ளது. மற்ற ஆறு வளாகங்கள் தமிழ்நாட்டின் சென்னை, ஆந்திராவின் அமராவதி நகரம், கேரளத்தில் அமிர்தபுரி, கொச்சியிலும், கருநாடகத்தில் பெங்களூர், மைசூரிலும் உள்ளன.[6]

தரவரிசை[தொகு]

2021 ஆம் ஆண்டின் டைம்ஸ் உயர் கல்வி உலக பல்கலைக்கழக தரவரிசையில்(THE) அமிர்தா விஸ்வ வித்யாபீடம் 801-1000 இடத்தைப் பிடித்தது. 2021 இன் QS உலக பல்கலைக்கழக தரவரிசை ஆசியாவில் 261-270 வரம்பில் தரவரிசைப்படுத்தப்பட்டுள்ளது.2021 ஆம் ஆண்டில் டைம்ஸ் உயர் கல்வி (THE) தாக்கம் தரவரிசையில் உலகில் 81 வது இடத்தில் உள்ளது.

இந்திய கல்வித் துறை அமைச்சகத்தால் நிறுவப்பட்ட தேசிய நிறுவன தரவரிசை கட்டமைப்பின்(NIRF) 2021 ஆம் ஆண்டின் தரவரிசையில் பல்கலைக்கழகங்களில் இந்தியாவில் 5 வது இடத்திலும், ஒட்டுமொத்த பிரிவில் 12 வது இடத்திலும், பொறியியல் பிரிவில் 12 வது இடத்திலும், மருந்தகத்தில் 12 வது இடத்திலும், பல் மருத்துவத்தில் 13 வது இடத்திலும், ஆராய்ச்சியில் 29 வது இடத்திலும், மருத்துவ பள்ளிகளில் 6 வது இடத்திலும் உள்ளது.[7][8][9]

இந்த பல்கலைக்கழகத்திற்கு 2019 இல் UGCயால் "புகழ்பெற்ற கல்வி நிறுவனம்(Institute of Eminence)" அந்தஸ்து வழங்கப்பட்டது.[10]

மேற்சான்றுகள்[தொகு]

வெளி இணைப்புகள்[தொகு]