அமீரா ஷா
அமீரா ஷா | |
|---|---|
 | |
| பிறப்பு | 24 செப்டம்பர் 1979 மும்பை, மகாராஷ்டிரா, இந்தியா |
| இருப்பிடம் | மும்பை |
| தேசியம் | இந்தியன் |
| படித்த கல்வி நிறுவனங்கள் | டெக்சாஸ் பல்கலைக்கழகம் |
| பணி | நிர்வாக இயக்குநர், மெட்ரோபோலிஸ் ஹெல்த்கேர் |
| வலைத்தளம் | |
| Ameera Shah - Metropolis Healthcare | |
அமீரா ஷா (பிறப்பு: செப்டம்பர் 24, 1979) ஒரு இந்திய தொழில்முனைவோர் மற்றும் மும்பையைத் தலைமையகமாகக் தளமாகக் கொண்ட நோயியல் மையங்களின் பன்னாட்டுக் குழுமமான மெட்ரோபோலிஸ் ஹெல்த்கேரின் நிர்வாக இயக்குநர் ஆவார். இந்நிறுவனம் ஏழு நாடுகளில் செயல்படுகிறது.[1] அவர் மெட்ரோபோலிஸ் ஹெல்த்கேரின் நிறுவனர் மற்றும் தலைவரான டாக்டர் சுஷில் ஷாவின் மகள் ஆவார்.[2]
ஆரம்ப கால வாழ்க்கை
[தொகு]நோயியல் நிபுணரான சுஷில் ஷா மற்றும் மகளிர் மருத்துவ நிபுணரான துரு ஷா ஆகியோருக்கு அமீரா ஷா பிறந்தார். அவர் மும்பையில் உள்ள மருத்துவர்கள் குடும்பத்தைச் சேர்ந்தவர். அவரது மூத்த சகோதரி அபர்ணா ஷா ஒரு மரபியலாளர் ஆவார். அவர் எச்.ஆர்.வணிக மற்றும் பொருளாதாரக் கல்லூரியின் இளம் கல்லூரியில் வணிகம் பயின்றார். . ஆண்டினில் உள்ள டெக்சாஸ் பல்கலைக்கழகத்தில் நிதி தொடர்பான பாடத்தில் பட்டம் பெற்றார்.[3]
அவர் நியூயார்க்கில் உள்ள கோல்ட்ஸ்மேன் சட்ஸ் உடன் இணைந்து பணியாற்றினார்.[4] பின்னர் ஹார்வேர்டு பிசினஸ் பள்ளியில் உரிமையாளர்-தலைவர் மேலாண்மை திட்டத்தை முடித்தார். ஷா ஒரு தொழில்துறை செய்தித் தொடர்பாளர் மற்றும் பல்வேறு தேசிய மற்றும் சர்வதேச மன்றங்கள், தொழில் நிகழ்வுகள் மற்றும் மாநாடுகளில் பேச்சாளராக இடம்பெற்றுள்ளார். அகமதாபாத்திலுள்ள இந்தியன் இன்ஸ்டிடியூட் ஆப் மேனேஸ்மெண்ட், ஹார்வட் பிசினஸ் பள்ளி டெட் மற்றும் சிஐஐ ஆகிய நிறுவனங்களால் ஏற்பாடு செய்யப்பட்ட நிகழ்வுகளில் அவர் பேசியுள்ளார்.
பின் புலம்
[தொகு]பட்டப்படிப்பை மருத்துவப் பள்ளியில் 1980ம் ஆண்டு முடித்த போது அவருடைய தந்தையான மருத்துவர் சுஷில் ஷா, ஆரோக்கியத்தைப் பேணும் நிலையில் இந்தியா பின்னடைந்திருப்பதைக் கண்டு அதிருப்தி அடைந்து, அமெரிக்கா சென்று அங்கு பின்பற்றப்படும் நடைமுறைகளை கற்று ஒரு நோய்க்காண மூல காரணத்தைக் கண்டறியும் நோய்க்குறியியல் ஆய்வகத்தைத் தொடங்கினார். அவருடைய சமையலறையையே முதலில் மருத்துவமனையாக செயல்பட்டது. அவருடைய மகளான அமீரா ஷா, தற்போதைய தைராய்டு பரிசோதனை, கருவள பரிசோதனை, மற்றும் பல்வேறு ஹார்மோன் பரிசோதனைகள் இந்தியாவில் 1980களில் கிடையாது என்றும் அதனை முதலில் தொடங்கியவர் தன் தந்தையாரான சுஷில்தான் என்று கூறுகிறார். தற்போது சர்வதேச நோய்குறியியல் துறையில் முன்னோடியாக உள்ள அவர் தன் தந்தையின் ஆய்வகத்தை 2 ஆயிரம் கோடி ரூபாய் நிறுவனமாக உயர்த்திப் பெருமை சேர்த்துள்ளார். செயல்அலுவராகப் பணியாற்றுவதா அல்லது தொழில்முனைவராக ஆவதா என்ற நிலையைப் பற்றி தன் தந்தையிடம் விவாதித்து தொழில் முனைவோர் ஆவதே தன் விருப்பம் என்று தெரிவித்து, சாதித்துள்ளார்.[5]
தொழில்
[தொகு]மெட்ரோபோலிஸ் ஹெல்த்கேர்
[தொகு]அவர் தனது தந்தையின் நோயியல் வணிகத்தை 2001 இல் எடுத்துக்கொண்டார். மெட்ரோபோலிஸ் ஆய்வகம்.[6] சுமார் 1.5 மில்லியன் மற்றும் 40 ஊழியர்களின் வருவாயைக் கொண்ட ஒரு நோயறிதல் ஆய்வகத்தை அவர் மாற்றினார், மெட்ரோபோலிஸ் ஹெல்த்கேர், 125 நோயறிதல் ஆய்வகங்களின் பன்னாட்டுக் குழுமத்தில் 90 மில்லியன் டாலர் வருவாய் மற்றும் 4,500 ஊழியர்களைக் கொண்டது.[7]
வாரிய உறுப்பினர்கள் மற்றும் இணைப்புகள்
[தொகு]அவர் மரிகோ கயா எண்டர்பிரைசஸ் லிமிடெட்டின் [8] நிர்வாக இயக்குநராகவும், மெட்ரோபோலிஸ் ஹெல்த்கேர் லிமிடெட்டின் நிர்வாக இயக்குநராகவும் உள்ளார். அவர் தற்போது டோரண்ட் பார்மாசூட்டிகல்ஸ் லிமிடெட்,[9] ஷாப்பர்ஸ் ஸ்டாப் லிமிடெட் [10] மற்றும் கயா லிமிடெட் [11] ஆகிய நிறுவனங்களின் இயக்குநராக உள்ளார்.
ஷா நோய்க்குறியியல் ஆய்வுக்கூடங்கள் இந்திய சங்கத்தின் (IAPL) செயலாளராகவும் ,[12] 2012 இல் வர்த்தக மற்றும் தொழில் கூட்டமைப்பின் சுகாதார சேவைகள் குழுவில் துணைத்தலைவராகவும் பணியாற்றினார்.
சிறப்புகள் மற்றும் விருதுகள்
[தொகு]- நாளைய டைகூன்ஸ், போர்ஸ் இந்தியா இதழ், 2018 [13][14]
- வணிகத்தில் இந்தியாவின் மிக சக்திவாய்ந்த பெண்கள் (எண் 36 இல்), இதழ், 2018 [15]
- வணிகத்தில் இந்தியாவின் மிக சக்திவாய்ந்த பெண்கள் (எண் 46 இல்), இதழ், 2017 [16]
- ஆசியாவின் சக்தி வாய்ந்த வணிகப்பணியாற்றும் பெண்கள், போர்ப்ஸ் இதழ், 2015 [17]
- இளம் உலகளாவிய தலைவர், உலகப் பொருளாதார மன்றம், 2015 [18]
- பின்பற்றத்தக்க பெண்கள் தலைமை விருது, உலக பெண்கள் தலைமை காங்கிரஸ் & விருதுகள், 2014 [19]
- ஆண்டின் இளம் சாதனையாளர், சிஎம்ஓ ஆசியா விருதுகள், 2011 [20]
மேலும் காண்க
[தொகு]- மெட்ரோபோலிஸ் ஆய்வகம்
குறிப்புகள்
[தொகு]- ↑ "Ameera Shah made Metropolis Healthcare a leading diagnostics player". The Economic Times. 2 May 2014. https://economictimes.indiatimes.com/ameera-shah-made-metropolis-healthcare-a-leading-diagnostics-player/articleshow/34475062.cms. பார்த்த நாள்: 2 October 2018.
- ↑ "Dr Sushil Shah - The Scindia School". The Scindia School. https://www.scindia.edu/scindia_management/dr-sushil-shah/. பார்த்த நாள்: 2018-10-02.
- ↑ "Ameera Shah: Moving the needle | Forbes India". Forbes India (in அமெரிக்க ஆங்கிலம்). Retrieved 2018-10-02.
- ↑ "A 15-year joyride: Ameera Shah" (in en). Deccan Chronicle. 2016-10-16. https://www.deccanchronicle.com/lifestyle/viral-and-trending/151016/a-15-year-joyride-ameera-shah.html.
- ↑ தன் தந்தையின் ஆய்வகத்தை அமீரா ஷா எப்படி ரூ. 2000 கோடி சாம்ராஜ்யம் ஆக்கினார்? ஒய்எஸ் அகாதெமி, தமிழ்
- ↑ "Ameera Shah | Diagnosis: a risk-taker". livemint. 15 July 2017. https://www.livemint.com/Leisure/u8kB1zit3YsMTRTeIn31IM/Ameera-Shah--Diagnosis-a-risktaker.html.
- ↑ "Metropolis' Chain of Diagnostics Labs Pushes for Growth Across India and Africa". forbes.com. https://www.forbes.com/sites/anuraghunathan/2015/02/25/metropolis-chain-of-diagnostics-labs-pushes-for-growth-across-india-and-africa/.
- ↑ "Company Overview of Marico Kaya Enterprises Limited". www.bloomberg.com. Retrieved 2018-10-02.
- ↑ "Torrent Pharmaceuticals Ltd". www.bloomberg.com. Retrieved 2018-10-02.
- ↑ "Shoppers Stop Ltd". www.bloomberg.com. Retrieved 2018-10-02.
- ↑ "kaya Ltd". www.bloomberg.com. Retrieved 2018-10-02.
- ↑ "Executive Profile: Ameera Shah". www.bloomberg.com. Retrieved 2018-10-02.
- ↑ "Tycoons of Tomorrow : Special Report : Forbes India Magazine". Forbes India (in அமெரிக்க ஆங்கிலம்). Retrieved 2018-10-02.
- ↑ "Forbes 'Tycoons of Tomorrow': About the 22 young achievers set to change India". India Today (in ஆங்கிலம்). Retrieved 2018-10-02.
- ↑ "Ameera Shah - Most Powerful Women in 2018 - Fortune India". www.fortuneindia.com (in ஆங்கிலம்). Retrieved 2018-10-02.
- ↑ "Most Powerful Women in Business 2017". Fortune India.
- ↑ "Asia's Power Businesswomen, 2015: 12 To Watch". forbes.com. https://www.forbes.com/sites/forbesasia/2015/02/25/asias-power-businesswomen-2015-12-to-watch/.
- ↑ "World Economic Forum names Smriti Irani as Young Global Leader from India". economictimes.indiatimes.com. http://articles.economictimes.indiatimes.com/2015-03-17/news/60212100_1_wef-smriti-irani-world-economic-forum.
- ↑ "Ameera Shah: The Lifeline Builder". Verve Magazine. 2015-06-18. http://www.vervemagazine.in/people/ameera-shah-the-lifeline-builder. பார்த்த நாள்: 2018-10-02.
- ↑ "India's Hottest 40 Under 40 Business Leaders". economictimes.indiatimes.com. http://economictimes.indiatimes.com/indias-hottest-40-under-40-business-leaders/newslist/34519765.cms.
வெளி இணைப்புகள்
[தொகு]- Ameera Shah