அம்பலத்தற

அம்பலத்தற வழியம்பலம்
நகரம்
அம்பலத்தற இந்தியா, கேரளத்தில் அமைவிடம்
ஆள்கூறுகள்: 8°28′28″N 76°56′51″E
நாடு	இந்தியா
மாநிலம்	கேரளம்
மாவட்டம்	திருவனந்தபுரம்
அரசு
• வகை	Democracy
மொழிகள்
• அதிகாரப்பூர்வமாக	மலையாளம், ஆங்கிலம்
நேர வலயம்	ஒசநே+5:30 (இந்திய சீர் நேரம்)
அஞ்சல் குறியீட்டு எண்	695026
தொலைபேசி குறியீடு	0471
வாகனப் பதிவு	KL-01

அம்பலத்தற (Ambalathara, Thiruvananthapuram) என்பது கேரளத்தின் தலைநகரான திருவனந்தபுரத்தின் புறநகர்ப் பகுதியாகும். இது பரவங்குன்னு, திருவல்லம் ஆகியவற்றுக்கு இடையே அமைந்துள்ளது.

அமைவிடம்

திருவனந்தபுரத்தின் நகர மையத்தில் இருந்து அம்பலத்தற 5 கி.மீ. தொலைவில் உள்ளது. கிழக்குக் கோட்டையிலிருந்து கோவளம் வழித்தடத்தில் இயக்கப்படும் கேரள அரசு சாலைப் போக்குவரத்துக் கழகப் பேருந்துகள் அம்பலத்தற வழியாகச் செல்கின்றன. அம்பலத்தறவிற்கு மேற்கே 2 கி.மீ தொலைவில் தேசிய நெடுஞ்சாலை 47 செல்கிறது. அம்பலத்தறவிலிருந்து மேற்கே கி.மீ. தொலைவில் உள்ளது. அருகிலுள்ள தொடருந்து நிலையமான திருவனந்தபுரம் மத்திய தொடருந்து நிலையம் இங்கிருந்து சுமார் 4 கி.மீ தொலைவில் உள்ளது. அருகிலுள்ள வானூர்தி நிலையமான திருவனந்தபுரம் பன்னாட்டு வானூர்தி நிலையம், தோராயமாக 5 கி.மீ தொலைவில் உள்ளது. அம்பலத்தற என்பது திருவனந்தபுரத்தில் கிழக்கு கோட்டையிலிருந்து திருவல்லம் செல்லும் வழியில் அமைந்துள்ள ஒரு பரபரப்பான குடியிருப்புப் பகுதியாகும். திருவல்லத்தில் உள்ள 2000 ஆண்டுகள் பழமையான திருவல்லம் பரசுராமர் கோயில் அம்பலத்தறவிலிருந்து 2 கி.மீ. தொலைவில் உள்ளது. புகழ்பெற்ற பழஞ்சிரா தேவி கோயில் இங்கிருந்து ஒரு கி.மீ தொலைவில் உள்ளது. இந்தப் பகுதியில் உயர்குடியினர் வசிக்கும் பல குடியிருப்புகள் உள்ளன. 'குமாரிச்சந்தை' மீன் மற்றும் காய்கறி சந்தை, ஹர்த்தால் நாட்கள் உட்பட, ஒரு நாளில் 16 மணிநேரமும் திறந்திருக்கும். இது தேசிய நெடுஞ்சாலைக்கு அருகில் அமைந்துள்ளது.

சமயம்

அம்பலத்தறவில் வாழும் மக்கள் இந்து, இசுலாம், கிறிஸ்தவம் ஆகிய சமயங்களைப் பின்பற்றுகின்றனர்.