அன்சூல் காம்போஜ்

அன்சூல் காம்போஜ்

தனிப்பட்ட தகவல்கள்
பிறப்பு	6 திசம்பர் 2000 (2000-12-06) கர்னால், அரியானா, இந்தியா
மட்டையாட்ட நடை	வலதுகை
பந்துவீச்சு நடை	வலதுகை விரைவு வீச்சு
பங்கு	பன்முக வீரர்
உள்ளூர் அணித் தரவுகள்
ஆண்டுகள்	அணி
2021/22–முதல்	அரியானா தூடுப்பாட்ட அணி
2024	மும்பை இந்தியன்ஸ்
2025–முதல்	சென்னை சூப்பர் கிங்ஸ்
மூலம்: ESPNcricinfo, 20 அக்டோபர் 2024

அன்சூல் காம்போஜ் (Anshul Kamboj, பிறப்பு 6 திசம்பர் 2000) ஓர் இந்தியத் துடுப்பாட்ட வீரர் ஆவார். இவர் உள்நாட்டுத் துடுப்பாட்டத்தில் அரியானா அணிக்காக விளையாடுகிறார். 2024-இல் நடந்த இந்தியன் பிரீமியர் லீக் ஏலத்தில் மும்பை இந்தியன்ஸ் அணி இவரை 20 லட்சம் ரூபாய்க்கு ஏலம் எடுத்தது. அக்டோபர் 2024-இல், இவர் 2024 ஏ.சி.சி வளர்ந்து வரும் அணிகள் ஆசியக் கிண்ணத்திற்கான இந்தியா ஏ அணியில் இடம்பெற்றிருந்தார். இவர் 22 அக்டோபர் 2022 அன்று, 2022-23 சையத் முஷ்டாக் அலி கோப்பையில் அரியானாவுக்காக தனது இருபது20 போட்டியில் அறிமுகமானார். இவர் 15 நவம்பர் 2022 அன்று, 2022-23 விஜய் அசாரே கோப்பையில் அரியானாவுக்காக துடுப்பாட்ட ஏ பிரிவில் அறிமுகமானார். 2025 ஐபிஎல் ஏலத்தில் சென்னை சூப்பர் கிங்ஸ் அணி 3.4 கோடி ரூபாய்க்கு ஏலம் எடுத்தது.

உள்ளூர்ப் போட்டிகள்

கம்போஜ், பிப்ரவரி 2022-இல் ரஞ்சிக் கோப்பையில் திரிபுராவுக்கு எதிராக அரியானா அணிக்காக அறிமுகமானார். 2022-23 சையத் முஷ்டாக் அலி கோப்பையில் 7 போட்டிகளில் 7 இலக்குகளையும், 2023-24 விஜய் அசாரே கோப்பையில் அரியானாவுக்காக 10 போட்டிகளில் 17 இலக்குகளையும் வீழ்த்தினார். இந்தியன் பிரீமியர் லீக்கில் 6 மே 2024 அன்று மும்பை இந்தியன்ஸ் அணிக்காக சன்ரைசர்ஸ் ஐதராபாத் அணிக்கு எதிராக அறிமுகமானார். துலீப் கோப்பைக்கு தேர்வு செய்யப்பட்டு இந்தியா சி அணியில் இடம்பெற்றார். இதில் 3 போட்டிகளில் 17.12 சராசரியாக 16 இலக்குகளை வீழ்த்தி, போட்டியின் ஆட்ட நாயகனாகத் தேர்வு செய்யப்பட்டார். நவம்பர் 2024-இல், ரஞ்சிக் கோப்பையில் ஒரே ஆட்டப்பகுதியில் அனைத்து இலக்குகளையும் வீழ்த்திய மூன்றாவது பந்து வீச்சாளர் என்ற பெருமையை காம்போஜ் பெற்றார்.