அமோனியம் நைட்ரேட்டு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
அமோனியம் நைட்ரேட்டு
Structural formula
Ammonium nitrate crystal structure
Sample of white powder
பெயர்கள்
ஐயூபிஏசி பெயர்
அம்மோனியம் நைட்ரேட்
இனங்காட்டிகள்
6484-52-2 Yes check.svgY
ChemSpider 21511 Yes check.svgY
யேமல் -3D படிமங்கள் Image
வே.ந.வி.ப எண் BR9050000
UNII T8YA51M7Y6 Yes check.svgY
UN number 0222with > 0.2% combustible substances
1942with <= 0.2% combustible substances
2067fertilizers
2426liquid
பண்புகள்
NH4NO3
வாய்ப்பாட்டு எடை 80.043 கி/மோல்l
தோற்றம் வெண்மை/சாம்பல் நிறத் திண்மம்
அடர்த்தி 1.725 g/cm3 (20 °C)
உருகுநிலை
கொதிநிலை approx. 210 °C;decomposes
118 g/100 ml (0 °C)
150 g/100 ml (20 °C)
297 g/100 ml (40 °C)
410 g/100 ml (60 °C)
576 g/100 ml (80 °C)
1024 g/100 ml (100 °C)[1]
-33.6·10−6 cm3/mol
கட்டமைப்பு
படிக அமைப்பு முக்கோணம்
Explosive data
Shock sensitivity very low
Friction sensitivity very low
தீங்குகள்
முதன்மையான தீநிகழ்தகவுகள் வெடிபொருள்
பொருள் பாதுகாப்பு குறிப்பு தாள் ICSC 0216
ஈயூ வகைப்பாடு Explosive E (E)
Lethal dose or concentration (LD, LC):
2085–5300 mg/kg (oral in rats, mice)[2]
தொடர்புடைய சேர்மங்கள்
ஏனைய எதிர் மின்னயனிகள் அமோனியம் நைட்ரைட்டு
ஏனைய நேர் மின்அயனிகள் சோடியம் நைட்ரேட்டு
பொட்டாசியம் நைத்திரேட்டு
Hydroxylammonium nitrate
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்
பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும்.
 Yes check.svgY verify (இதுYes check.svgY/N?)
Infobox references

அம்மோனியம் நைட்ரேட்டு (Ammonium nitrate) என்பது அம்மோனியம் நேர்மின் அயனியின் நைட்ரேட் உப்பாகிய ஒரு வேதிச்சேர்மம் ஆகும். இதனுடைய வேதி வாய்ப்பாடு NH4NO3, எளிமையாக N2H4O3. இது ஒரு வெண்மை நிறப்படிகத் திண்மம் ஆகும். நீரில் அதிகம் கரையும் தன்மை கொண்டது. இது மிக முக்கியமாக விவசாயத்துறையில் அதிக அளவில் நைட்ரஜனைத் தரக்கூடிய உரமாகப் பயன்படுகிறது.[4] இந்தச் சேர்மமானது சுரங்கத்தொழில் மற்றும் கட்டுமானத் துறையில் பயன்படுத்தப்படும் வெடிபொருட்களின் ஒரு முக்கியப் பகுதிப்பொருளாகவும் திகழ்கிறது. வட அமெரிக்காவில் அதிகமாகப் பயன்படுத்தப்படும் ஒரு பிரபலமான தொழில் துறை வெடிபொருளான ANFO என்பதன் பகுதிப்பொருளாக இருக்கிறது. இந்தச் சேர்மமானது தவறாகப் பயன்படுத்தப்படும் வாய்ப்புகள் அதிகமாக இருப்பதால் பல நாடுகளில் இச்சேர்மத்தைப் பொதுவான நுகர்வோர் பயன்படுத்துவதற்கு கட்டுப்பாடுகள் விதிக்கப்பட்டுள்ளது.

கிடைக்கும் தன்மை[தொகு]

சிலி நாட்டிலுள்ள அடகாமா பாலைவனத்தின் மிகவும் வறட்சியான பகுதிகளில் அம்மோனியம் நைட்ரேட்டானது (அம்மோனியா நைட்ர் - சால்ட்பீட்டர் எனப்படும் அம்மோனியத்தை ஒத்த பொருளாகவும், சோடியம் நைட்ரேட் எனப்படும் நைட்ரேட் சோ்மமாகவும்) இயற்கையான கனிமமாக கிடைக்கிறது. கடந்த காலத்தில் அம்மோனியம் நைட்ரேட்டானது கடந்த காலத்தில் சுரங்கத் தொழிலின் மூலமாக பெறப்பட்டது. நடைமுறையில் தற்போது பயன்படுத்தப்படும் அம்மோனியம் நைட்ரேட்டானது 100 % தொகுப்பு முறையில் தயாரிக்கப்பட்டதாகும்.

தயாரிப்பு[தொகு]

அம்மோனியம் நைட்ரேட்டின் தொழில் முறை தயாரிப்பானது அமில கார வினையின் அடிப்படையிலானது. இவ்வினையில் அம்மோனியாவானது நைட்ரிக் அமிலத்துடன் வினைப்பட்டு அம்மோனியம் நைட்ரேட்டானது கிடைக்கிறது.[5]

HNO3 + NH3 → NH4NO3

நீரற்ற வாயு நிலையில் உள்ள அம்மோனியாவும் அடர் நைட்ரிக் அமிலமும் இவ்வினையில் பயன்படுத்தப்படுகிறது. இந்த வினையானது அதிக அளவிலான வெப்ப உமிழ் வினையாக இருக்கும் காரணத்தால் தீவிரமான வினையாக உள்ளது. 83% செறிவுள்ள கரைசலாக உருவான பிறகு, மிகுதியாக உள்ள நீரானது ஆவியாக்கப்பட்டு 95% முதல் 99.9% வரை செறிவுள்ள அம்மோனியம் நைட்ரேட் கிடைக்கப்பெறுகிறது. இவ்வாறு கிடைக்கும் அம்மோனியம் நைட்ரேட் உருக்கானது சிறு மணிகளாக துாவி கோபுரம் மூலமாக உருவாக்கப்படுகின்றன. இந்த அம்மோனியம் நைட்ரேட் மணிகள் அல்லது குருணைகள் கெட்டிப்படுவதைத் தடுக்க மேலும் உலர்த்தப்பட்டு, குளிர்விக்கப்படுகின்றன. இவ்வாறு கிடைக்கக்கூடிய குறுமணிகள் வணிகரீதியான அம்மோனியம் நைட்ரேட் இறுதி விளைபொருளாகும்.

இந்த வினைக்கான அம்மோனியாவானது ஹேபர் முறையில் நைட்ரஜனையும் ஹைட்ரஜனையும் இணைப்பதன் மூலம் கிடைக்கிறது. ஹேபர் முறையில் தயாரிக்கப்ட்ட அம்மோனியாவானது ஆஸ்ட்வால்ட் முறையில் நைட்ரிக் அமிலமாக ஆக்சிஜனேற்ற வினையின் மூலம் மாற்றப்படுகிறது.மற்றுமொரு தயாரிப்பு முறையானது ஒட்டா முறை: ஆகும்.

Ca(NO3)2 + 2 NH3 + CO2 + H2O → 2 NH4NO3 + CaCO3

விளைபொருட்களான கால்சியம் கார்பனேட் மற்றும் அம்மோனியம் நைட்ரேட் ஆகியவை தனித்தனியாக துாய்மைப்படுத்தப்பட்டோ அல்லது கால்சியம் அம்மோனியம் நைட்ரேட்டாக மாற்றப்பட்டோ விற்பனை செய்யப்படலாம். அம்மோனியம் நைட்ரேட் மெட்டாதெஸிஸ் வினை மூலமாகவும் பெறப்படலாம்.:

(NH4)2SO4 + Ba(NO3)2 → 2 NH4NO3 + BaSO4
NH4Cl + AgNO3 → NH4NO3 + AgCl


வேதி வினைகள்[தொகு]

அம்மோனியம் நைட்ரேட் உலோக ஹைட்ராக்சைடுகளுடன் வினைப்பட்டு கார உலோக நைட்ரேட்டுகளை உருவாக்குவதுடன் அம்மோனியாவையும் வெளியிடுகிறது.

NH4NO3 + MOH → NH3 + H2O + MNO3 (M = Na, K)

அம்மோனியம் நைட்ரேட் வெப்பப்படுத்தும் போது மீதப்பொருட்களை அல்லது எச்சத்தை விட்டுச்செல்வதில்லை.

NH4NO3 → N2O + 2H2O

அம்மோனியம் நைட்ரேட்டானது வளிமண்டலத்தில் NO, SO2, மற்றும் NH3 மற்றும் இரண்டாம் நிலை பகுதிப்பொருளான PM10 உமிழ்தலால் உருவாக்கப்படுகிறது[6]

படிக நிலைகள்[தொகு]

வெப்பநிலை மற்றும் அழுத்தத்தில் ஏற்படும் மாறுபாடு காரணமாக படிக நிலைகளில் ஏற்படும் மாறுபாடுகள் அம்மோனியம் நைட்ரேட்டின் இயற்பியல் பண்புகளில் பாதிப்பை ஏற்படுத்துகின்றன. மூன்று படிக நிலைகள் அறியப்பட்டவையாக உள்ளன.

அமைவு வெப்பநிலை (°C) நிலை கன அளவு மாற்றம் (%)
> 169.6 திரவம்
I 169.6 to 125.2 கன சதுரம் -2.1
II 125.2 to 84.2 நாற்கோணம் +1.3
III 84.2 to 32.3 α-சாய்சதுரம் -3.6
IV 32.3 to −16.8 β-சாய்சதுரம் +2.9
V −16.8 நாற்கோணம்

ஐந்தாவது அமைவான படிகமானது சீசியம் குளோரைடைப் போன்று போலி கனசதுர அமைப்பைக் கொண்டுள்ளது. நைட்ரேட் எதிர்மின் அயனி மற்றும் அம்மோனியம் நேர்மின் அயனியின் நைட்ரஜன் அணுக்கள் கன சதுர வரிசையில் சீசியம் குளோரைடு படிகத்தில் சீசியம் மற்றும் குளோரின் அணுக்கள் ஆக்கிரமித்த இடங்களை ஆக்கிரமித்துக்கொள்கின்றன.[7]

பயன்பாடுகள்[தொகு]

உரங்கள்[தொகு]

NPK விகித முறைப்படி 34-0-0 (34% nitrogen) அம்மோனியம் நைட்ரேட்டானது ஒரு மிக முக்கியமான உரமாகும்.[8] இது சற்றே யூரியாவை (46-0-0) விட செறிவு குறைந்ததாக இருப்பதால் சரக்கை கையாள்வதில் ஒரு சிறிய குறையைக் கொண்டுள்ளது. அம்மோனியம் நைட்ரேட்டானது யூரியாவை விட நிலைப்புத் தன்மை கொண்டது. இது எளிதில் வளிமண்டலத்தில் நைட்ரஜனை இழப்பதில்லை. மழையை எதிர்பார்த்திருக்கும் நேரத்தில் முந்தைய மிதமான வெப்பத்தில் யூரியாவை பயன்படுத்துவது நைட்ரஜன் இழப்பைத் தவிர்ப்பதற்கான வழியாகும்.[9][10]

வெடிபொருட்கள்[தொகு]

அம்மோனியம் நைட்ரேட்டானது தனித்த நிலையில் வெடிக்கக்கூடிய தன்மை உடையதல்ல.[11] ஆனால் இது முதன்மையான வெடிபொருட்களான அசைடுகள், அல்லது எரிபொருட்களான அலுமினியத்துாள் அல்லது எரிபொருள் எண்ணெய் ஆகியவற்றுடன் சேர்க்கும் போது வெவ்வேறு விதமான பண்புகளை உடைய வெடிபொருட்களை வெகு விரைவாக உருவாக்குகின்றது.

மேற்கோள்கள்[தொகு]

  1. Pradyot Patnaik. Handbook of Inorganic Chemicals. McGraw-Hill, 2002, ISBN 0-07-049439-8
  2. Martel, B.; Cassidy, K. (2004). Chemical Risk Analysis: A Practical Handbook. Butterworth–Heinemann. பக். 362. ISBN 1-903996-65-1. 
  3. http://www.ehs.neu.edu/laboratory_safety/general_information/nfpa_hazard_rating/documents/NFPAratingAC.htm
  4. Karl-Heinz Zapp "Ammonium Compounds" in Ullmann's Encyclopedia of Industrial Chemistry 2012, Wiley-VCH, Weinheim. எஆசு:10.1002/14356007.a02_243
  5. http://www.google.com/patents/pdf/Process_of_producing_concentrated_soluti.pdf?id=XronAAAAEBAJ&output=pdf&sig=ACfU3U0iYFRDUxltKLaVind-3wwP_JYPxg
  6. Int Panis, LLR (2008). "The Effect of Changing Background Emissions on External Cost Estimates for Secondary Particulates". Open Environmental Sciences 2: 47–53. doi:10.2174/1876325100802010047. http://www.bentham.org/open/toenvirj/articles/V002/47TOENVIRSJ.pdf. 
  7. Choi, C. S.; Prask, H. J. (1983). "The structure of ND4NO3 phase V by neutron powder diffraction". Acta Crystallographica B 39 (4): 414–420. doi:10.1107/S0108768183002669. 
  8. Nutrient Content of Fertilizer Materials
  9. [1][தொடர்பிழந்த இணைப்பு]
  10. [2]
  11. Manhattan Bombs Provide Trove of Clues - த நியூயார்க் டைம்ஸ்
"https://ta.wikipedia.org/w/index.php?title=அமோனியம்_நைட்ரேட்டு&oldid=2334270" இருந்து மீள்விக்கப்பட்டது