அப்துல் ஹமீத் கான்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

அப்துல் ஹமீத் கான் Abdul Hameed Khan (நவம்பர் 1892-1965) ஒரு இந்திய வணிகர் மற்றும் அரசியல்வாதி ஆவார், இவர் சென்னை மாகாண சட்ட மேலவை, சென்னை மாகாண சட்டமன்றம் ஆகியவற்றின் உறுப்பினராகவும், கர்நாடக மாநிலத்தின் திவானாகவும் பணியாற்றினார். 1935-36ல் சென்னையின் முதல் முசுலீம் மேயராக பணியாற்றினார். இவர் சென்னையில் உள்ள அமீர் மஹாலில் வசித்து வந்தார்.

துவக்க வாழ்க்கை[தொகு]

ஹமீத் கான் ஒரு பணக்கார வணிகரும், கொடைவள்ளலுமான தாதா கானுக்கு 1894 இல் பிறந்தார். இவரது மூதாதையர்கள் ஆப்கானிஸ்தானில் இருந்து பல தலைமுறைகளுக்கு முன்பே இங்கு குடிபெயர்ந்தனர்.

கல்வி[தொகு]

சென்னை கிறித்தவ கல்லூரியிலும், மாநிலக் கல்லூரியிலும் கல்வி பயின்றார்.

அரசியல் வாழ்க்கை[தொகு]

1918 ஆம் ஆண்டு முஸ்லீம் லீக் இயக்கத்தில் பணியாற்றி உதவி செயலாளர் ஆனார். 1919 ஆண்டு சென்னை மாகாணத்தில் நடந்த கிலாபத் இயக்கத்தில் பங்கேற்று மாகாண கிலாபத் கமிட்டி பொறுப்பாளர் ஆனார் ஹமீத் கான்.1919 முதல் 1924 வரை இராஜகோபாலாச்சாரியர் உடன் இணைந்து ஒத்துழையாமை இயக்கத்தில் பணியாற்றினார். 1921 ஆம் ஆண்டில், இந்திய தேசிய காங்கிரசின் உறுப்பினராக இருந்த ஹமீத் கான், ஸ்வராஜ் கட்சியில் சேர காங்கிரஸை விட்டு வெளியேறி 1927 இல் சென்னை மாகாண சட்டமன்றத்தில் தேர்ந்தெடுக்கப்பட்டார். 1927 முதல் 1936 வரை சபையில் பணியாற்றிய அவர் மெட்ராஸ் சட்டமன்றத்தில் தேர்ந்தெடுக்கப்பட்டார் 1937 இல் சட்டமன்றம் 1951 வரை பணியாற்றிணார்.

ஹமீத் கான் தமிழ்நாடு காங்கிரஸ் குழு செயலாளாராகவும், அகில இந்திய காங்கிரஸ் குழுவில் பணியாற்றிய அவர், 1937 ஆம் ஆண்டில் இந்திய தேசிய காங்கிரஸிலிருந்து விலகி சென்னை மாகாண முஸ்லீம் லீக்கில் இணைந்தார், இந்தியப் பிரிவினைக்கும் ஆதரவளித்தார். 1947 இல் இந்தியாவின் சுதந்திரத்தைத் தொடர்ந்து, ஹமீத் கான் மீண்டும் காங்கிரசுக்கு திரும்பினார்.

திவான்[தொகு]

ஹமீத் கான் கர்நாடக மாநிலத்தின் திவானாக பணியாற்றினார். அவர் டெக்கான் டைம்ஸ் நாளிதளின்ன் தலைமை ஆசிரியராகவும் இருந்தார்.

சென்னை மாநகராட்சி மேயர்[தொகு]

1924 ஆம் ஆண்டு சென்னை மாநகராட்சியின் உறுப்பினர் ஆனார், தொடர்ந்து 1934 - 1935 ஆண்டில் சென்னை மாநகராட்சியின் மேயர் ஆனார்.

சென்னை மாகாண மேலவை[தொகு]

சென்னை மாகாண சட்ட மேலவைக்கு 1950 ஆம் ஆண்டு ஊரக முஸ்லீம் பிரதிநித்துவத்தின் அடிப்படையில் கர்னூல் பகுதியிலிருந்து தேர்ந்தெடுக்கப்பட்டார்.* [1]

மேற்கோள்கள்[தொகு]

  • சு. முத்தையா, தொகுப்பாசிரியர் (2008). Madras, Chennai: A 400-year record of the first city of Modern India. 1. Palaniappa Brothers. பக். 153. 
  • [1] பக்கம் 31 (இரண்டாவது) தமிழ்நாடு சட்டமன்ற உறுப்பினர்கள் கையேடு]
  • "https://ta.wikipedia.org/w/index.php?title=அப்துல்_ஹமீத்_கான்&oldid=2811560" இருந்து மீள்விக்கப்பட்டது