அனுபம் சூட்
| அனுபம் சூட் | |
|---|---|
| பிறப்பு | அனுபம் சூட் 1944 ஹோஷியார்பூர், பஞ்சாப், இந்தியா |
| அறியப்படுவது | கலைஞர், அச்சுக்கலை |
அனுபம் சூட் (Anupam Sud) (பிறப்பு 1944) ஓர் இந்தியக் கலைஞராவார். இவர் புதுதில்லியின் புறநகரில் உள்ள மாண்டி என்ற சிறிய சமூகத்தில் வசிக்கிறார். பஞ்சாபில் பிறந்த இவர் தனது இளமைப் பருவத்தை இமாச்சலப் பிரதேசத்தின் முன்னாள் பிரித்தானிய கோடைகாலத் தலைநகரான சிம்லாவில் கழித்தார். ஒரு பழமைவாத குடும்பத்தில் இருந்து வந்த இவர் திருமண வாழ்க்கையைத் தேர்ந்தெடுத்தார். மேலும், நிச்சயிக்கப்பட்ட திருமணத்தின் மீது கலைத் தேடல்கள் தைரியமாகவும் அரிதாகவும் இருந்தன.
சுயசரிதை[தொகு]
இவர்,1962 முதல் 1967 வரை தில்லி கலைக் கல்லூரியில் படித்தார். அப்போது சோம்நாத் ஹோர் கல்லூரியின் அச்சிடல் துறையை மீண்டும் உருவாக்கி புத்துயிர் அளித்தார். தனது ஆசிரியர் ஜக்மோகன் சோப்ராவால் நிறுவப்பட்ட கல்லூரியின் கலைஞர்களின் கூட்டமைப்பான "குரூப் 8" இன் இளைய உறுப்பினராக அனுபம் இருந்தார். மேலும் இந்தியாவில் அச்சு தயாரித்தல் பற்றிய விழிப்புணர்வை மேம்படுத்துவதற்காக தன்னை அர்ப்பணித்துக் கொண்டார்.
பின்னர், இலண்டனின் பல்கலைக்கழகக் கல்லூரியின் சிலேடு கலைப்பள்ளியில் 1971 முதல் 1972 வரை அச்சுக் கலையை படித்தார். இலண்டினிலிருந்து திரும்பிய பிறகுதான் இவர் ஆடை மற்றும் ஆடையற்ற மனித உருவங்களை ஆராய்வதில் தீவிர ஆர்வம் காட்டினார். அனுபம், ஆண் மற்றும் பெண் பாலியல் மற்றும் அடையாளங்களில் உத்வேகம் பெற்றார். சமூகப் பிரச்சினைகளில் வெளிப்படையான முடிவுகள் அரிதாகவே இவரது கலையில் காணப்படுகின்றன. மேலும் இவருடைய உருவங்கள் பெரும்பாலும் தன்னுள் உள்வாங்கப்பட்டு வளர்க்கப்படுகின்றன. எவ்வாறாயினும், குறியீட்டு மற்றும் உருவகத்தின் மூலம் சமூக ரீதியாக பொருத்தமான கருப்பொருள்களுடன் ஈடுபடுகிறார், மேலும் பாலினங்களுக்கிடையேயான தொடர்புகளின் மனநிலை சித்தரிப்புகள் இவரது வேலையில் பிடித்த தலைப்பாகும். பொறுமை மற்றும் துல்லியம் தேவைப்படும் கடினமான ஊடகமான துத்தநாகத் தகடுகளைப் பயன்படுத்தி இவர் பணியாற்றுகிறார்.[1]
சுட்டின் மிகவும் பிரபலமான வேலை அமைப்புகளில் ஒன்றான "டயலாக் சீரிஸ்" (உரையாடல் தொடர்), முதிர்ந்த, அமைதியான, ஏற்றுக்கொள்ளும் மனநிலையின் மூலம் பல்வேறு பாலின மக்களிடையே மனித தொடர்புகளை வெளிப்படுத்துகிறது. "உரையாடல் தொடர்" மனித ஒற்றுமையை நெருக்கமான மற்றும் சொற்களற்றதாக வலியுறுத்துகிறது. [2] அதே தொடரின் ஒரு படைப்பில், ஒரு முறிந்த கம்பியால் பிரிக்கப்பட்ட ஒரு பாழடைந்த வீட்டின் முன் அமர்ந்திருக்கும் ஒரு ஜோடியை இவர் பொறித்துள்ளார். அவர்களுக்கு இடையே அதிக நெருக்கம் இருப்பதாகத் தெரியவில்லை. இடிந்து விழும் கல் முகப்பில் அமைக்கப்பட்ட மக்கள், மாறிக்கொண்டிருக்கும் மதிப்புகளின் உருவகங்கள் [3] ஆகும்.
புதுதில்லியின் தேசியக் கலைக் கூடம், இலண்டனின் விக்டோரியா மற்றும் ஆல்பர்ட் அருங்காட்சியகம், அமெரிக்காவின் தி பீபாடி அருங்காட்சியகம், சப்பானின் கிளென்பரா கலை அருங்காட்சியகம் ஆகியவற்றின் தொகுப்புகளில் இவரது பணிகள் உள்ளது.[4]
தாக்கங்கள்[தொகு]
அனுபம் அடிக்கடி தனது தந்தையின் உடற்கட்டமைப்பு, பஞ்சாபி நாடக அரங்கங்கள், துப்பறியும் கதைகள், தனது தாயாரின் பாரம்பரிய இசை மற்றும் உபநிடதங்களின் வாசிப்பு ஆகியவற்றை தனது முக்கிய தாக்கங்களாகக் கூறுகிறார். தில்லியில் சோம்நாத் ஹோரின் வழிகாட்டுதலின் கீழ் ஒரு கலைஞராக தனது திறமைகளை வளர்த்துக் கொண்டார்.[5]
விருதுகள்[தொகு]
இலலித் கலா அகாதமி, குடிய்ரசுத் தலைவரின் தங்கப் பதக்கம், கலா ரத்னா, சாகித்ய கலா பரிசத், எகிப்திய சர்வதேச அச்சு பினாலே போன்ற பல அமைப்புகளிலிருந்து இவர் பல தேசிய மற்றும் சர்வதேச விருதுகளை வென்றுள்ளார். [6]
மேற்கோள்கள்[தொகு]
- ↑ Amrita Jhaveri, A Guide to 101 Modern and Contemporary Indian Artists, 2005 ISBN 81-7508-423-5
- ↑ Neville Tuli, Indian Contemporary Painting, Hary N. Abrams Incorporated, 1998, ISBN 0-8109-3472-8
- ↑ Jhaveri, Amrita. (2005). A guide to 101 modern & contemporary Indian artists. Mumbai: India Book House. பன்னாட்டுத் தரப்புத்தக எண்:8175084235. இணையக் கணினி நூலக மையம்:62899830.
- ↑ Geeti Sen (editor), Transgression in Print, Palette Art Gallery, 2007 ISBN 978-81-906029-0-7
- ↑ "Anupam Sud". Saffronart. பார்க்கப்பட்ட நாள் 2019-04-13.
- ↑ Garg & Shah, Atul & Prerna. Footprints - Women in Printmaking. Bhasha Research and Publication Centre.
